Sankashti Chaturthi 2023 : या तारखेला आहे संकष्टी चतुर्थी, धार्मिक महत्त्व आणि पुजा विधी
या दिवशी व्रत ठेवून गणेशाची विधिवत पूजा केल्याने शुभ फल प्राप्त होते. तुमच्या कामात काही अडथळे येत असतील तर तेही गणपतीच्या कृपेने दूर होतात.
मुंबई : पंचांगानुसार, संकष्टी चतुर्थी (Sankashti Chaturthi 2023) व्रत प्रत्येक महिन्याच्या कृष्ण आणि शुक्लपक्षाच्या चतुर्थी तिथीला पाळले जाते. यावेळी ही तारीख सोमवार 08 मे 2023 रोजी येत आहे. या दिवशी व्रत ठेवून गणेशाची विधिवत पूजा केल्याने शुभ फल प्राप्त होते. तुमच्या कामात काही अडथळे येत असतील तर तेही गणपतीच्या कृपेने दूर होतात. या शुभ तिथीला गजाननाची पूजा केल्याने साधकाला ऐश्वर्यच नाही तर सुख-संपत्तीही प्राप्त होते. संकष्टी चतुर्थीच्या पूजेचे शुभ मुहूर्त आणि धार्मिक महत्त्व जाणून घेऊया.
एकदंत संकष्टी चतुर्थीचा शुभ मुहूर्त
गणपतीच्या उपासनेचे शुभ फल देणारे एकदंत संकष्टी चतुर्थी व्रत या वर्षी 08 मे 2023 रोजी साजरे केले जाणार आहे.पंचांगानुसार, वैशाख महिन्यातील कृष्ण पक्षातील चतुर्थी तिथी 08 मे 2023 रोजी सायंकाळी 06:18 पासून सुरू होऊन समाप्त होईल. 09 मे 2023 संध्याकाळी 04:08 पर्यंत राहील. पंचांगानुसार, एकदंत संकष्टी चतुर्थीच्या दिवशी चंद्र रात्री 10:04 वाजता असेल.
संकष्टी चतुर्थीचे धार्मिक महत्व
एकदंत संकष्टी चतुर्थीला धार्मिक दृष्टिकोनातून खूप महत्त्व आहे. या दिवशी गणेशाची पूजा केल्याने जीवनातील सर्व समस्या दूर होतात. आपल्या सर्व मनोकामना पूर्ण करण्यासाठी या दिवशी व्रत ठेवण्याचाही नियम आहे. एकदंत संकष्टी चतुर्थीचा उपवास केल्याने सुख आणि सौभाग्य प्राप्त होते.अगदी संतानप्राप्तीचा आनंद घ्यायचा असेल तर या दिवशी विधीपूर्वक गणेशाची पूजा करावी.
संकष्टी चतुर्थी पूजा पद्धत
या दिवशी तन आणि मन शुद्ध करून गणपतीच्या पूजेला सुरुवात करावी.पूजा सुरू करण्यापूर्वी पूजास्थान आणि मंदिराची पूर्ण स्वच्छता करावी, त्यानंतरच पूजा सुरू करावी. सर्वप्रथम हातात पाणी घेऊन उपवासाची प्रतिज्ञा घ्यावी. यानंतर गणपतीच्या मूर्तीवर किंवा पोस्टरवर हळदीचा तिलक लावून त्यावर दुर्वा, फुले आणि हार अर्पण करा. शक्य असल्यास पूजेच्या वेळी तुपाचा दिवा लावावा. शेवटी व्रत कथा वाचून श्रीगणेशाची आरती करावी.
(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)