IND vs ENG, Live Score, Women’s World Cup 2022: भारतीय फलंदाजांचा फ्लॉप शो, इंग्लंडची भारतावर 4 विकेट आणि 112 चेंडू राखून मात

32 व्या षटकातील दुसऱ्या चेंडूवर सोफी एक्लेस्टनने मेघना सिंगला शानदार चौकार लगावला. या चौकारासह इंग्लंडच्या संघाला भारताने दिलेलं 135 धावांचं लक्ष्य पूर्ण केलं आहे. इंग्लंडने 4 विकेट आणि 112 चेंडू राखून भारताचा दारुण पराभव केला आहे.

मेघना सिंगने आज उत्कृष्ट गोलंदाजी करत इंग्लंडचे तीन फलंदाज बाद केले आहेत. 30 व्या षटकातील पहिल्या चेंडूवर तिने सोफिया डंक्लीला बाद केलं. त्यानंतर तिसऱ्या चेंडूवर तिने कॅथरीन ब्रंट हिला पॅव्हेलियनचा रस्ता दाखवला. तिने कॅथरीनला यष्टीरक्षक ऋचा घोषकरवी झेलबाद केलं.

भारतीय गोलंदाजांना पाचवी विकेट मिळवण्यात यश मिळालं आहे. मेघना सिंगने सोफिया डंक्ली हिला 17 धावांवर असताना यष्टीरक्षक ऋचा घोषकरवी झेलबाद केलं. ऋचाने अप्रतिम झेल टिपत सोफियाला माघारी धाडलं.

सुरुवातीचे फलंदाज लवकर बाद झाल्यानंतर इंग्लंडची कर्णधार हेदर नाईटने सामन्याची सूत्र हाती घेतली. मागील तीन सामन्यात अपयशी ठरलेल्या नाईटने या सामन्यात शानदार कामगिरी केली आहे. तिने संयमी खेळ करत आज 66 चेंडूत 8 चौकारांसह 50 धावा जमवल्या आहेत. 28 व्या षटकात मेघना सिंगच्या गोलंदाजीवर चौकार लगावत तिने अर्धशतक पूर्ण केलं.

राजेश्वरी गायकवाडने भारताला चौथं यश मिळवून दिलं आहे. तिने अॅमी जोन्सला 10 धावांवर असताना हरमनप्रीत कौरकरवी झेलबाद केलं. हरमनप्रीतने शानदार झेल टीपत जोन्सला पॅव्हेलियनचा रस्ता दाखवला. (इंग्लंड 102/4)

भारतील गोलंदाजांना तिसरं यश मिळालं आहे. पूजा वस्त्राकरने आक्रमक नताली सायव्हरला झुलन गोस्वामीकरवी झेलबाद केलं. स्कायव्हरने 46 चेंडूत 45 धावा फटकावल्या.

नताली सायव्हरने 15 व्या षटकात स्नेह राणाच्या गोलंदाजीवर सलग दोन चौकार वसूल करत धावफलकावर इंग्लंडचं अर्धशतक झळकावलं आहे. सायव्हर 41 तर आणि कर्णधार हेदर नाइट 13 धावांवर खेळत आहेत.

अनुभवी गोलंदाज झुलन गोस्वामीने भारताला दुसरं यश मिळवून दिलं आहे. झुलने सामन्यातील तिसऱ्या आणि वैयक्तिक दुसऱ्या षटकातील अखेरच्या चेंडूवर सलामीवीर टॅमी ब्युमॉन्टला (1) पायचित पकडलं.

भारतीय गोलंदाजांनी इंग्लंडच्या डावाची दमदार सुरुवात केली आहे. सामन्यातील दुसऱ्याच षटकात मेघना सिंगने पहिला बळी टिपला आहे. मेघनाने सलामीवीर डेनियाल व्याटला (1) सेनेह राणाकरवी झेलबाद केलं.

इंग्लंडच्या डावाला सुरुवात झाली आहे. सलामीवीर डेनियाल व्याट आणि टॅमी ब्युमॉन्ट क्रीझवर दाखल. भारताची कर्णधार मिताली राजने अनुभवी झुलन गोस्वामीच्या हाती चेंडू सोपवला आहे.

भारताची अखेरची फलंदाज माघारी परतली आहे. अवघ्या 134 धावांवर भारताचा डाव संपुष्टात आला आहे. कॅरोलेट डीनने मेघना सिंहला (3) त्रिफळाचित केलं.

भारताने 9 वी विकेट गमावली आहे. केट क्रॉसने झुलन गोस्वामीला 20 धावांवर असताना डेनियाल व्याटकरवी झेलबाद केलं. (भारत 129/9)

भारताने 8 वी विकेट गमावली आहे. ऋषा घोष 33 धावांवर असताना धावबाद झाली. नताली सायव्हरने उत्कृष्ट थ्रोवर ऋचाला पॅव्हेलियनचा रस्ता दाखवला.

झुलन गोस्वामीने 32 व्या षटकात केट क्रॉसला शानदार षटकार लगावला. याच षटकातील चौथ्या चेंडूवर ऋचा घोषने चौकार वसूल केला. दोघींनी या षटकात 12 धावा फटकावल्या.

सात विकेट गमावल्यानंतर बॅकफुटवर असलेल्या टीम इंडियाचा डाव सावरण्यासाठी यष्टीरक्षक ऋचा घोष आणि अनुभवी गोलंदाज झुलन गोस्वामी पुढे आल्या आहेत. दोघींनी आतापर्यंत 37 धावांची भागीदारी करत भारताचं शतक पूर्ण केलं आहे.

भारताने 7 वी विकेट गमावली आहे. कॅरोलेट डीनने पूजा वस्त्राकरला पायचित पकडलं. पूजाने 6 धावांचं योगदान दिलं. (भारत 86/7)

भारताच्या उरल्या-सुरल्या आशा संपुष्टात आल्या आहेत. एका बाजूने सर्व आघाडीचे फलंदाज बाद होत असताना खेळपट्टीवर नांगर रोवून उभी असलेली स्मृती मानधनादेखील माघारी परतली आहे. सोफी एक्लेस्टन हिने स्मृतीला पायचित पकडलं. स्मृतीने 4 चौकारांसह 58 चेंडूत 35 धावांचं योगदान दिलं. (भारत 71/6)

17 व्या षटकात भारताला दोन धक्के मिळाले. कॅरोलेट डीनने या षटकात हरमनप्रीतपाठोपाठ स्नेह राणाला पॅव्हेलियनचा रस्ता दाखवला. षटकातील दुसऱ्या चेंडूवर तिने हरमनप्रीतला (14) एमी जोन्सकरली झेलबाद केलं. तर चौथ्या चेंडूवर तिने स्नेह राणालासुद्धा (0) एमी जोन्सकरली झेलबाद केलं.

अवघ्या 28 धावांत तीन विकेट गमावल्यानंतर भारतीय संघ बॅकफुटवर आहे. धावगती मंदावली असताना हरमनप्रीतने दोन चौकार लगावत धावगती वाढवण्याचा प्रयत्न केला. त्यासोबतच भारताचं अर्धशतक पूर्ण झालं आहे. हरमनप्रीतने 12 व्या षटकात एक आणि 13 व्या षटकात एक चौकार वसूल केला. (भारत 54/3)

यास्तिका आणि कर्णधार मिताली पाठोपाठ दीप्ती शर्मानेदेखील पॅव्हेलियनची वाट धरली आहे. आठव्या षटकाच्या शेवटच्या चेंडूवर दीप्ती धावबाद झाली. नऊ चेंडू डॉट खेळल्यानंतर दीप्तीवर दडपण आले. तिने मिड-ऑफमध्ये एक शॉट खेळला आणि चोरटी धाव घेण्यासाठी ती धावली तथापि, मिड-ऑफमध्ये केट क्रुसने चेंडू अडवला आणि तिला धावबाद करत पॅव्हेलियनमध्ये परतवले.

यास्तिका बाद झाल्यावर क्रीझवर आलेली मिताली राजदेखील आल्या पावली माघारी परतली आहे. अन्या श्रबसोले हिने सोफिया डंक्लेकरवी मितालीला झेलबाद केलं. मितालीने 5 चेंडूत एक धाव केली. (भारत 25/2)

स्मृती मानधनाने चौथ्या षटकाची सुरुवात चौकाराने केली. मात्र, अन्या श्रबसोले हिने चौथ्या चेंडूवर यास्तिका भाटियाला त्रिफळाचित करत भारताला पहिला धक्का दिला आणि वनडेत आपले 100 बळी पूर्ण केले. चेंडू थोडा संथ होता, यष्टिका शरीरापासून थोडा दूर ठेवण्याचा प्रयत्न करत होती पण चेंडू बॅटच्या कडेला लागून मधल्या स्टंपवर आदळला. यास्तिकाने 11 चेंडूत 8 धावा केल्या

पहिल्या षटकात ब्रंटने केवळ तीन धावा दिल्या. त्यानंतर दुसऱ्या षटकात श्रबसोलेनेही केवळ तीन धावा दिल्या. तिसरे षटक टाकण्याची जबाबदारी पुन्हा ब्रंटकडे सोपवण्यात आली. ओव्हरच्या पाचव्या चेंडूवर यास्तिकाने तिला मिड-ऑन आणि शॉर्ट मिड-विकेटच्या गॅपमध्ये शानदार चौकार लगावला. या षटकात ब्रंटने सात धावा दिल्या

इंग्लंडची कर्णधार हेदर नाइटने नाणेफेक जिंकून प्रथम गोलंदाजी करण्याचा निर्णय घेतला. म्हणजेच भारत प्रथम फलंदाजी करेल