टीम इंडियाकडून झालेल्या पराभवानंतर ए. बी. डिव्हिलीयर्सची पोस्ट व्हायरल, म्हणाला….
टीम इंडिया आणि साऊथ आफ्रिकेमध्ये झालेल्या फायनल सामन्यामध्ये भारताच्या शिलेदारांनी विजय मिळवत इतिहास रचला. श्वास रोखून ठेवणाऱ्या या सामन्यामध्ये शेवटच्या ओव्हरपर्यंत कोण जिंकेल हे माहिती नव्हतं. टीम इडियाने आफ्रिकेच्या हातातोंडाशी आलेला विजय हिसकावून घेतला. मात्र आफ्रिकेच्या संघाचंही कौतुक करावं तेवढं कमी नाही. आफ्रिकेच्या पराभावनंतर मादी खेळाडू ए. बी. डिव्हिलीयर्सने आपली प्रतिक्रिया दिली आहे.
टीम इंडियाने फायनलमध्ये मिळवलेल्या विजयानंतर भारताने दिवाळीसारखा जल्लोष पाहायला मिळाला. गेल्या अनेक वर्षांपासून चाहत्यांचं हे स्वप्न अधूर राहिलं होतं. मागील वर्षी ऑस्ट्रेलियाने दोन फायनल सामन्यात टीम इंडियाचा पराभव केला होता. त्यामुळे यंदाच्या वर्ल्ड कपमध्ये विजय मिळवाच लागणार होता.
टीम इंडियाने प्रथम फलंदाजी करताना 20 ओव्हरमध्ये167-7 धावा केल्या होत्या. या धावांचा पाठलाग करतान आफ्रिका संघाला 20 ओव्हरमध्ये 160-8 धावा करता आल्या. टीम इंडियाने हा सामना सात धावांनी जिंकला.
फायनल सामन्यामध्ये 30 बॉलमध्ये 30 धावांची गरज आफ्रिकेच्या संघाला होती. मात्र टीम इंडियाच्या गोलंदाजांनी आफ्रिकेला रोखलं आणि वर्ल्ड कपवर नाव कोरलं. आफ्रिकेचा पराभवावर ए. बी. डिव्हिलीयर्स पाहा काय म्हणाला.
साऊथ आफ्रिकेच्या टीमने आपली मान अभिमानाने वर ठेवावी, तुम्ही सगळेजण हिरो आहात. आफ्रिकेच्या आतापर्यंतच्या सर्व संघांच्या एक पाऊल तुम्ही पुढे गेले आहात. चांगली वेळ येणं अजून येणे बाकी असल्याचं ए बी डिव्हिलीयर्सने म्हटलं आहे. त्यायसोबतच ए बीने आपल्या पोस्टमध्ये टीम इंडियाचे अभिनंदन केलं आहे.
यंदाच्या वर्ल्ड कपमध्ये साऊथ आफ्रिका आणि टीम इंडियाने एकही सामना गमावला नव्हता. शेवटपर्यंत अपराजित राहिलेल्या आफ्रिका संघाला टीम इंडियाने फायनलमध्ये पराभूत केलं.