Ind Vs SL : टीम इंडियाला मोठा झटका, स्टार बॅट्समन माालिकेतून ‘आऊट’

Image Credit source: बीसीसीआय

पुणे : टीम इंडिया विरुद्ध श्रीलंका यांच्यात टी 20 मालिका खेळवण्यात येत आहे. टीम इंडिया 3 सामन्यांच्या मालिकेत 1-0 ने आघाडीवर आहे. दुसरा सामना गुरुवारी 5 जानेवारी पुण्यात पार पडणार आहे. याआधी मोठी अपडेट समोर आली आहे. शेवटच्या 2 सामन्यांसाठी टीम इंडियात एक मोठा बदल करण्यात आला आहे. संजू सॅमसन टीममधून बाहेर पडला आहे. त्याच्या जागी महाराष्ट्रातील विकेटकीपर बॅट्समन जितेश शर्माला संधी देण्यात आली आहे. (ind vs sl t20i sanju Samson ruled out of remainder series vidarbha player jiten sharma get chance in team india)

संजूला मुंबईत झालेल्या पहिल्या सामन्यात दुखापत झाली होती. संजूला कॅच पकडताना गुडघ्याला दुखापत झाली. संजूला या दुखापतीमुळे टीम इंडियासोबत दुसऱ्या सामन्यासाठी पुण्यालाही जाता आलं नाही. टीम इंडियात हा बदल दुसऱ्या सामन्याच्या 24 तासांआधीच घेण्यात आला आहे.

जितेश शर्मा कोण आहे?

जितेश शर्मा रणजी ट्रॉफीत विदर्भासाठी खेळतो. जितेश आयपीएलमध्ये पंजाब किंग्ससाठी खेळला आहे. आता जितेशला टीम इंडियात संधी मिळाली आहे. जितेशने गेल्या काही काळात स्वत:ला एक परफेक्ट फिनीशर म्हणून सिद्ध केलय. त्यामुळे जितेशला दुसऱ्या सामन्यात पदार्पणाची संधी मिळणार का, याकडे क्रिकेट चाहत्यांचं प्रामुख्याने विदर्भाचं लक्ष असणार आहे

टी 20 सीरिजसाठी टीम इंडिया : हार्दिक पांड्या (कप्तान), ईशान किशन (विकेटकीपर), ऋतुराज गायकवाड, शुबमन गिल, सूर्यकुमार यादव, दीपक हुड्डा, राहुल त्रिपाठी, जितेश शर्मा, वॉशिंगटन सुंदर, युजवेंद्र चहल, अक्षर पटेल, अर्शदीप सिंह, हर्षल पटेल, उमरान मलिक, शिवम मावी आणि जितेश कुमार.