श्रीलंकेने इंग्लंडला तिसऱ्या कसोटीतील पहिल्या डावात 325 धावांवर रोखलं. इंग्लंडने पहिल्या दिवशी 3 विकेट्स गमावून 221 धावा केल्या होत्या. मात्र दुसऱ्या दिवशी श्रीलंकेने दुसऱ्या दिवशी दणक्यात कमबॅक करत इंग्लंडला रोखण्यात यश मिळवलं. इंग्लंडला 325 धावांवर गुंडाळल्यानंतर श्रीलंकेने आक्रमक सुरुवात केली आहे. श्रीलंकेचा ओपनर पाथुम निसांका याने वनडे स्टाईल अर्धशतक झळकावत आक्रमकपणे खेळणार असल्याचं जाहीर केलं आहे. मात्र याच आक्रमकपणामुळे श्रीलंकेला विकेट्सही गमवावे लागलं हे ही खरं आहे. पाथमु निसांका याने 12 व्या ओव्हरमध्ये अर्धशतक पूर्ण केलं. निसांकाने जोश हल याच्या ओव्हरमधील चौथ्या बॉलवर चौकार ठोकून 40 बॉलमध्ये अर्धशतक पूर्ण केलं. निसांकाच्या कसोटी कारकीर्दीतील हे पाचवं अर्धशतक ठरलं.
पाथुमने अर्धशतकानंतर तडाखा सुरुच ठेवला, मात्र त्याला फार वेळ मैदानात टिकता आलं नाही. पाथुमने 51 बॉलमध्ये 9 चौकारांच्या मदतीने 125.49 च्या स्ट्राईक रेटने 64 धावांची खेळी केली. पाथुमला जोश हल याने ख्रिस वोक्स याच्या हाती कॅच आऊट केलं. जोशने पाथुमला आऊट करत कसोटी कारकीर्दीतील पहिली विकेट मिळवली.
दरम्यान श्रीलंकेने आक्रमक खेळण्याच्या प्रयत्नात 100 धावांच्या आतच 5 विकेट्स गमावल्या. पाथुमनंतर दिनेश चांदीमल आऊट झाला. यासह श्रीलंकेचा अर्धा संघ माघारी परतला. श्रीलंकेची 16.2 ओव्हरमध्ये 5 बाद 93 अशी स्थिती झाली. त्यामुळे आता कॅप्टन धनंजया डी सिल्वा आणि कामिंदु मेंडीस या जोडीवर श्रीलंकेचा डाव सावरण्याची जबाबदारी असणार आहे.
पाथुमची चाबूक खेळी
Josh Hull claims his maiden Test wicket as the dangerous-looking Pathum Nissanka walks back to the pavilion after scoring 64 off 51 balls in the first innings of the third Test against England. pic.twitter.com/X8QAMJl49h
— CricTracker (@Cricketracker) September 7, 2024
श्रीलंका प्लेइंग ईलेव्हन : धनंजय डी सिल्वा (कॅप्टन), दिमुथ करुणारत्ने, पाथुम निसांका, अँजेलो मॅथ्यूज, कुसल मेंडिस (विकेटकीपर), दिनेश चांदीमल, कामिंडु मेंडिस, असिथा फर्नांडो, लाहिरू कुमारा, मिलन रथनायके आणि विश्वा फर्नांडो.
इंग्लंड प्लेइंग ईलेव्हन : ऑली पोप (कॅप्टन), डॅनियल लॉरेन्स, बेन डकेट, जो रूट, हॅरी ब्रूक, जेमी स्मिथ (विकेटकीपर), ख्रिस वोक्स, गस ऍटकिन्सन, ऑली स्टोन, जोश हल आणि शोएब बशीर.