INDvsAUS | इंदूरमधील तिसऱ्या कसोटीत हा स्टार खेळाडू डेब्यूच्या तयारीत
टीम इंडिया या मालिकेत 2-0 ने आघाडीवर आहे. तिसरा सामना हा 1 मार्चपासून इंदूरमधील होळकर स्टेडियममध्ये खेळवण्यात येणार आहे.
मुंबई | टीम इंडियाने बॉर्डर गावसकर ट्रॉफीतील पहिले 2 कसोटी सामने जिंकले आहेत. टीम इंडियाने 4 सामन्यांच्या मालिकेतील नागपूर आणि दिल्ली कसोटीत कांगारुंवर शानदार विजय मिळवलाय. टीम इंडिया या मालिकेत 2-0 ने आघाडीवर आहे. तिसरा सामना हा 1 मार्चपासून इंदूरमधील होळकर स्टेडियममध्ये खेळवण्यात येणार आहे. त्याआधी ऑस्ट्रेलियाचा कॅप्टन आणि बॉलर पॅट कमिन्स हा कौटुंबिक कारणामुळे मायदेशी परतला आहे. त्यामुळे त्याच्या जागी स्टीव्ह स्मिथ याच्याकडे तिसऱ्या सामन्यासाठी कर्णधारपदाची जबाबदारी सोपवण्यात आली आहे.
कमिन्सच्या जागी कुणाला संधी?
पॅटच्या जागी तिसऱ्या सामन्यात कुणाला संधी मिळणार याबाबत चर्चा रंगली आहे. मात्र आपल्या बॉलिंगने हेल्मेट तोडणाऱ्या बॉलरला या सामन्यात डेब्यूची संधी देणार असल्याचं म्हटलं जात आहे.
मिचेल स्टार्क दुखापतीतून सावरला आहे. स्टार्क पॅटच्या अनुपस्थितीत इंदूर टेस्टमध्ये बॉलिंग ग्रुपची जबाबदारी सांभाळेल. दुसरा पेसर म्हणून ऑस्ट्रेलियाकडे 2 पर्याय आहेत.यामध्ये स्कॉट बोलँड आणि लांस मॉरिस या दोघांचा समावेश आहे. बोलँड याला नागपूर कसोटीत संधी मिळाली होती. मात्र त्याला एकही विकेट घेता आली नाही. त्यामुळे लासं मॉरिस याला पदार्पणाची संधी मिळू शकते.
मॉरिसची गणना ही घातक गोलंदाजांमध्ये केली जाते. मॉरिसची 150 किमी वेगाने बॉलिंग टाकण्याची क्षमता आहे. त्यामुळे जर मॉरिसला संधी मिळाली, तर टीम इंडियाच्या फलंदाजांसमोर मॉरिसच्या भेदक बॉलिंगचा सामना करणं आव्हानात्मक ठरेल.
मॉरिस देशांतर्गत क्रिकेटमध्ये वेस्टर्न ऑस्ट्रेलियाचं प्रतिनिधित्व करतो. मॉरिसने या स्पर्धेत अनेक फलंदाजांचे आपल्या बॉलिंगने हेल्मेट तोडले आहेत.
तिसऱ्या आणि चौथ्या कसोटीसाठी टीम इंडिया
रोहित शर्मा (कर्णधार), केएल राहुल, शुबमन गिल, चेतेश्वर पुजारा, विराट कोहली, केएस भरत (विकेटकीपर), इशान किशन (विकेटकीपर), आर अश्विन, अक्षर पटेल, कुलदीप यादव, रविंद्र जडेजा, मोहम्मद शमी, मोहम्मद सिराज, श्रेयस अय्यर, सूर्यकुमार यादव, उमेश यादव आणि जयदेव उनाडकट.
तिसऱ्या कसोटीसाठी ऑस्ट्रेलिया
स्टीव्ह स्मिथ (कर्णधार), डेविड वॉर्नर, स्कॉट बोलँड, एलेक्स कॅरी, कॅमरन ग्रीन, पीटर हॅंडस्कॉम्ब, ट्रेविस हेड, उस्मान ख्वाजा, मार्नस लाबुशेन, नॅथन लियॉन, लांस मॉरिस, टॉड मरफी, मॅथ्यू रेनशॉ, स्टीव स्मिथ, मिशेल स्टार्क आणि मिशेल स्वीपसन.