IPL 2025, KKR vs RCB: कोलकाता आणि बंगळुरु हा सामना कुठे आणि कसा पाहता येईल? जाणून घ्या
आयपीएल स्पर्धेला 22 मार्चपासून सुरुवात होणार असून पहिला सामना कोलकाता नाईट रायडर्स आणि रॉयल चॅलेंजर्स बंगळुरु यांच्यात होणार आहे. या सामन्यासाठी अवघ्या काही तासांचा अवधी शिल्लक आहे. पण हा सामना कुठे पाहायचा आणि किती वाजता आहे? असे प्रश्न पडले असतील, तर तुम्हाला इथे उत्तरं मिळतील.
आयपीएल 2025 स्पर्धेला कोलकाता नाईट रायडर्स आणि रॉयल चॅलेंजर्स बंगळुरु या सामन्याने सुरुवात होणार आहे. कोलकाता नाईट रायडर्सने मागच्या पर्वात जेतेपद मिळवलं होतं. तर आरसीबीचं गेल्या अनेक वर्षांपासून जेतेपदाचं स्वप्न अधुरं आहे. कोलकाता नाईट रायडर्स आणि रॉयल चॅलेंजर्स बंगळुरु हे संघ कोलकात्याच्या ईडन गार्डनवर भिडणार आहेत. दोन्ही संघ यापूर्वी 35 वेळा आमनेसामने आले आहेत. या सामन्यात कोलकाता नाईट रायडर्सचं पारडं जड दिसलं आहे. कोलकात्याने 21, तर बंगळुरुने 14 सामन्यात विजय मिळवला आहे. मागच्या दोन पर्वातील चार सामन्यात कोलकात्याने बंगळुरुला पराभवाची धूळ चारली आहे. मेगा लिलावानंतर दोन्ही संघात मोठी उलथापालथ झाली आहे. कोलकात्याचं कर्णधारपद अजिंक्य रहाणे, तर बंगळुरुचं कर्णधारपद युवा रजत पाटिदारच्या खांद्यावर आहे.
केकेआर विरुद्ध आरसीबी आयपीएल सामना कधी आणि कुठे पाहता येईल?
कोलकाता नाईट रायडर्स (केकेआर) आणि रॉयल चॅलेंजर्स बेंगळुरू (आरसीबी) यांच्यातील सामना शनिवार, 22 मार्च रोजी होणार आहे. हा सामना कोलकाताच्या ईडन गार्डन्सवर होईल. भारतीय वेळेनुसार संध्याकाळी 7:30 वाजता सुरू होईल. नाणेफेकीचा कौल सामना सुरू होण्याच्या अर्धा तास आधी होईल. हा सामना घरी स्टार स्पोर्ट्सवर लाईव्ह पाहता येईल. जिओ सिनेमा एप आणि हॉटस्टार (एप आणि वेबसाइट) वर सामना लाईव्ह स्ट्रीम करू शकतात.
दोन्ही संघाचे खेळाडू
कोलकाता नाईट रायडर्स संघ : अजिंक्य रहाणे (कर्णधार), रिंकू सिंग, क्विंटन डी कॉक, रहमानउल्ला गुरबाज, आंग्रिश रघुवंशी, व्यंकटेश अय्यर, रमणदीप सिंग, आंद्रे रसेल, ॲनरिक नॉर्टजे, हर्षित राणा, सुनील नरेन, वरुण चक्रवर्ती, वैभव पानवडे, मानिश अरोरा, मानिश रोवेल, पोर्निश पान, पो. स्पेन्सर जॉन्सन, लवनीथ सिसोदिया, अनुकुल रॉय, मोईन अली
रॉयल चॅलेंजर्स बेंगळुरू संघ : रजत पाटीदार (कर्णधार), विराट कोहली, यश दयाल, जोश हेझलवूड, फिल सॉल्ट, जितेश शर्मा, लियाम लिव्हिंगस्टोन, रसिक दार, सुयश शर्मा, कृणाल पंड्या, भुवनेश्वर कुमार, स्वप्नील सिंग, टिम डेव्हिड, रोमॅरियो शेफर्ड, नुवान बेंगलोर, नुवान बेंगलुरु, नुवान, बेंगलुरू देवदत्त पडिक्कल, स्वस्तिक छिकारा, लुंगी एनगिडी, अभिनंदन सिंग, मोहित राठी.
