IND vs AUS Highlight 3rd ODI 2023 : ऑस्ट्रेलियाचा भारतावर 66 धावांनी दणदणीत विजय, भारताची मधल्या फळीची फलंदाजी फेल

ऑस्ट्रेलियाने भारतासमोर 352 धावांचं आव्हान ठेवलं होतं. मात्र भारतीय संघाला सर्वबाद 286 धावा करता आल्या.  भारताची मधल्या आणि तळाची फलंदाजी अपयशी ठरली. त्यामुळे मोठं आव्हान गाठणं कठीण झालं. आता भारताची वनडे वर्ल्डकप स्पर्धेत कसोटी लागणार आहे.

भारताला रवींद्र जडेजाच्या रुपाने नववा झटका बसला आहे. संघाच्या गोलंदाजीवर पायचीत होत तंबूत परतला.

भारताची आठवी विकेट गेली असून आता मैदानात रविंद्र जडेजा आणि मोहम्मद सिराज आहेत. भारतासाठी आता विजय मिळवणं अशक्यच झालं आहे.

भारताला सहावा झटका बसला असून श्रेयस अय्यर आऊट झाला आहे. या विकेटमुळे भारताच्या अडचणीत वाढ झाली आहे. आता मैदानात जडेजा आणि कुलदीप यादव उतरला आहे.

भारताची तिसरी विकेट गेली असून 56 धावांवर कोहली बाद झाला. ग्लेन मॅक्सवेल मोठा फटका मारण्याच्या प्रयत्नात कोहलीचा जाग्यावरच झेल उडाला. कोहलीचा हवेत उडालेला झेल स्मिथने पकडला.

भारताची दुसरी विकेट पडली असून कर्णधार रोहित शर्मा (81 धावा) शतकाच्या जवळ असताना आऊट झाला. ग्लेन मॅक्सवेलने त्याच्याच चेंडूवर एका हाताने रोहितचा अप्रतिम झेल घेतला.

भारताची पहिली विकेट पडली. 11 व्या ओव्हरमध्ये ग्लेन मॅक्सवेलने सुंदरला आऊट केलं. सुंदरने मॅक्सवेलच्या चेंडूला लाँग ऑनला मारण्याचा प्रयत्नता तो कॅच आऊट झाला.

रोहित शर्माने ऑस्ट्रेलियाविरूद्धच्या सामन्यामध्ये अवघ्या 32 चेंडूत 50 धावा करत मजबूत सलामी करून दिली आहे. रोहित शर्मा आणि सुंदर मैदानाता असून भारताच्या 10 ओव्हरमध्ये 72 धावा झाल्या आहेत.

रोहित शर्मा आणि सुंदर यांनी भारताला चांगली सुरुवात करून दिली आहे. भारताने पहिल्या 9 षटकात एकही विकेट न गमावता 66 धावा केल्या आहेत. रोहित नाबाद 48 धावांवर खेळत आहे.

रोहित शर्मासोबत आज ओपनिंगला  वॉशिंग्टन सुंदर आला आहे. शुबमन गिल याच्या उपस्थितीत सुंदरला खेळण्याची संधी मिळाली आहे. भारताला  जिंकण्यासाठी 353 धावांचं आाव्हान ऑस्ट्रेलियाने दिलं आहे.

ऑस्ट्रेलियाने 50 षटकात 7 गडी गमवून 352 धावा केल्या आहेत. तसेच विजयासाठी 353 धावांचं आव्हान दिलं आहे.

मार्नस लाबुशेन 72 धावा करून बाद झाला. जसप्रीत बुमराहने तिसरा गडी बाद केला.

मार्नस लाबुशेननं अर्धशतकी खेळी केली. 43 चेंडूत 51 धावांची खेळी केली.

ऑस्ट्रेलियाला कॅमरोन ग्रीनच्या रुपाने सहावा धक्का बसला आहे. कुलदीप यादव याला दुसरं यश मिळालं आहे.

जसप्रीत बुमराह याने ग्लेन मॅक्सवेलला तंबूचा रस्ता दाखवला. मॅक्सवेलला अवघ्या 5 धावांवर असताना त्रिफळाचीत केलं.

जसप्रीत बुमराह याला या सामन्यात पहिलं यश मिळालं आहे. त्याने कॅरीला बाद करत तंबूत पाठवलं आहे.

स्टीव्ह स्मिथ 61 चेंडूत 74 धावा करून बाद झाला. मोहम्मद सिराजने त्याला पायचीत करत तंबूत पाठवलं.

मिचेल मार्श याचं शतक अवघ्या चार धावांनी हुकलं. कुलदीप यादव याच्या फिरकीच्या जाळ्यात अडकला आणि बाद झाला.

डेविड वॉर्नर, स्टिव्ह स्मिथ आणि मिचेल मार्श यांच्या अर्धशतकी खेळीनंतर ऑस्ट्रेलियाने 200 धावांचा पल्ला गाठला आहे. भारतीय गोलंदाजांची विकेटसाठी धडपड सुरु आहे.

स्टिव्ह स्मिथ याने दमदार अर्धशतक झळकावलं आहे. तसेच मिचेल मार्शसोबत दुसऱ्या गड्यासाठी शतकी भागीदारी केली.

मिचेल मार्श याने 45 चेंडूत अर्धशतक झळकावलं आहे. यात 7 चौकार आणि 1 षटकाराचा समावेश आहे.

ऑस्ट्रेलियाने अपेक्षेप्रमाणे तिसऱ्या सामन्यात कमबॅक केलं आहे. नाणेफेकीचा कौल जिंकत प्रथम फलंदाजी करण्याचा निर्णय घेतला. वॉर्नर, मिचेल मार्श आणि  स्मिथने चांगली कामगिरी केली.

ऑस्ट्रेलियाला वॉर्नरच्या रुपाने पहिला धक्का बसला आहे. डेविड वॉर्नर 56 धावा करून बाद झाला. प्रसिद्ध कृष्णा याने त्याला तंबूचा रस्ता दाखवला.

डेव्हिड वॉर्नर आणि मिचेल मार्श ऑस्ट्रेलियासाठी डावाची सुरुवात करण्यासाठी आले आहेत. जसप्रीत बुमराह भारतासाठी पहिलेॉी ओव्हर टाकत आहे.

पॅट कमिन्स, मिचेल स्टार्क आणि ग्लेन मॅक्सवेल यांनी पुनरागमन झाले आहे. तन्वीर संघा हा भारतीय वनडे पदार्पण करत आहे.

ऑस्ट्रेलियाविरूद्धच्या तिसऱ्या वन डे सामन्यामध्ये भारतीय संघात रोहित शर्मा आणि विराट कोहली, कुलदीप यादव, हार्दिक पंड्या, जसप्रीत बुमराह, मोहम्मद सिराज यांनी संघात कमबॅक केलं आहे.

ऑस्ट्रेलिया (प्लेइंग इलेव्हन): मिचेल मार्श, डेव्हिड वॉर्नर, स्टीव्हन स्मिथ, मार्नस लॅबुशेन, अॅलेक्स कॅरी (w), ग्लेन मॅक्सवेल, कॅमेरॉन ग्रीन, पॅट कमिन्स (c), मिचेल स्टार्क, तनवीर संघा, जोश हेझलवूड

भारत (प्लेइंग इलेव्हन): रोहित शर्मा (C), विराट कोहली, श्रेयस अय्यर, केएल राहुल (W), सूर्यकुमार यादव, रवींद्र जडेजा, वॉशिंग्टन सुंदर, कुलदीप यादव, जसप्रीत बुमराह, मोहम्मद सिराज, प्रसिद्धा कृष्णा

ऑस्ट्रेलियाचा कर्णधार पॅट कमिन्स याने टॉस जिंकत प्रथम फलंदाजी करण्याचा निर्णय घेतला आहे. कांगारूंनी संघात चार बदल केले आहेत.

लोकसभेच्या कामगिरीवरून विधानसभेचं तिकीट मिळणार असल्याचा फॉर्मुला भाजप यंदा तिकीट वाटप करताना वापरणार आहे. भाजपच्या वरिष्ठ नेत्यांचे राज्यातील भाजप आमदारांना असे स्पष्ट संकेत आहेत.

सामना सुरू व्हायला काही मिनिटे बाकी आहेत. दुपारी एक वाजता टॉस होणार असून टॉस जिंकणारा कर्णधार प्रथम बॅटींगचा निर्णय घेऊ शकतो.

भारत आणि ऑस्ट्रेलिया यांच्यातील एकदिवसीय मालिकेतील तिसरा सामना राजकोट येथे होत आहे. राजकोटच्या माधव राव सिंधिया स्टेडियमवर भारताने आतापर्यंत एकूण 11 एकदिवसीय सामने खेळले आहेत, ज्यामध्ये 6 जिंकले आहेत आणि 5 गमावले आहेत.

आजच्या सामन्यातील पिच हे फलंदाजीसाठी पूरक असून पावसाचं सावटही सामन्यावर नसणार आहे. आजही 300 पेक्षा जास्त धावा निघतील असा अंदाज वर्तवण्यात आला आहे.