Duleep Trophy 2024 स्पर्धेतील दुसरी फेरी 12 सप्टेंबरपासून, सामन्याला किती वाजता सुरुवात होणार?

Duleep Trophy

Image Credit source: jay shah x account

दुलीप ट्रॉफी 2024 स्पर्धेतील दुसऱ्या फेरीला 12 सप्टेंबरपासून सुरुवात होत आहे. इंडिया ए विरुद्ध इंडिया डी आमनेसामने असणार आहेत. हा सामना अनंतपूर येथे होणार आहे. तर दुसऱ्या सामन्यात इंडिया बीसमोर इंडिया सी संघाचं आव्हान असणार आहे. टीम इंडिया बांगलादेश विरुद्ध 19 सप्टेंबरपासून कसोटी मालिका खेळणार आहे. त्यामुळे बीसीसीआयने दुलीप ट्रॉफीतील दुसर्‍या फेरीत काही बदल केले आहेत. त्यामुळे काही खेळाडू या फेरीत खेळताना दिसणार नाहीत. दुसऱ्या फेरीत श्रेयस अय्यर, मुशीर खान आणि रिंकु सिंह यांच्या कामगिरीवर लक्ष असणार आहे. हे सामने कुठे पाहता येतील? हे जाणून घेऊयात.

दुलीप ट्रॉफी स्पर्धेतील दोन्ही सामने हे टीव्हीवर स्पोर्ट्स 18 नेटवर्कवरील चॅनेल्सवर पाहता येतील. तर मोबाईलवर जिओ सिनेमा एपवर मॅच पाहायला मिळेल. या दोन्ही सामन्यांना सकाळी 9 वाजून 30 मिनिटांनी सुरुवात होईल. तर 9 वाजता टॉस होईल. पहिल्या फेरीत इंडिया ए विरुद्ध इंडिया बी आणि इंडिया सी विरुद्ध इंडिया डी असे सामने झाले होते. पहिल्या सामन्यात इंडिया बी आणि इंडिया सी ने विजय मिळवला होता. त्यामुळे आता दुसऱ्या फेरीत इंडिया ए आणि इंडिया डीवर कमबॅक करण्याचं आव्हान असणार आहे.

इंडिया ए : मयंक अग्रवाल (कॅप्टन), रियान पराग, तिलक वर्मा, शिवम दुबे, तनुष कोटियन, प्रसिद्ध कृष्णा, खलील अहमद, आवेश खान, कुमार कुशाग्र, शास्वत रावत, प्रथम सिंह, अक्षय वाडकर, एसके रशीद, शम्स मुलानी आणि आकिब खान

दुसऱ्या फेरीसाठी जोरदार सराव

इंडिया बी : अभिमन्यु ईश्वरन (कॅप्टन), सरफराज खान, मुशीर खान, नितीश कुमार रेड्डी, वाशिंगटन सुंदर, नवदीप सैनी, मुकेश कुमार, राहुल चाहर, आर साई किशोर, मोहित अवस्थी, एन जगदीसन (विकेटकीपर), सुयश प्रभुदेसाई, रिंकू सिंह आणि हिमांशु मंत्री (विकेटकीपर).

इंडिया सी: ऋतुराज गायकवाड (कर्णधार), साई सुदर्शन, रजत पाटीदार, अभिषेक पोरेल (विकेटकीपर), बाबा इंद्रजीत, ऋतिक शौकीन, मानव सुथार, गौरव यादव, विशाक विजयकुमार, अंशुल खंबोज, हिमांशु चौहान, मयंक मारकंडे, आर्यन जुयाल (विकेटकीपर) आणि संदीप वारियर.

इंडिया डी : श्रेयस लायर (कॅप्टन), अथर्व तायडे, यश दुबे, देवदत्त पडिक्कल, रिकी भुई, सारांश जैन, अर्शदीप सिंह, आदित्य ठाकरे, हर्षित राणा, आकाश सेनगुप्ता, केएस भरत (विकेटकीपर), सौरभ कुमार, संजू सॅमसन (विकेटकीपर), निशांत सिंधु आणि विदवथ कावेरप्पा