Vinayaki Chaturthi : या तारखेला आहे विनायकी चतुर्थी, अशा प्रकारे बाप्पाची करा आराधना, होतील सर्व मनोकामना पूर्ण

गणपती बाप्पा

Image Credit source: Social Media

मुंबई : सनातन पंचांगानुसार प्रत्येक महिन्याच्या शुक्ल पक्षातील चतुर्थीला विनायक चतुर्थी (Vinayaka Chaturthi) साजरी केली जाते. अशा प्रकारे गुरुवार, 22 जूनला आषाढ महिन्यातील शुक्ल पक्षातील विनायक चतुर्थी आहे. हा दिवस देवादी देव महादेवांचे पुत्र भगवान गणेशाला समर्पित आहे. भगवान गणेश हे हिंदू धर्मात प्रथम पुज्यनिय आहेत. त्यामुळे विनायक चतुर्थी सणाला विशेष महत्त्व आहे. या दिवशी गणेशाची भक्तिभावाने पूजा केली जाते. यासोबतच श्रीगणेशाच्या दर्शनासाठी उपवासही ठेवला जातो. विनायक चतुर्थीच्या दिवशी श्रीगणेशाची आराधना केल्याने साधकाला सुख, वैभव, कीर्ती, सश आणि धन प्राप्त होते, अशी धार्मिक श्रद्धा आहे. यासोबतच जीवनातील सर्व संकटे दूर होतात. त्यामुळे विनायक चतुर्थीच्या दिवशी श्रीगणेशाची पूजा विधीवत करावी. जाणून घेऊया शुभ वेळ, तारीख आणि पूजा करण्याची पद्धत.

शुभ वेळ

दैनिक पंचांगनुसार, आषाढ महिन्याच्या शुक्ल पक्षाची चतुर्थी 21 जून रोजी दुपारी 3.09 वाजता सुरू होईल आणि दुसऱ्या दिवशी संध्याकाळी 5.27 वाजता समाप्त होईल. सनातन धर्मात उदय तिथी मानली जाते. त्यामुळे 22 जून रोजी विनायक चतुर्थी साजरी होणार आहे. सकाळी 10.29 ते दुपारी 01.17 या वेळेत भाविक गणेशाची आराधना करू शकतात. हा काळ पूजेसाठी शुभ आहे. याशिवाय चोघडिया तिथीनुसारही पूजा करता येते.

पूजा पद्धत

या दिवशी ब्रह्म मुहूर्तावर उठल्यानंतर सर्वप्रथम श्रीगणेशाला नमस्कार करावा. यानंतर दिवसाची सुरुवात करा. सर्व कामांतून निवृत्त झाल्यावर गंगाजलयुक्त पाण्याने स्नान करून आचमन करावे. यावेळी व्रत घ्या. आता पिवळे वस्त्र परिधान करून सर्वप्रथम सूर्यदेवाला जल अर्पण करावे. यानंतर पंचोपचार करून श्रीगणेशाची फळे, फुले व मोदकांनी पूजा करावी. यावेळी खालील मंत्राचा जप करा.

वक्रतुंडा महाकाया सूर्यकोटी सम्प्रभ ।

निर्विघ्न कुरु मध्ये देव सर्वकार्येषु सर्वदा ।

पूजेच्या वेळी गणेश चालीसा, गणेशस्त्रोत, स्तुती आणि गणेश कवच पठण करा. शेवटी, प्रार्थना करून सुख, समृद्धी आणि संपत्ती वाढीसाठी प्रार्थना करा. दिवसभर उपवास ठेवा. साधक दिवसातून एकदा एक फलाहार करू शकतात. संध्याकाळी आरती करा आणि फळे खा. पूजा झाल्यानंतर दुसऱ्या दिवशी उपवास सोडा.

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)