IPL Mega Auction 2025 Live : मॉर्की प्लेअर्ससाठी बोली समाप्त, ऋषभ पंत आतापर्यंतचा सर्वात महागडा खेळाडू

आयपीएल ऑक्शन 2025 मधील 2 सेटमधील 6 मॉर्की खेळाडूंवरील बोली पूर्ण झाली आहे. या दुसऱ्या सेटमध्ये मोहम्मद शमी, डेव्हिड मिलर,  युझवेंद्र चहल, मोहम्मद सिराज, लियाम लिविंगस्टोन आणि केएल राहुल यांचा समावेश होता.  कुणाला किती कोटी आणि कोणत्या टीमने घेतलं जाणून घेऊयात.

• मोहम्मद शमी : हैदराबाद, 10 कोटी, लखनऊ
• डेव्हिड मिलर – 7.5 कोटी, लखनऊ
• युझवेंद्र चहल : 18 कोटी, पंजाब
• मोहम्मद सिराज : 12.25 कोटी, गुजरात
• लियाम लिविंगस्टोन : 8.75 कोटी, आरसीबी
• केएल राहुल : 14 कोटी, दिल्ली

आयपीएल मेगा ऑक्शन 2025 मधील मार्की प्लेअर सेटमधील 6 खेळाडूंवर बोली लावण्यात आली. ऋषभ पंत हा या सेटमधील आणि आयपीएलच्या इतिहासातील सर्वात महागडा खेळाडू ठरला.

पहिल्या सेटमधील 6 खेळाडूंची किंमत आणि टीम

• ऋषभ पंत : 27 कोटी, लखनऊ सुपर जायंट्स
• श्रेयस अय्यर : 26 कोटी 75 लाख, पंजाब किंग्स
• अर्शदीप सिंह : 18 कोटी, पंजाब किंग्स
• जॉस बटलर : 15 कोटी 75 लाख, गुजरात
• मिचेल स्टार्क : 11 कोटी 75 लाख, दिल्ली
• कगिसो रबाडा : 10 कोटी 75 लाख, गुजरात

ऋषभ पंत याने काही मिनिटांमध्येच श्रेयस अय्यर याचा आयपीएलच्या इतिहासातील सर्वात महागडा खेळाडू असण्याचा बहुमान हिसकावला आहे. श्रेयस अय्यर याला पंजाब किंग्सने 26 कोटी 75 लाख रुपयांमध्ये घेतलं. मात्र त्यानतंर लखनऊ सुपर जायंट्सने ऋषभ पंतसाठी श्रेयसच्या तुलनेत 25 लाख रुपये जास्त मोजले आणि 27 कोटींमध्ये आपल्या गोटात घेतलं.

आयपीएल 17 व्या मोसमातील सर्वात महागडा ठरलेल्या मिचेल स्टार्कला यंदा झटका बसला आहे.. दिल्ली कॅपिट्ल्सने मिचेलला 11 कोटी 75 लाख रुपयांमध्ये आपल्या गोटात घेतंल आहे. त्यामुळे मिचेलला काही कोटींचं नुकसान झालं आहे. स्टार्कची बेस प्राईज ही 2 कोटी होती.

इंग्लंडचा कर्णधार जोस बटलर याला गुजरातने ऑक्शनमधून आपल्या गोटात घेतलं आहे. जोसला 15.75 कोटी रुपयांमध्ये गुजरातने घेतलं आहे.

श्रेयस अय्यर याने इतिहास घडवला आहे. श्रेयस अय्यर आयपीएलच्या इतिहासातील आतापर्यंतचा सर्वात महागडा खेळाडू ठरला आहे. श्रेयससाठी 26 कोटी 75 लाख रुपये मोजून त्याला पंजाब किंग्सने आपल्या गोटात घेतलं आहे.

वेगवान गोलंदाज कगिसो रबाडाला गुजरात टीमकडून 10 कोटी 75 लाख रुपयांमध्ये घेतलं आहे. रबाडाच्या आधीच्या पंजाब संघाने त्याला आरटीएमद्वारे घेण्यास नकार दिला. त्यामुळे रबाडा आता गुजरातचा झाला आहे.

पंजाब किंग्सने वेगवान गोलंदाज अर्शदीप सिंग याला आरटीएमचा उपयोग करत 18 कोटी रुपये मोजून आपल्या गोटात घेतलं आहे. अर्शदीपची बेस प्राईज ही 2 कोटी होती.

वेगवान गोलंदाज अर्शदीप सिंह याच्यापासून मेगा ऑक्शनला सुरुवात झाली आहे. अर्शदीपची बेस प्राईज ही 2 कोटी आहे. मात्र अर्शदीपला आपल्या गोटात घेण्यासाठी अनेक संघांमध्ये चढाओढ पाहायला मिळत आहे. अर्शदीपला आता किती भाव मिळतो? याकडे साऱ्यांचं लक्ष आहे.

आयपीएल 2025  मेगा ऑक्शनला सौदी अरेबिया येथील जेद्दाह येथे सुरुवात झाली आहे.  फ्रँचायजी अनेक खेळाडूंना आपल्यात ताफ्यात घेण्यासाठी सज्ज झाले आहेत. अवघ्या काही मिनिटानी मुख्य कार्यक्रमाला सुरुवात होणार आहे.

राष्ट्रवादी काँग्रेस शरद पवार गटाचे प्रदेशाध्यक्ष जयंत पाटील सांगलीतुन मुंबईकडे रवाना झाले आहेत. इस्लामपूर येथून वाहनाने जयंत पाटील मुंबईला रवाना झाले आहेत. महाविकास आघाडीच्या पराभवानंतर इस्लामपूर मधील विजयाचा जल्लोष टाळत जयंत पाटलांनी मौन बाळगले होते.

मेगा ऑक्शनच्या पहिल्या दिवशी अर्थात आज 24 नोव्हेंबरला 577 पैकी फक्त 84 खेळाडूंवर बोली लावण्यात येणार आहे. उर्वरित इतर खेळाडूंवर दुसर्‍या दिवशी अर्थात 25 नोव्हेंबरला उर्वरित खेळाडूंवर झटपट बोली लावली जाणार आहे.

अजित पवारांचा उमेश पाटील आणि शरद पवार गटाचे विजयी उमेदवार राजू खरे यांना अभिनंदनाचा फोन आला आहे. राष्ट्रवादी शरद पवार गटाचे नेते उमेश पाटील यांनी ही माहिती दिली आहे. मोहोळ विधानसभेत राष्ट्रवादी अजित पवार गटाचे आमदार यशवंत माने यांचा दारुण पराभव केला.

अमरावती जिल्ह्यात 8 पैकी 7 जागांवर महायुतीचा दणदणीत विजय झाला आहे. विजय उमेदवारांचे अमरावतीच्या राजापेठ भाजप कार्यालयात अभिनंदन करण्यात आले. भाजप कार्यालयासमोर कार्यकर्त्यांकडून फटाक्यांची आतिषबाजी करीत मोठा जल्लोष केला.

आयपीएल मेगा ऑक्श 2025 मध्ये एकूण 10 संघ मिळून 641 कोटी रुपये खर्च करु शकतात. पंजाब किंग्सकडे सर्वाधिक 110.5 कोटी तर राजस्थानकडे सर्वात कमी 41 कोटी इतकी रक्कम आहे.

• पंजाब किंग्स :110.50 कोटी
• चेन्नई : 55 कोटी
• बंगळुरु : 83 कोटी
• दिल्ली : 73 कोटी
• गुजरात : 69 कोटी
• लखनऊ : 69 कोटी
• कोलकाता : 51 कोटी
• मुंबई : 45 कोटी
• हैदराबाद : 45 कोटी
• राजस्थान : 41 कोटी

नियमांनुसार जास्तीत जास्त 25 तर कमीत कमी 18 खेळाडू टीममध्ये ठेवता येणार. तसेच त्या 25 खेळाडूंमध्ये जास्तीत जास्त 8 परदेशी खेळाडू ठेवण्याची सूट आहे. तसेच प्लेइंग ईलेव्हनमध्ये 4 पेक्षा अधिक खेळाडूंना घेता येणार नाही.

आयपीएल मेगा ऑक्शनआधी रिटेन्शनसाठी नियमांनुसार, प्रत्येक संघाला 6 खेळाडू रिटेन करण्याची परवानगी होती. त्यानुसार आरटीएम अर्थात राईट टु मॅच कार्ड पर्यायाचा समावेशही आहे. यामध्ये जास्तीत 2 अनकॅप्ड भारतीय खेळाडू घेण्याची तरतूद आहे. तसेच जास्तीत जास्त 5 खेळाडू कॅप्ड खेळाडू कायम अर्थात रिटेन ठेवण्याची मुभा होती. त्यात सर्व 5 भारतीय किंवा सर्व 5 परदेशी खेळाडू रिटेन करण्याची सूट होती. तर फक्त 1 अनकॅप्ड खेळाडू ठेवण्याची सूट होती.

त्यानुसार मेगा ऑक्शनआधी एकूण 10 संघांनी रिटेन केलेल्या खेळाडूंची यादी जाहीर केली. त्यानुसार कोलकाता आणि राजस्थान या 2 संघांनी सर्वाधिक प्रत्येकी 6-6 खेळाडू रिटेन केले. कोणत्या संघाने किती आणि कोणते खेळाडू आपल्यासह कायम ठेवेल? जाणून घेऊयात.

• मुंबई : जसप्रीत बुमराह, सूर्यकुमार यादव, तिलक वर्मा, हार्दिक पंड्या आणि रोहित शर्मा. (एकूण : 5)
• चेन्नई : ऋतुराज गायकवाड, मथीथा पथीराणा, शिवम दुबे, रवींद्र जडेजा आणि महेंद्रसिंह धोनी. (एकूण : 5)
• बंगळुरु : विराट कोहली, रजत पाटीदार आणि यश दयाल. (एकूण : 3)
• दिल्ली : अक्षर पटेल, कुलदीप यादव, ट्रिस्टन स्टह्स आणि इशान पोरेल. (एकूण : 4)
• कोलकाता : रिंकु सिंह, वरुण चक्रवर्थी, सुनील नरेन, आंद्रे रसेल, हर्षित राणा, रमनदीप सिंह. (एकूण : 6)
• लखनऊ : निकोलस पूरन, रवी बिश्नोई, मयंक अग्रवाल, मोहसिन खान आणि आयुष बदोनी. (एकूण : 5)
• हैदराबाद : पॅट कमिन्स, अभिषेक शर्मा, नितीश कुमार रेड्डी, हेन्रिक क्लासेन आणि ट्रेव्हिस हेड. (एकूण : 5)
• गुजरात : राशिद खान, शुबमन गिल, साई सुदर्शन, राहुल तेवतिया आणि शाहरुख खान. (एकूण : 5)
• पंजाब : शशांक सिंह आणि प्रभसिमरन सिंह. (एकूण : 2)
• राजस्थान : संजू सॅमसन, यशस्वी जयस्वाल, रियान पराग, ध्रुव जुरेल, शिमरॉन हेटमायर आणि संदीप शर्मा. (एकूण : 6)

• चेन्नई – 20, 7 विदेशी खेळाडू
• आरसीबी – 22, 8 विदेशी खेळाडू
• एसआरएच – 20, 5 विदेशी खेळाडू
• मुंबई – 20, 8 विदेशी खेळाडू
• दिल्ली – 21, 7 विदेशी खेळाडू
• राजस्थान – 19, 7 विदेशी खेळाडू
• पंजाब – 19, 8 विदेशी खेळाडू
• कोलकाता – 19, 6 विदेशी खेळाडू
• गुजरात – 20, 7 विदेशी खेळाडू
• लखनऊ – 20, 7 विदेशी खेळाडू

आयपीएलच्या 18 व्या मोसमाआधी थोड्यातच वेळात मेगा ऑक्शनला सुरुवात होणार आहे. या ऑक्शनमध्ये 577 खेळाडू आहेत. ऑक्शनमधील 577 खेळाडूंमध्ये 367 भारतीय आणि 210 परदेशी खेळाडू आहेत. यामध्ये 3 असोसिएट देशांचे खेळाडू आहेत. या मेगा ऑक्शनमधून 10 संघांकडून 204 खेळाडूंची निवड केली जाणार आहे, त्यामध्ये जास्तीत जास्त 70 परदेशी खेळाडूंना घेता येणार आहे. तर त्याआधी 10 संघांनी रिटेन्शनमध्ये एकूण 46 खेळाडू कायम ठेवले आहेत.

आयपीएल 2025 मेगा ऑक्शन एकूण 2 दिवस चालणार आहे. या मेगा ऑक्शमध्ये 204 जागांसाठी 577 खेळाडू ऑक्शनमध्ये आपलं नशिब आजमवणार आहेत.  या ऑक्शनसाठी किमान बेस प्राईज ही 30 लाख तर कमाल 2 कोटी इतकी आहे.  10 संघांनी अनेक स्टार खेळाडू रिलीज केले आहेत. त्यामुळे या महत्त्वाच्या खेळाडूंना आपल्या ताफ्यात घेण्यासाठी 10 संघांमध्ये चुरस पाहायला मिळणार आहे. आपण या लाईव्ह ब्लॉगमधून या मेगा ऑक्शनमधील प्रत्येक अपडेट्स जाणून घेणार आहोत.