Special Report : आईला सरप्राईज भेट देण्यासाठी निघाला होता, डुलकीमुळे गाडीला भीषण अपघात, ऋषभ पंत भविष्यात क्रिकेट खेळू शकेल का?
ऋषभ रुडकी या त्याच्या मूळ गावी जात होता. आईला सरप्राईज भेट देण्यासाठी तो दिल्लीहून निघाला.
नवी दिल्ली : अपघातात ऋषभ पंतच्या पाय आणि गुडघ्याला गंभीर दुखापत झाली. पहाटे ऋषभ आईला सरप्राईज भेट देण्यासाठी दिल्लीहून त्याच्या गावी निघाला. घर अवघ्या दहा किलोमीटरवर राहिलं असताना अपघात घडला. चार पदरी महामार्गावर हा अपघात झाला. पहाटे साडेचारची ही वेळ होती. ताशी दीडशे किलोमीटरचा वेग होता. गाडी भरधाव वेगात असताना डुलकी लागली. त्यामुळं हा अपघात झाल्याच सांगितलं जातं.
डिव्हायडर तोडून दुसऱ्या लेनवर कार गेली. प्रचंड वेगानं कार आधी डिव्हायडरवर आदळली.नंतर वाहतूक फलकावर आदळून गाडीच्या ठिणग्या उडाल्या. नंतरच्या काही मिनिटात गाडी पेटून खाक झाली. अपघातानंतर ऋषभ पंत खिडकीतून बाहेर पडला. रस्त्यावरच्या साईडलेनवर पोहचला. भीषण अपघातानं ऋषभचा शर्टही फाटला. लोकांनी त्याला धीर देऊन उभं केलं.
अंगावर चादर दिली. त्यानंतर दवाखान्यात नेलं. हरियाणा रोडवेज वरच्या सुशील नावाच्या चालकानं मोठी मदत केली. गाडीत काही पैसे होते. ते रस्त्यावर विखुरले गेले. लोकांनी जमा करून ते पैसे जमा केले. ८० लाख रुपये किमतीची मर्सिडीज कार होती. अपघातानंतर कारचा चुराडा झाला. रक्तस्त्राव सुरू असल्यानं तसेच चादर असल्यानं अनेकांनी ऋषभला ओळखलं नाही.
ऋषभ रुडकी या त्याच्या मूळ गावी जात होता. आईला सरप्राईज भेट देण्यासाठी तो दिल्लीहून निघाला. अपघात घडला तिथून ऋषभच्या घराचं अंतर फक्त दहा किलोमीटर होतं. प्रचंड वेग आणि डोळ्यावर आलेल्या वेगामुळं नियंत्रण सुटलं. आता तो क्रिकेट खेळू शकणार की नाही, हे नंतरच कळेल.
