IND vs SL, 2nd ODI : श्रीलंका टीम इंडियाच्या भेदक माऱ्यासमोर ढेर, विजयासाठी 216 धावांचं आव्हान

Image Credit source: BCCI

IND vs SL : टीम इंडियाच्या (Indian Cricket Team) गोलंदाजांच्या भेदक माऱ्यासमोर श्रीलंका दुसऱ्या वनडे सामन्यात (IND vs SL, 2nd ODI) 40 ओव्हरआधीच ढेर झाली. श्रीलंका 39.4 ओव्हरमध्ये 215 धावांवरच ऑलआऊट झाली. त्यामुळे टीम इंडियाला दुसऱ्या सामन्यासह मालिका जिंकण्यासाठी 216 धावांचं आव्हान मिळालं आहे. नुवानिदू फर्नाडोने (Nuwanidu Fernando) श्रीलंकेकडून सर्वाधिक 50 धावा केल्या. तर कुसल मेंडिस आणि दुनिथ वेलालागेने अनुक्रमे 34 आणि 32 धावा दिल्या. या व्यतिरिक्त टीम इंडियाच्या गोलंदाजांनी श्रीलंकेच्या फलंदाजांना स्वस्तात गुंडाळलं. (ind vs sl 2nd odi sri lanka all out on 215 team india needs to 216 runs for win at eden garden kolkata kuldeep yadav)

टीम इंडियाकडून मोहम्मद सिराज आणि कुलदीप यादवने या जोडीने सर्वाधिक प्रत्येकी 3 विकेट्स घेतल्या. स्पीड गन उमरान मलिकने 2 फलंदाजांना मैदानाबाहेरचा रस्ता दाखवला. तर अक्षर पटेलने 1 विकेट घेत इतर गोलंदाजांना चांगली साथ दिली.

श्रीलंका प्लेइंग इलेव्हन : दसून शनाका (कॅप्टन), कुसल मेंडिस, अविष्का फर्नांडो, चारित असलांका, धनंजय डी सिल्वा, नुवानिदु फर्नांडो, वानिंदु हसरंगा, चामिका करुणारत्ने, दुनिथ वेलेज, लाहिरू कुमारा आणि कसुन रजिता.

टीम इंडिया प्लेइंग इलेवन : रोहित शर्मा (कॅप्टन) , शुबमन गिल, विराट कोहली, श्रेयस अय्यर, केएल राहुल, हार्दिक पंड्या, अक्षर पटेल, कुलदीप यादव, मोहम्मद सिराज, मोहम्मद शमी आणि उमरान मलिक.