Vastu | वर्क फॉर्म होम करताय? मग तुमचे वर्कस्टेशन परिपूर्ण बनवण्यासाठी या वास्तु टिप्स फॉलो करा
कोरोना (Corona) काळामध्ये बहुतेक लोक घरून काम (Work from home)करत आहेत. घरातून काम करताना लोकांना अनेक समस्यांना तोंड द्यावे लागते.
मुंबई : कोरोना (Corona) काळामध्ये बहुतेक लोक घरून काम (Work from home)करत आहेत. घरातून काम करताना लोकांना अनेक समस्यांना तोंड द्यावे लागते. घरातील वातावरण आपली मानसिकस्थिती (Mental Helath) या सर्वाचा आपल्या कामावर खूप परिणाम होत असतो. अशा परिस्थितीत, कामावर लक्ष केंद्रित करणे कठीण असते. अनेकदा लोक त्यांच्या आजूबाजूला ठेवलेल्या वस्तूंमुळे विचलित होतात किंवा योग्य ठिकाणी बसत नाहीत. अशा परिस्थितीत कामाचा उत्साह असूनही लोक कामाच्या बाबतीत मन लागत नाही. झोप (Sleep) लागणे आणि कामावर लक्ष केंद्रित न करणे हे अगदी स्वाभाविक आहे. पण या काळात वास्तुशास्त्र तुमच्या मदतीला येऊ शकते. वास्तुशास्त्रातील काही बदल तुमचे आयुष्य सुखरक करतील. चाला तर मग जाणून घेऊयात कोणत्या आहेत त्या गोष्टी.
कामानुसार निवडा दिशा
तुम्ही लेखन, बँक, व्यवसाय व्यवस्थापन किंवा खाती यासारख्या व्यवसायात असाल तर उत्तर दिशेला बसणे तुमच्यासाठी फायदेशीर ठरेल. दुसरीकडे, जर तुमची नोकरी संगणक प्रोग्रामिंग, शिक्षण, ग्राहक सेवा, तांत्रिक सेवा, कायदा किंवा औषधाशी संबंधित असेल, तर तुमच्यासाठी पूर्व दिशेला बसणे चांगले आहे. अशा प्रकारे तुमचे मन कामात गुंतले जाईल, ऊर्जा पातळी उच्च असेल आणि नकारात्मक ऊर्जा तुमच्या कामात अडथळा आणणार नाही.
टेबल-खुर्ची व्यवस्था
बसण्यासाठी वापरल्या जाणाऱ्या खुर्चीच्या मागे भिंत असावी कारण ती वास्तूनुसार शुभ मानली जाते. खुर्चीच्या मागे खिडकी किंवा दरवाजा कधीही नसावा आणि तुमच्या खुर्ची-टेबलच्या अगदी वर बीम नसावा, कारण यामुळे आर्थिक नुकसान होऊ शकते.
फाईल्स, कागदाचे ढीग नकोच
वास्तुशास्त्रानुसार फाईल्स, कागदाचे ढीग किंवा इतर घरगुती वस्तू टेबलावर ठेवल्याने कामाच्या गुणवत्तेवर परिणाम होतो आणि नकारात्मक ऊर्जा वाढते. नकारात्मक ऊर्जा वाढल्यामुळे तुम्ही तणावाखाली असाल आणि काम वेळेवर पूर्ण होणार नाही. काचेच्या वरचे टेबल टाळा कारण ते नकारात्मक ऊर्जा निर्माण करते ज्यामुळे तुमचे काम मंदावते.
वर्कस्टेशन लाइट
ज्या खोलीत तुम्ही तुमचे वर्कस्टेशन सेट करण्याची योजना आखत आहात त्या खोलीच्या प्रकाशाचा विचार करणे महत्त्वाचे आहे. त्याचा तुमच्या कामावर आणि मूडवर परिणाम होऊ शकतो. खूप तेजस्वी किंवा खूप कमी प्रकाश डोळ्यांवर नकारात्मक परिणाम करू शकतो. तसेच प्रकाशाच्या कमतरतेमुळे वास्तुदोष निर्माण होतात आणि तेथे नकारात्मक ऊर्जा वाहू लागते.
झाडंचा वापर करा
वर्कस्टेशन सुंदर आणि सकारात्मक बनवण्यासाठी तुम्ही इनडोअर प्लांट लावू शकता. मनी प्लांट, बांबू, पांढरी कमळ आणि रबरची झाडे पूर्व किंवा उत्तर दिशेला लावल्यास ती जागा केवळ शोभत नाही तर फायदेशीरही मानली जाते. तथापि, आपल्या कामाच्या ठिकाणी कधीही कोरडी आणि काटेरी झाडे ठेवू नका.
(येथे दिलेली माहिती धार्मिक श्रद्धा आणि लोकश्रद्धेवर आधारित आहे, याला कोणताही शास्त्रीय पुरावा नाही. सर्वसामान्यांची आवड लक्षात घेऊन ती येथे सादर केली आहे.)
संबंधीत बातम्या :
Masik Durga Ashtami February 2022 : आज माघ दुर्गाष्टमी, जाणून घ्या तिचे महत्व आणि तिथी
