IND vs NZ: जडेजासारखा अष्टपैलू खेळाडू टीम इंडियात खेळताना दिसणार, न्यूझीलंड दौऱ्यात मिळाली संधी
हार्दीक पांड्याच्या नेतृत्वाखाली टीम इंडिया न्यूझिलंड दौऱ्यावर गेली आहे.
मुंबई : विश्वचषक स्पर्धेत (T20 World Cup 2022) टीम इंडियाच्या (Team India) काही खेळाडूंनी खराब कामगिरी केली आहे. त्यामुळे खराब कामगिरी करणाऱ्यांना टीम काढून टाका अशी मागणी चाहत्यांनी बीसीसीआयकडे केली आहे. टीम इंडियामध्ये काही खेळाडूंनी चांगली कामगिरी केली. त्यामध्ये विराट कोहली, सुर्यकुमार यादव आणि हार्दीक पांड्या (Hardik Pandhya) यांचा समावेश आहे. इंग्लंडविरुद्धच्या सेमीफायनलमध्ये हार्दीक पांड्याने स्फोटक फलंदाजी केली. त्यामुळे टीम इंडियाची धावसंख्या 168 झाली होती. टीम इंडियाचा पराभव झाल्यानंतर फॉर्ममध्ये नसलेल्या खेळाडूंवर जोरदार टीका झाली.
हार्दीक पांड्याच्या नेतृत्वाखाली टीम इंडिया न्यूझिलंड दौऱ्यावर गेली आहे. युवा खेळाडू टीम इंडियाने न्यूझिलंड दौऱ्यावर पाठवले आहेत. त्यामुळे टीम इंडियाच्या कामगिरीकडे सगळ्यांचं लक्ष लागलं आहे. वॉशिंगटन सुंदर (Washington Sundar) या खेळाडूला टीम इंडियामध्ये संधी देण्यात आली आहे. जडेजासारखा सारखी अष्टपैलू खेळी वॉशिंगटन सुंदर सुद्धा करु शकतो.
वॉशिंगटन सुंदर याने टीम इंडियासाठी तीनही फॉरमॅटमधील क्रिकेट खेळले आहे. 4 कसोटी सामन्यात त्याने 265 धावा केल्या आहेत. त्याचबरोबर 6 विकेट सुद्धा घेतल्या आहेत. तसेच टीम इंडियासाठी 6 वनडे आणि 31 टी20 मॅच सुद्धा त्याने खेळल्या आहेत.
टी-20 मालिकेसाठी टीम इंडिया
हार्दिक पंड्या (कर्णधार), ऋषभ पंत, शुभमन गिल, इशान किशन, दीपक हुडा, सूर्यकुमार यादव, श्रेयस अय्यर, संजू सॅमसन, वॉशिंग्टन सुंदर, युजवेंद्र, चहलदीप यादव, अर्शदीप सिंग, हर्षल पटेल, मोहम्मद सिराज, भुवनेश्वर कुमार, उमरान मलिक
वनडे मालिकेसाठी टीम इंडिया
शिखर धवन, ऋषभ पंत, शुभमन गिल, दीपक हुडा, सूर्यकुमार यादव, श्रेयस अय्यर, संजू सॅमसन, वॉशिंग्टन सुंदर, शार्दुल ठाकूर, शाहबाज अहमद, युजवेंद्र चहल, कुलदीप यादव, अर्शदीप सिंग, दीपक चहर, कुलदीप सेन, उमरान मलिक.
