IPL 2021 : मुंबईला सहाव्यांदा चॅम्पियन करण्याचा निर्धार, रोहित शर्मा मुंबईच्या कॅम्पमध्ये दाखल!
सहाव्यांदाही प्रतिस्पर्धी संघांना मात देऊन लकाकणारी आयपीएल ट्रॉफी उंचावण्याच्या निर्धाराने रोहित शर्मा मुंबईत सुरु असलेल्या कॅम्पसाठी दाखल झाला आहे. | IPL 2021 Rohit Sharma Join MI Camp
मुंबई : इंग्लंडविरुद्धची मालिका गाजवून (India vs England) भारताचा धडाकेबाज फलंदाज रोहित शर्मा (Rohit Sharma) आगामी आयपीएल 2021 (IPL 2021) च्या 14 व्या हंगामासाठी मुंबईच्या कॅम्पसाठी (Mumbai Indians Camp) पोहोचला आहे. मुंबई इंडियन्सला सहाव्यांदा विजेतेपदाची ट्रॉफी मिळवून देण्यासाठी रोहित प्रयत्नांची पराकष्ठा करेल. आतापर्यंत रोहितच्या नेतृत्वाखालील मुंबईच्या टीमने 5 वेळा आयपीएल जेतेपदाची ट्रॉफी मिळवली आहे. आता सहाव्यांदाही प्रतिस्पर्धी संघांना मात देऊन लकाकणारी आयपीएल ट्रॉफी उंचावण्याच्या निर्धाराने रोहित शर्मा मुंबईत सुरु असलेल्या कॅम्पसाठी दाखल झाला आहे. (IPL 2021 Rohit Sharma Join Mumbai Indians Camp in Mumbai)
मुंबईच्या कॅम्पमध्ये रोहित शर्मा दाखल
9 एप्रिलपासून सुरु होणाऱ्या आयपीएलच्या 14 व्या मोसमासाठी विविध संघांचे कॅम्प सुरु झाले आहेत. मुंबई इंडियन्सचं सराव शिबीर मुंबईतच आयोजित करण्यात आलंय. त्याचनुसार रोहित शर्मा मुंबई इंडियन्सच्या कॅम्पमध्ये दाखल झाला आहे. रोहितने आपल्या इन्स्टाग्राम अकाऊंटवरुन आपण मुंबई इंडियन्स संघाच्या शिबीरात दाखल झाल्याची माहिती दिली आहे.
मुंबईत कोण कोण पोहोचलं…??
मुंबई इंडियन्सचे हार्दिक पांड्या, क्रुणाल पांड्या आणि सूर्यकुमार यादव 9 एप्रिलपासून सुरु होणाऱ्या आयपीएलच्या हंगामासाठी सुरु असलेल्या सराव शिबीरासाठी मुंबईत दाखल झाले आहेत. मुंबई इंडियन्स फ्रेंचायझीने आपल्या ट्विटरवरुन या तिघांचाही फोटो ट्विट करुन याबद्दलची माहिती दिली आहे.
मुंबई इंडियन्सची नवी जर्सी लाँच
इंडियन प्रीमियर लीग (IPL) अर्थात आयपीएलच्या पाठीमागील हंगामातील विजेता संघ मुंबई इंडियन्सने (Mumbai Indians) 14 व्या हंगामासाठी नवी जर्सी लाँच केली आहे. ब्रह्माण्डातील पाच मूलतत्व पृथ्वी, जल, अग्नी, वायू आणि आकाश हे या जर्सीवर दाखवण्यात आले आहेत.
आयपीएलचं रण सज्ज
IPL 2021 Date And Schedule : इंडियन प्रीमयर लीगचं (the Indian Premier League) यंदाचं वेळापत्रक निश्चित झालं आहे. येत्या 9 एप्रिल ते 30 मे दरम्यान आयपीएल 2021 (IPL) सामने खेळवण्यात येणार आहेत. 14 व्या पर्वाचा थरार एकूण 51 दिवस रंगणार आहे. यादरम्यान 56 साखळी, 3 बाद फेरीतील सामने आणि अंतिम सामना असे एकूण 60 मॅचेस खेळवण्यात येणार आहेत. या मोसमात सर्व सामने हे त्रयस्थ ठिकाणी खेळवले जाणार आहेत. यामुळे कोणत्याही संघाला त्यांच्या होम ग्राऊंडचा फायदा मिळणार नाही. कोरोनामुळे साखळी फेरीतील सर्व सामन्यांचं आयोजन हे 6 शहरात करण्यात आलं आहे.
(IPL 2021 Rohit Sharma Join Mumbai Indians Camp in Mumbai)
हे ही वाचा :
IPL 2021 : RCB चे दिग्गज चेन्नईला जमायला सुुरुवात, विराट या दिवशी कॅम्पसाठी रवाना होणार!
IND vs ENG : सॅम करनच्या जबरदस्त खेळीमागे महेंद्रसिंह धोनीचा हात?