देवघरात शंख का ठेवला जातो? तुम्हाला माहिती आहे का यामागचे कारण?

शंख

Image Credit source: Social Media

मुंबई : धार्मिक दृष्टिकोनातून शंख (Shankha Importance) अत्यंत पवित्र मानला जातो. कोणत्याही धार्मिक कार्यक्रमात शंख फुंकणे शुभ मानले जाते. धार्मिक शास्त्रानुसार भगवान विष्णू आणि माता लक्ष्मी यांना शंख खूप प्रिय आहे. शंखातून जल अर्पण केल्याने भगवान श्री हरी प्रसन्न होतात आणि भक्तांच्या सर्व मनोकामना पूर्ण करतात. असे म्हणतात की समुद्रमंथनातून मिळालेल्या मौल्यवान रत्नांपैकी एक म्हणजे शंख. शंखपूजा आणि त्यासंबंधीचे नियम शास्त्रात नमूद आहेत. जाणून घ्या शंखाचे महत्त्व आणि त्याच्याशी संबंधित महत्त्वाच्या गोष्टी.

पूजेमध्ये शंख आवश्यक आहे

जोतीषी पराग कुळकर्णी यांच्या मते, शंखाचा संबंध माता लक्ष्मी आणि भगवान विष्णू यांच्याशी आहे. अशा स्थितीत भगवान विष्णूची पूजा करताना शंखाचा वापर फलदायी ठरतो. प्राचीन काळी ऋषी-मुनींची पूजा. यज्ञ करताना शंख वापरला जात असे. शंखांच्या आवाजाने देव प्रसन्न होतात आणि भक्तांची हाक ऐकतात, म्हणून पूजेत शंखनाद शुभ आहे.

पूजेच्या खोलीत शंख ठेवल्याने देवी लक्ष्मीचा वास होतो. दक्षिणावर्ती शंख तर अधिक शुभ आणि फलदायी आहे. सकाळ-संध्याकाळ शंख वाजवल्याने घरातील वाईट शक्तींचा नाश होतो आणि सकारात्मक ऊर्जा पसरून कुटुंबातील सदस्यांचा मूड सकारात्मक राहतो.

शंखाशी संबंधित महत्त्वाच्या गोष्टी

शंखाशी संबंधित काही नियम शास्त्रात सांगितले आहेत. पूजेमध्ये समाविष्ट असलेला शंख वाजवू नये. तुम्ही इतर कोणताही शंख फुंकण्यासाठी वापरू शकता. कारण पूजेच्या शंखाला तोंड लागल्याने त्याला आपली थुंकी लागते.

शंख देवघरात लाल कपड्यावर ठेवावा. पूजेच्या वेळी शंख शुद्ध पाण्याने भरा आणि ते पाणी संपूर्ण घरात शिंपडा. शंख फुंकण्यापूर्वी नेहमी गंगाजल किंवा पवित्र पाण्याने स्वच्छ करणे आवश्यक आहे. शंखाचे हे नियम पूजेच्या वेळी लक्षात ठेवावेत.

शंखाचे  प्रकार

दक्षिणावर्ती, मध्यवर्ती आणि वामावर्ती या तीन प्रकारच्या शंखांचा उल्लेख धर्मग्रंथात आहे. श्री विष्णूचा शंख मध्यभागी आणि देवी लक्ष्मीचा शंख डावीकडे असल्याचे मानले जाते. मान्यतेनुसार दक्षिणावर्ती आणि वामावर्ती शंख पूजेच्या वेळी वापरतात.

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)