World Test Championship final 2021 : एका मॅचवरुन तुम्ही पृथ्वीला जज करु शकत नाही, आशिष नेहरा भडकला

ऐन फॉर्मात असलेल्या पृथ्वी शॉ ला संघात का स्थान देण्यात आलं नाही?, असा थेट सवाल नेहराने विचारला आहे.

मुंबई : वर्ल्ड टेस्ट चॅम्पियनशीपच्या (World Test Championship Final) अंतिम सामन्यासाठी तसंच इंग्लंडविरुद्धच्या कसोटी मालिकेसाठी टीम इंडियाची (Team India) घोषणा करण्यात आली. बीसीसीआयने 4 राखीव खेळाडूंसह एकूण 24 सदस्यीय संघ जाहीर केला आहे. या संघात धडाकेबाज बॅट्समन पृथ्वी शॉ (Prithvi shaw) ला स्थान देण्यात आलेलं नाहीय. यावरुन बरीच चर्चा होतीय. अशातच भारतीय संघाचा माजी दिग्गज गोलंदाज आशिष नेहराने (Ashish Nehra) निवड समितीवर टीकास्त्र सोडलंय. ऐन फॉर्मात असलेल्या पृथ्वी शॉ ला संघात का स्थान देण्यात आलं नाही?, असा थेट सवाल नेहराने विचारला आहे. (Ashish Nehra Slam Selecter over Prithvi Shaw not Selected ICC World Test Championship final 2021 India vs England)

एका मॅचवरुन तुम्ही पृथ्वीला जज करु शकत नाही

“बॅटिंग तंत्राच्या मुद्द्यावर बोलायचं म्हटल्यास वाद प्रतिवाद होऊ शकतात. कधीकधी बॅट्समनला नव्या वातावरणाशी जुळवून घ्यायला वेळ लागतो. ऑस्ट्रेलिया दौऱ्यात अॅडलेडमध्ये पृथ्वी शॉ जवळ 30-40 कसोटी सामन्यांचा अनुभव नव्हता. तो युवा खेळाडू होता. त्याची सुरुवात होती. एका मॅचवरुन तुम्ही पृथ्वीला जज करु शकत नाही किंबहुना संघातून वगळू शकत नाही”, अशा शब्दात नेहराने निवड समितीवर टीका केली.

“भलेही भारतीय संघ ऑस्ट्रेलिया दौऱ्यावर सिरीज जिंकण्यासाठी जिवाचं रान करत होता. परंतु पृथ्वीच्या एका सामन्याच्या अपयशानंतर त्याला बेंचवर बसवणं किती योग्य आहे?”, असा सवाल नेहराने विचारला. पृथ्वीला भारतीय संघातून वगळल्यानंतर त्याने क्रिकबजशी बोलताना निवड समितीवर टीका केली.

“आयपीएलच्या 13 व्या मोसमात देखील त्याला खाली बसवायला नको होतं, जरी त्याच्या बॅटमधून धावा निघत नव्हत्या. टी ट्वेन्टीबाबत बोलायचं झालं तर मी नेहमी अशा खेळाडूला सपोर्ट करेल ज्याच्याजवळ क्षमता आणि प्रतिभा आहे. टी ट्वेन्टीमध्ये रिषभ पंत, पृथ्वी शॉ, शिमरन हेटमायर, मार्कस स्टॉयनिस यांसारख्या खेळाडूंची गरज असते”, असंही नेहरा म्हणाला.

पृथ्वी शॉ ची जबरदस्त कामगिरी

ऑस्ट्रेलिया दौऱ्यावर पृथ्वी शॉ ची बॅट बोलली नाही, त्यानंतर त्याला संघात स्थान देण्यात आलं नाही. परंतु ऑस्ट्रेलियावरुन आल्यानंतर अंगात जशी जादू संचारावी तशी पृथ्वीच्या बॅटमधून धावांची बरसात झाली. विजय हजारे ट्रॉफीमध्ये त्याने 827 रन्स फटकावल्या तसंच मुंबईला विजय मिळवून देण्यात मोलाची भूमिका पार पाडली. याशिवाय आयपीएलमध्येही पृथ्वीने कमाल केली. त्याने 7 सामन्यात तीन अर्धशतकांच्या मदतीने 308 धावा केल्या.

(Ashish Nehra Slam Selecter over Prithvi Shaw not Selected ICC World Test Championship final 2021 India vs England)

हे ही वाचा :

विराट अनुष्काच्या कोरोनाविरोधी अभियानाला लोकांची साथ, 24 तासांत जमली बक्कळ रक्कम!

मायदेशी जाण्याची लगबग सुरु होती, पण आता भारतातच मुक्काम, न्यूझीलंडच्या ‘या’ खेळाडूला कोरोनाची लागण!

Video : क्रिकेटमधला पहिला ओरिजनल मॅच फिनिशर, त्याच्या खास स्टाईलमध्ये संपवायचा मॅच!