Mahashivratri 2023: यंदाच्या महाशिवरात्रीला जुळून येतोय विशेष योग, तिथी आणि मुहूर्तावर टाका एक नजर

महाशिवरात्री

Image Credit source: Social Media

मुंबई, हिंदू धर्मात महाशिवरात्रीला (Mahashivratri 2023) मोठे धार्मिक महत्त्व आहे. या दिवशी भगवान शिव आणि माता पार्वतीची पूजा केली जाते. फाल्गुन महिन्यातील कृष्ण पक्षातील चतुर्दशी तिथीला महाशिवरात्री साजरी केली जाते.  पृथ्वीवरील एक वर्ष म्हणजे स्वर्गलोकातील एक दिवस. भगवान शिव रात्रीच्या एका प्रहरी विश्रांती घेतात. शिवाच्या विश्रांती घेण्याच्या काळाला महाशिवरात्री असे म्हणतात. या दिवशी सुख, समृद्धी, सौभाग्य आणि वैवाहिक जीवनासाठी भगवान शंकराचे व्रत ठेवले जाते आणि त्यांची पूजा केली जाते. या दिवशी जे लोक भोलेनाथाची पूजा करतात ते सर्व नियमांचे पालन करतात. भगवान शिव त्यांच्यावर विशेष आशीर्वाद देतात.

जुळून येतोय दुर्मिळ योगायोग

हिंदू दिनदर्शिकेनुसार यंदा महाशिवरात्रीला दुर्मिळ योगायोग घडत आहे. यंदा महाशिवरात्रीसोबत प्रदोष व्रतही आहे. यावेळी प्रदोष व्रत शनिवारी असल्याने याला शनि प्रदोष व्रत असेही म्हणतात. पुत्रप्राप्तीसाठी शनि प्रदोष व्रत विशेष पाळले जाते. अशा परिस्थितीत शिवरात्री आणि प्रदोष व्रत या दिवशी एकत्र असल्याने पुत्रप्राप्ती हा दुर्मिळ योगायोग ठरत आहे.

तारीख

हिंदू कॅलेंडरनुसार, फाल्गुन महिन्याच्या कृष्ण पक्षातील चतुर्दशी तिथीला महाशिवरात्री साजरी केली जाते. अशा परिस्थितीत, यावेळी ही तारीख शनिवार, 18 फेब्रुवारी 2023 रोजी येत आहे. योगायोगाने प्रदोष व्रतही याच दिवशी पाळले जात आहे.

शुभ काळ

यावेळी चतुर्दशी तिथी शनिवारी रात्री 8.02 पासून दुसऱ्या दिवशी म्हणजे 19 फेब्रुवारी, रविवार, 4.18 पर्यंत असेल. दुसरीकडे, निशिता काळात, पूजेचा शुभ मुहूर्त रात्री 12:09 ते 1:00 पर्यंत असेल. दुसरीकडे, 18 फेब्रुवारीला उपवास करणारे भाविक पुढील 19 फेब्रुवारीला उपवास करू शकतात. पारणाचा शुभ मुहूर्त 19 फेब्रुवारीला सकाळी 6.59 ते दुपारी 3.24 पर्यंत असेल.