Vat Savitri 2023 : पतीच्या दिर्घायुष्यासाठी ठेवले जाते वट सावित्रीचे व्रत, काय आहे मुहूर्त आणि महत्व?

वट सावित्री

Image Credit source: Social Media

मुंबई : सनातन धर्मात विवाहित स्त्रिया आपल्या पतीच्या दीर्घायुष्यासाठी ज्येष्ठ महिन्याच्या कृष्ण पक्षातील अमावास्येला वट सावित्री व्रत (Vat Savitri 2023) पाळतात. या दिवशी, आपल्या पतीच्या दीर्घायुष्यासाठी आणि सुखी संसारासाठी, दिवसभर निर्जल उपवास केला जातो. असे म्हटले जाते की, हे व्रत पवित्रतेचे प्रतीक आहे आणि यामुळे पती-पत्नीच्या नात्यात गोडवा येतो. या वर्षी वट सावित्री व्रत कधी साजरी होणार आहे ते जाणून घेऊया.

वट सावित्री व्रत 2023 तारीख

यावर्षी वट सावित्री व्रत 3 जुन 2023 रोजी होणार आहे. पंजाब, दिल्ली, ओडिशा, मध्य प्रदेश, हरियाणा, उत्तर प्रदेशमध्ये वट सावित्री व्रत या 19 मे  म्हणजेच अमावस्येला पाळले जाते. महाराष्ट्र आणि गुजरातमध्ये या वेळी 3 जून रोजी येणाऱ्या ज्येष्ठ पौर्णिमेला हे व्रत केले जाणार आहे.

वट सावित्री व्रत 2023 अमावस्या मुहूर्त

हिंदू कॅलेंडरनुसार, यावेळी वट सावित्री व्रताचा शुभ मुहूर्त 3 जुन 2023 रोजी सकाळी 11.17 मी सुरू होईल आणि दुसऱ्या दिवशी सकाळी 9.11 पर्यंत असेल. तथापि, उदयतिथीनुसार हे व्रत 3 जुन रोजीच पाळणे योग्य ठरेल.