IND vs WI 2nd T20: दुसऱ्या सामन्यात हे खेळाडू ठरतील बाजीगर! प्लेइंग इलेव्हन आणि पिच रिपोर्ट जाणून घ्या

IND vs WI 2nd T20: दुसऱ्या सामन्यात या खेळाडूंवर अशी नजर, वाचा प्लेइंग इलेव्हन आणि पिच रिपोर्ट

मुंबई : भारत आणि वेस्ट इंडिज यांच्यात दुसरा टी20 सामना गुयानाच्या पोव्हिडन्स स्टेडियममध्ये रंगणार आहे. पहिल्या सामन्यात भारताला 4 धावांनी पराभूत केल्याने वेस्ट इंडिज संघाचा आत्मविश्वास दुणावलेला आहे. तर दुसऱ्या सामन्यातून कमबॅक करण्याची टीम इंडियाची धडपड असेल. त्यामुळे दुसऱ्या सामन्यात कोणता संघ वरचढ ठरेल याकडे क्रीडाप्रेमींचं लक्ष लागून आहे. कोणते खेळाडू हा सामना पलटवून लावतील याबाबतही चर्चा रंगली आहे. यातील काही खेळाडू तुमच्या नशिबाचं दार उघडं करून देऊ शकतात. त्यामुळे सामन्याची वेळ, पिच रिपोर्ट आणि प्लेइंग इलेव्हनबाबत सर्वकाही जाणून घ्या आणि तुमचं तुम्ही ठरवा…

पिच रिपोर्ट

गुयानातील पोव्हिडन्स मैदान हे फलंदाज आणि गोलंदाज यांना पुरक असं आहे. त्यामुळे गोलंदाज आणि फलंदाज आपली कामगिरी सिद्ध करू शकतात. आतापर्यंत या मैदानात झालेल्या सामन्यात मोठी धावसंख्या उभी राहिली आहे. त्यामुळे या सामन्यातही एखाद्या खेळाडूकडून चांगल्या धावा होऊ शकतात. तसेच ही खेळपट्टी स्विंग गोलंदाजांना मदत करणारी आहे. तसेच फिरकीपटूंचा विचार करता येथे हलका स्पिन होऊ शकतो. पण फलंदाजांना याचा फायदा होईल असंच चित्र आहे.

कोणते खेळाडू ठरतील बाजीगर

• निकोलस पूरन
• तिलक वर्मा
• युजवेंद्र चहल

पहिल्या सामन्यात जेसन होल्डर, तिलक वर्मा, रोव्हमन पॉवेल, निकोलस पूरन, युजवेंद्र चहल यांनी चांगली कामगिरी केली होती. पण सामन्याची स्थिती प्रत्येक वेळी तशीच असेल असं सांगता येत नाही. त्यामुळे कोणता खेळाडू कधी चमकेल? हे त्या त्या वेळी दिसून येईल.

दोन्ही संघांची संभाव्य प्लेइंग इलेव्हन

भारत : इशान किशन (विकेटकीपर), यशस्वी जयस्वाल, शुभमन गिल, सूर्यकुमार यादव, तिलक वर्मा, हार्दिक पांड्या (कर्णधार), संजू सॅमसन, अक्षर पटेल, युजवेंद्र चहल, अर्शदीप सिंह, मुकेश कुमार

वेस्ट इंडिज : कायल मायर्स, ब्रँडन किंग, जॉनसन चार्ल्स, निकोलस पूरन (विकेटकीपर), शिम्रॉन हेटमायर, रोव्हमॅन पॉवेल (कर्णधार), जेसन होल्डर, रोमारियो शेफर्ड, अकील होसेन, अल्झारी जोसेफ, ओबेड मॅककॉय