Shukrawar Laxmi Puja : शुक्रवारच्या दिवशी अशी करा अष्ट लक्ष्मीची पूजा, जाणून घ्या संपूर्ण विधी
हिंदू धर्मग्रंथांमध्ये, शुक्रवार हा माता लक्ष्मीला समर्पित आहे. शुक्रवारी पूजा आणि उपवास केल्याने देवी लक्ष्मी प्रसन्न होते असे मानले जाते.
हिंदू धर्मामध्ये सर्व सण अगदी उत्साहात साजरी केली जातात. हिंदू ग्रांथांमध्ये आठवड्यातील प्रत्येक दिवस कोणत्या तरी देवाला समर्पित आहे. आठवड्यामधील त्या दिवसांमध्ये देवाची पूजा आणि व्रत केले जाते. ज्या देवावर तुमची जास्त श्रद्धा असते त्या देवाला तुमची ईष्ठ देव म्हटले जाते. सांगितलेल्या दिवशी त्या देवाची पूजा केल्यामुळे तुमच्या आयुष्यातील सर्व समस्या दूर होतात आणि आयुष्यामध्ये सकारात्मकता येते. पौराणिक कथेनुसार, समुद्रमंथनाच्या वेळी देवी लक्ष्मी प्रकट झाली होती. हिंदू धार्मिक ग्रंथांनुसार, लक्ष्मी देवीला धन आणि समृद्धीची देवी मानली जाते. शुक्रवारच्या दिवशी देवी लक्ष्मीची पूजा केली जाते.
शुक्रवारच्या दिवशी देवी लक्ष्मीची पूजा केल्यामुळे तुमच्या आयुष्यामध्ये सकारात्मकता वाढते आणि तुमच्या जीवनामधील सर्व संकट दूर होण्यास मदत होते. मान्यतेनुसार, ज्या व्यक्तीवर देवी लक्ष्मी प्रसन्न होते त्याच्या घरात धन आणि समृद्धीची कमतरता नसते. घरात नेहमीच आनंद असतो. शुक्रवारी देवी लक्ष्मीची पूजा आणि उपवास सर्वांना माहिती आहे, पण तुम्हाला माहिती आहे का की शुक्रवारी गुप्त लक्ष्मीची पूजा केली जाते. खरंतर, गुप्त लक्ष्मी, जिला धुमावती असेही म्हणतात.
अष्ट लक्ष्मीची पूजा कशी करावी?
शास्त्रांमध्ये असे म्हटले आहे की रात्रीची वेळ लक्ष्मी देवीच्या पूजेसाठी शुभ मानली जाते.
शुक्रवारी रात्री ९ ते १० च्या दरम्यान देवी लक्ष्मीची पूजा करावी.
सर्वप्रथम, पूजेसाठी स्वच्छ कपडे घालावेत.
नंतर पूजास्थळावर गुलाबी रंगाचे कापड पसरावे आणि त्यावर श्रीयंत्र आणि गुप्त लक्ष्मी (अष्ट लक्ष्मी) ची मूर्ती किंवा चित्र ठेवावे.
नंतर आईसमोर ८ तुपाचे दिवे लावावेत.
नंतर श्रीयंत्राला तिलक लावावा आणि अष्टगंधाने अष्टलक्ष्मीला लावावे.
आईला लाल जास्वंद फुलांच्या माळाने सजवावे आणि नैवेद्याला खीर द्यावी.
“ऐम ह्रीम श्रीं अष्टलक्ष्मीये ह्रीम सिद्धये मम गृहे अगच्छागच्छ नमः स्वाहा” मंत्राचा जप करावा.
शेवटी, देवीची आरती करावी आणि आठही दिवे घराच्या आठही दिशांना लावावेत.
गुप्त लक्ष्मीला अष्ट लक्ष्मी असेही म्हणतात. असे मानले जाते की जो कोणी शुक्रवारी गुप्त लक्ष्मीची (अष्ट लक्ष्मी) पूजा करतो, त्याच्या घराचा खजिना नेहमीच संपत्तीने भरलेला असतो. हिंदू धर्मात, देवी लक्ष्मीची पूजा केवळ घरात धान्य आणि पिके वाढवण्यासाठी केली जात नाही, तर समृद्धी आणि सौभाग्य सुनिश्चित करण्यासाठी देखील तिची पूजा केली जाते. देवी लक्ष्मीची पूजा केल्याने नकारात्मक शक्ती देखील नष्ट होतात.
(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
