IND vs ENG 2nd Test | 41 वर्षाच्या जेम्स अँडरसनने रोहित शर्माच्या दांड्या केल्या गुल, व्हिडीओ एकदा पाहाच

James Anderson bold Rohit Sharma

मुंबई : टीम इंडिया आणि इंग्लंड यांच्यातील कसोटी मालिकेतील दुसरा सामना सुरू आहे. या सामन्यामध्ये इंग्लंडचा 41 वर्षाचा ‘युवा’ गोलंदाज असलेल्या अँडरसन याने वय फक्त आकडा असतो हे परत एकदा जगाला दाखवून दिलं. टीम इंडियाचा कॅप्टन रोहित शर्माला हतबल करत बोल्ड केलं. हिटमॅनसारख्या मोठ्या खेळाडूला अँडरसनने चकवा देत आपल्या जाळ्यात ओढलं. रोहित शर्माचा बोल्ड झालेला व्हिडीओ सोशल मीडियावर व्हायरल झालेला पाहायला मिळत आहे.

पाहा व्हिडीओ-:

इंग्लंड संघाला ऑल आऊट केल्यावर दुसऱ्या डावामध्ये टीम इंडियाकडून रोहित शर्मा आणि यशस्वी जयस्वाल उतरले होते. जेम्स अँडरसन याने टाकलेल्या घातक चेंडूवर रोहितकडे काहीच उत्तर नव्हतं. ऑफ स्टंपजवळ टाकला तो चेंडू रोहित डिफेन्स करायला गेला पण चेंडू स्विंग झाला आणि रोहित बोल्ड झाला. रोहितलाही काही वेळ विश्वास बसला नाही की तो बोल्ड झाला आहे. रोहितनंतर जेम्स अंडरसनने यशस्वी जयस्वाल यालाही आऊट करण टीम इंडियाला धक्क्यावर धक्के दिले.

दुसऱ्या कसोटीचा धावता आढावा

टीम इंडियान पहिल्या डावात प्रथम फलंदाजी करताना 396 धावा केल्या होत्या. त्यानंतर इंग्लंड संघ 253 धावांवर ऑल आईट झाला. टीम इंडिया दुसऱ्यांदा फलंदाजीला उतरली तेव्हा 255 धावांवर ऑल आऊट झाली. पहिल्या डावामधील आघाडी असल्याने आता इंग्लंड संघाला जिंकण्यासाठी 399 धावा करायच्या आहेत. तर टीम इंडियाला दहा विकेट घ्यायच्या आहेत. कसोटी सामना संपण्यासाठी आणखी दोन दिवस बाकी आहेत.

इंग्लंड प्लेईंग ईलेव्हन | बेन स्टोक्स (कॅप्टन), झॅक क्रॉली, बेन डकेट, ऑली पोप, जो रूट, जॉनी बेअरस्टो, बेन फोक्स (विकेटकीपर), रेहान अहमद, टॉम हार्टले, शोएब बशीर आणि जेम्स अँडरसन

टीम इंडिया प्लेईंग ईलेव्हन | रोहित शर्मा (कॅप्टन), यशस्वी जयस्वाल, शुबमन गिल, रजत पाटीदार, श्रेयस अय्यर, श्रीकर भारत (विकेटकीपर), रवीचंद्रन अश्विन, अक्षर पटेल, कुलदीप यादव, जसप्रीत बुमराह आणि मुकेश कुमार