Pitru Paksha : पितृ पक्षातले सप्तमी श्राद्ध आज, जाणून घ्या तर्पण विधी आणि महत्त्व

पितृपक्ष

Image Credit source: Social Media

मुंबई : आज पितृ पक्षातील (Pitru Paksha 2023) सप्तमी तिथी आहे, त्यामुळे आज सप्तमी श्राद्ध केले जाईल. सप्तमी श्राद्धात, सप्तमी तिथीला मृत झालेल्या कुटुंबातील सदस्यांना आणि पूर्वजांना नैवेद्य दाखवला जातो. एका पौराणिक मान्यता आहे की या काळात पूर्वज आपल्या कुटूंबीयांना भेटण्यासाठी पृथ्वीवर येतात. यामुळेच पितृपक्षात पितरांच्या आत्म्याच्या शांतीसाठी श्राद्ध विधी, पिंड दान आणि तर्पण केले जातात.  पितरांच्या आत्म्याच्या शांतीसाठी सप्तमी श्राद्धाचे विधी 1030142,973003,970570,969798कसे केले जातात आणि श्राद्ध करण्याची योग्य पद्धत काय आहे ते जाणून घेऊया.

सप्तमी श्राद्धाची पद्धत

सप्तमीच्या श्राद्धात सात ब्राह्मणांना अन्नदान केले जाते, अशी श्रद्धा आहे. या दिवशी कुशाच्या आसनावर बसून पूर्वजांच्या आत्म्याच्या शांतीसाठी श्री हरी भगवान विष्णूच्या परम स्वरूपाची पूजा केली जाते. यानंतर भगवत गीतेच्या सातव्या अध्यायाचे पठण केले जाते. पितरांच्या शांतीसाठी विशेष पितृ मंत्राचाही जप करावा.

सप्तमीचे श्राद्ध करण्यासाठी हातात कुश, जव, गंगाजल, दूध, काळे तीळ आणि अक्षत घेऊन संकल्प करा. मग “ओम आद्य श्रुतिस्मृति पुरानोक्त सर्व ऐहिक सुख आणि समृद्धी प्राप्त करण्यासाठी आणि संतती वाढवण्यासाठी, देवऋषिमानुष्यपितृतर्पणं च अहं करिष्ये.” या मंत्राचा जप करा. सात ब्राह्मणांना जेवू घाला. मग त्यांना तुमच्या क्षमतेनुसार दान द्या.

सप्तमी श्राद्ध मुहूर्त

कुतुप मुहूर्त – सकाळी 10.51 ते 11.42 पर्यंत
रोहीन मुहूर्त- सकाळी 11:42 ते दुपारी 12:31 पर्यंत
दुपारची वेळ- दुपारी 12:31 ते 02:59 पर्यंत

आगामी श्राद्ध तारखा

06 ऑक्टोबर 2023, शुक्रवार- अष्टमी श्राद्ध
07 ऑक्टोबर 2023, शनिवार- नवमी श्राद्ध
08 ऑक्टोबर 2023, रविवार- दशमी श्राद्ध
09 ऑक्टोबर 2023, सोमवार- एकादशी श्राद्ध
10 ऑक्टोबर 2023, मंगळवार- माघ श्राद्ध
11 ऑक्टोबर 2023, बुधवार- द्वादशी श्राद्ध
12 ऑक्टोबर 2023, गुरुवार- त्रयोदशी श्राद्ध
13 ऑक्टोबर 2023, शुक्रवार- चतुर्दशी श्राद्ध
14 ऑक्टोबर 2023, शनिवार- सर्व पितृ अमावस्या

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)