Somwar Upay : सोमवारच्या दिवशी अशा प्रकारे करा महादेवाची आराधना, वैवाहीक जीवनातील कलह होतील दुर

शिवलींग

Image Credit source: Social Media

मुंबई : हिंदू धर्मात सोमवारचा दिवस अत्यंत शुभ मानला जातो. कारण हा दिवस भगवान शिवाला समर्पित आहे. या दिवशी भगवान शंकराची आराधना करून जीवनात यश मिळवण्यासाठी प्रार्थना केल्यास सर्व कार्य सफल होतात. शास्त्रात असेही सांगितले आहे की सोमवार हा दिवस सर्व त्रास दूर करण्यासाठी सर्वात उपयुक्त दिवस आहे. यासोबत असे देखील सांगण्यात आले आहे की सोमवारी काही उपाय (Somwar Upay) केल्याने व्यक्तीच्या जीवनात मोठा बदल होतो आणि भगवान शंकराची कृपा त्याच्यावर सदैव राहते. चला जाणून घेऊया सोमवारी कोणत्या 5 उपायांनी भगवान शंकराची कृपा प्राप्त होते.

सोमवारचे हे पाच उपाय आहेत अत्यंत प्रभावी

1. भगवान शिवाला समर्पित सोमवारी, ब्रह्म मुहूर्तावर पहाटे उठून स्नान करून, भगवान शंकराचे दर्शन घ्या. त्यासोबत शिव चालिसा किंवा शिवाष्टक पाठ करा. असे केल्याने भगवान शिव लवकर प्रसन्न होतात आणि भक्तांच्या समस्या दूर करतात.
2. वैवाहिक जीवनात येणाऱ्या अडचणी दूर करण्यासाठी सोमवारी शिव मंदिरात रुद्राक्ष दान करा. असे केल्याने अनेक प्रकारच्या समस्या दूर होतात. यासोबतच विवाहात येणाऱ्या अडथळ्यांपासूनही मुक्ती मिळते.
3. सोमवारी व्यक्तीने एका बेलपत्रावर पांढर्‍या चंदनाचा टिळा लावून शिवलिंगाला अर्पण करावा. हे करत असताना आपल्या मनातील सर्व इच्छा बोलून दाखवाव्या. असे केल्याने भगवान शिव प्रसन्न होतात आणि इच्छित मनोकामना पूर्ण करतात.
4. या दिवशी सकाळी घराजवळ बांधलेल्या शिवमंदिरात शिवाला दुधाचा अभिषेक करावा. भांडी तांब्याचे असावे आणि दूध अर्पण करताना  ‘ओम नमः शिवाय’ सतत नामजप करत राहा. असे केल्याने व्यवसाय वाढतो.
5. भगवान शिवाला प्रसन्न करण्याचा एक मार्ग असाही सांगण्यात आला आहे की, शिवमंदिरात शांत ठिकाणी बसून ‘ओम नमो धनाय स्वाहा’ मंत्राचा 11 वेळा जप करा. असे केल्याने संपत्ती वाढते, ऐश्वर्य आणि यश प्राप्त होते.

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)