IND vs SL | विराट कोहलीचं विक्रमी शतक अवघ्या इतक्या धावांनी हुकलं, वानखेडेमध्ये सन्नाटा पाहा Video

Virat Kohli Missed 49 hundred world cup 2023

मुंबई : वर्ल्ड कपमध्ये भारत आणि श्रीलंकेमध्ये सुरू असलेल्या सामन्यामध्ये भारतीय संघ प्रथम फलंदाजी करत आहे. श्रीलंका संघाने टॉस जिंकत प्रथम गोलंदाजी करण्याचा निर्णय घेतला होता. भारताला पहिल्याच ओव्हरमध्ये झटका बसलेला, रोहित शर्मा दुसऱ्या बॉलवर आऊट झालेला. त्यानंतर विराट कोहली आणि शुबमन गिल यांनी डाव सावरला. मात्र दोघांचंही शतक काही धावांनी हुकलं. दोघांसाठी शतक खूप मोठी होती.

विराट कोहली 88 धावांवर आऊट झाला, या खेळीमध्ये त्याने 11 चौकार मारले होते. रोहित बाद झाल्यावर सुरूवातीला विराटने डावाची सूत्रे आपल्या हातात घेतली होती. त्यावेळी आऊट ऑफ फॉर्म असलेला शुबमन मैदानावर आपले पाय घट्ट करत होता. गिल सेट झाल्यावर दोघांनीही आक्रमक अंदाजात सुरूवात केली. मात्र दोघेही शतकाच्या जवळ येऊन आऊट झाले.

विराटने आज शतक केलं असतं तर वन डे मधील सचिनच्या सर्वाधिक ४९ शतकांची बरोबरी त्याने केली असती. महत्त्वाचं म्हणजे सचिनच्या होम ग्राऊंडमध्ये येऊन शतक करणं मोठी गोष्ट होती. मात्र आज विराट काही यशस्वी झाला नाही, तर शुबमन गिल याने आज शतक केलं असतं तर त्यांचं आज वर्ल्ड कपमधील पहिलं शतक ठरलं असतं परंतु तेसुद्धा काही पूर्ण झालं नाही.

भारत-श्रीलंका प्लेइंग 11

भारत (प्लेइंग इलेव्हन): रोहित शर्मा (C), शुभमन गिल, विराट कोहली, श्रेयस अय्यर, केएल राहुल (W), सूर्यकुमार यादव, रवींद्र जडेजा, मोहम्मद शमी, जसप्रीत बुमराह, कुलदीप यादव, मोहम्मद सिराज

श्रीलंका (प्लेइंग इलेव्हन): पाथुम निसांका, दिमुथ करुणारत्ने, कुसल मेंडिस (W/C), सदीरा समरविक्रमा, चारिथ असलंका, अँजेलो मॅथ्यूज, दुशान हेमंथा, महेश थेक्षाना, कसून रजिथा, दुष्मंथा चमीरा, दिलशान मदुशंका