कलियुगात बजरंगबली कशाप्रकारे बनले चिरंजिवी, अशी आहे पौराणिक कथा

मंगळवार उपाय

मुंबई : मंगळवार हा हिंदू धर्मात अत्यंत महत्त्वाचा दिवस आहे. बजरंगबलीची पूजा करण्यासाठी हा दिवस उत्तम आहे. यासोबतच मंगळवार व्यतिरिक्त शनिवार हा देखील हनुमानजींच्या पूजेसाठी सर्वोत्तम दिवस मानला जातो. सध्याचा काळ कलियुग आहे आणि या युगात हनुमानजींची पूजा (Hanuman Puja) करणे सर्वात फायदेशीर असल्याचे सांगितले जाते. असे मानले जाते की कलियुगातील सर्वात जागृत देवता हनुमानजी आहेत आणि या युगात त्यांची उपासना केल्याने जीवनातील सर्व त्रासांपासून लवकर मुक्ती मिळते. या कारणास्तव त्यांचे एक नाव संकट मोचन आहे. आता मुद्दा येतो की हिंदू धर्मात अनेक देव-देवता आहेत पण कलियुगात फक्त हनुमानजींचीच इतकी पूजा का केली जाते आणि ते कलियुगातील सर्वात जागृत देव कसे बनले? चला तर मग जाणून घेऊया.

माता सीतेने अमरत्वाचे वरदान दिले होते

वाल्मिकी रामायणानुसार, हनुमानजी हे आठ चिरंजीवांपैकी एक आहेत. जेव्हा प्रभू रामाचे परम सेवक हनुमानजी माता सीतेच्या शोधात लंकेत पोहोचले आणि अशोक वाटिकेत भगवान रामाचा संदेश दिला. तेव्हा माता सीतेने हनुमानजींना अमरत्वाचे वरदान दिले होते. तेव्हापासून हनुमानजी आठ चिरंजीवांपैकी एक झाले. आपल्या निवासस्थानी जाताना प्रभू रामाने हनुमानजींना कलियुगापर्यंत राहण्यास सांगितले.

वाल्मिकी रामायणानुसार, जेव्हा प्रभू राम अयोध्या शहरातून सरयूजीच्या शेवटच्या क्षणी त्यांच्या मूळ निवासस्थानी वैकुंठला जाण्यासाठी निघू लागले. तेव्हा हनुमानजी श्रीरामांना म्हणाले, मी तुमच्या शिवाय राहू शकत नाही त्यामुळे मी पण तुमच्यासोबत येईन. तुमच्याशिवाय मी इथे काय करू? तेव्हा भगवान राम हनुमानजींना म्हणाले, हनुमान, तुला कलियुगपर्यंत पृथ्वीवर राहायचे आहे. एक वेळ येईल जेव्हा येथे पाप सर्वात जास्त वाढेल. मग तुम्हाला सर्व धर्मांचे पालन करणाऱ्या भक्तांचे रक्षण करावे लागेल. त्यावेळी कलयुग शिखरावर असेल. मग प्रत्येकाला तुमची गरज भासेल. बजरंबली आपल्या उपासकाचे म्हणणे कसे मान्य करू शकत नाही? तेव्हा पवनपुत्र हनुमानजी म्हणाले, प्रभु, मी तुझा सेवक तुला वचन देतो की मी कलियुगापर्यंत पृथ्वीवर राहीन. जिथे जिथे तुझ्या नामाचा जयजयकार होईल तिथे मी लगेच हजर होईन आणि तुझी अयोध्या नगरी हेच माझे प्राण होईल. जे तुझ्या भक्तीत मग्न आहेत त्यांचे रक्षण करणे हे माझे परम कर्तव्य असेल.

हनुमान आजही कलियुगात करतात भक्तांचे रक्षण

जेव्हा हनुमान प्रभू रामाची आज्ञा स्वीकारली. त्यानंतर श्रीराम अयोध्येतील गुप्तर घाटातील सरयू नदीत अंतर्धान पावले आणि तेव्हापासून आजतागायत हनुमान कलियुगात सशरीरात विराजमान आहेत. आजही सर्वत्र प्रभू रामाचा जयजयकार केला जातो. तेथे हनुमानजी लवकरच गुप्तपणे प्रकट होतात. तसे, असे मानले जाते की कलियुगातील गंधमादन पर्वतावर हनुमान जी हिमालयाच्या शिखरावर आहेत.

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)