IPL Players Auction 2022: 549 कोटींमध्ये 203 खेळाडूंची खरेदी

यंदाच्या मेगा ऑक्शनमध्ये 1O संघांनी एकूण 203 खेळाडूंना विकत घेतलं. यात 66 परदेशी खेळाडू आहेत. या सर्व खेळाडूंवर फ्रेंचायजींनी 500 कोटीपेक्षा जास्त रक्कम खर्च केली.

TATA IPL 2022 Auction चा मेगा शो संपला आहे. दोन दिवस चाललेल्या या लिलावात 10 फ्रेंचायजींनी संघ बांधणीसाठी पाण्यासारखा पैसा खर्च केला. आता फक्त स्पर्धा सुरु होण्याची प्रतिक्षा आहे.

वेस्ट इंडिजचा ऑलराऊंडर फॅबियन ऐलनला 75 लाख रुपयाच्या बेस प्राइसला मुंबई इंडियन्सने विकत घेतलं.

दिल्लीचा फलंदाज आर्यन जुयालला मुंबई इंडियन्सने 20 लाख रुपयाच्या बेस प्राइसला विकत घेतलं.

विक्की ओस्तवालला दिल्ली कॅपिटल्सने बेस प्राइस 20 लाख रुपयांना विकत घेतलं.

मोहम्मद नबीला KKR ने 1 कोटी रुपयांना विकत घेतलं. त्याची बेस प्राइस एक कोटी रुपये होती.

इशांत शर्मा अनसोल्ड. कोणीही त्याला खरेदीदार मिळाला नाही.

काल अनसोल्ड ठरलेल्या उमेश यादवला केकेआरने बेस प्राइस दोन कोटी रुपयांना विकत घेतलं.

Rohan Rana, Khizar Dafedar, Duan Jansen, Bharat Sharma, Chinntla Readdi,Shubham Sharma ,Pratyush Singh ,Gerald Coetzee ,Shivank Vashisth,Blessing Muzarabani, Colin Munro, Matheesha Pathirana, Utkarsh Singh, Atit Sheth, Kane Richardson, Scott Kuggeleijn, Akeal Hosein, Moises Henriques, B Sai Sudharsan, Sameer Rizvi, Tanmay Agarwal, Andrew Tye, Reece Topley

अर्जुन तेंडुलकरच्या नावाचा पुकारा झाल्यानंतर मुंबई इंडियन्सने 20 लाख रुपयांसह बोली लावली. त्यानंतर गुजरात सुपरजायंट्सने अर्जुनसाठी 25 लाखांची बोली लावली. अखेर मुंबईने 30 लाखांच्या बोलीवर अर्जुन तेंडुलकरला आपल्या ताफ्यात घेतलं.

लखनौ सुपरजायंट्सने मयंक यादव, राजस्थान रॉयल्सने कलुदीप यादव, चेन्नई सुपरकिंग्सने के. भगत वर्मा आणि कोलकाता नाईट रायडर्सने रमेश कुमार हे युवा खेळाडू 20 लाख रुपयांच्या बेस प्राईसवर खरेदी केले.

गुजरात टायटन्सनने 50 लाखांच्या बोलीवर वरुण अॅरॉनला आपल्या संघात घेतलं.

मुंबई इंडियन्सने रमनदीप सिंह, हृतिक शोकीन आणि राहुल बुद्धी हे तीन युवा खेळाडू 20 लाख रुपयांच्या बेस प्राईसवर आपल्या ताफ्यात सामावून घेतले.

40 लाख रुपयांच्या बोलीवर पंजाब किंग्सचे मालक नेस वाडिया यांनी बेनी हॉवेल हा खेळाडू आपल्या संघात घेतला.

कोलकाता नाईट रायडर्सने 1.50 कोटी रुपयांच्या बेस प्राईसवर न्यूझीलंडचा जलदगती गोलंदाज टिम साऊथला आपल्या संघात घेतलं.

कोलकाता नाईट रायडर्सने तेजस बरोका आणि ध्रुव जुरेल हे दोन युवा खेळाडू 20 लाख रुपयांच्या बेस प्राईसवर खरेदी केले.

पंजाब किंग्सने 75 लाखांच्या बोलीवर Nathan Ellis, 50 लाखांच्या बोलीवर Bhanuka Rajapaksa, आणि 20 लाखांच्या बेस प्राईसवर अथर्व तायडे हे तीन खेळाडू खरेदी केले.

सनरायझर्स हैदराबादने 1.50 कोटींच्या बोलीवर ग्लेप फिलिप्स आणि 50 लाखांच्या बोलीवर अझलाक फारुकी हे दोन खेळाडू खरेदी केले.

कसोटी क्रिकेटमधला त्रिशतकवीर करुण नायरसाठी झालेलं बिडींग वॉर राजस्थान रॉयल्सने जिंकलं. 1.40 कोटींच्या बोलीवर हा खेळाडू त्यांनी खरेदी केला.

लखनौ सुपरजायंट्सने वेस्ट इंडिजचा आघाडीचा फलंदाज एव्हिन लुईसला 2 कोटींच्या बोलीवर आपल्या संघात घेतलं.

Mujtaba Yousuf,
Charith Asalanka,
Rahmanullah Gurbaz,
Ben McDermott

1.5 कोटींच्या बोलीवर कोलकाता नाईट रायडर्सने अॅलेक्स हेल्स या खेळाडूला आपल्या संघात घेतलं.

लेगस्पिनर कर्ण शर्मा हा युवा भारतीय खेळाडू रॉयल चॅलेंजर्स बँगलोरकडून खेळणार आहे. 20 लाखांच्या बेस प्राईसवर बँगलोरने त्याला खरेदी केलं.

न्यूझीलंडचा अष्टपैलू खेळाडू जिमी नीशम, वेस्ट इंडिजचा गोलंदाज शेल्डन कॉट्रेल आणि कैस अहमद अनसोल्ड राहिले.

चेन्नई सुपरकिंग्सने 3.60 कोटींच्या बोलीवर ख्रिस जॉर्डन या इंग्लिश खेळाडूला आपल्या संघात घेतलं.

विष्णू विनोद या अनकॅप्ड भारतीय खेळाडूसाठी मुंबई इंडियन्सने बोली लावली होती. मात्र हैदराबादने 50 लाखांच्या बोलीवर या खेळाडूला आपल्या संघात घेतलं.

मुंबईने अनलोमप्रीत सिंह आणि चेन्नईने , सी. हरी निशांत, एन जगदीशन हे खेळाडू बेस प्राईस 20 लाख रुपयांमध्ये खरेदी केले.

भारताचा जलदगती गोलंदाज उमेश यादव आज पुन्हा एकदा अनसोल्ड गेला आहे. या खेळाडूवर कोणत्याही फ्रँचायझीने बोली लावली नाही.

दिवसाच्या अखेरच्या सत्रात गुजरातने तिसरा खेळाडू खरेदी केला आहे. ऑस्ट्रेलियाचा यष्टीरक्षक फलंदाज मॅथ्यू वेडसाठी गुजरातने 2 कोटी 40 लाख रुपये मोजले. पंजाबने या खेळाडूसाठी 2.20 कोटी रुपयांची बोली लावली होती.

ऋद्धीमान साहासाठी गुजरात टायटन्स आणि चेन्नई सुपरकिंग्समध्ये बिडींग वॉर पाहायला मिळालं. अखेर गुजरातने 1 कोटी 90 लाख रुपयांच्या बोलीवर हा खेळाडू आपल्या ताफ्यात घेतला.

कोलकाता नाईट रायडर्सने सॅम बिलिंग्सला त्याची बेस प्राईस 2 कोटी रुपयांमध्ये खरेदी केलं.

बांगलादेशचा अष्टपैलू खेळाडू शाकिब अल हसन आज पुन्हा एकदा अनसोल्ड गेला आहे. या खेळाडूवर कोणत्याही फ्रँचायझीने बोली लावली नाही.

द. आफ्रिकेचा आक्रमक फलंदाज डेव्हिड मिलरसाठी राजस्थान रॉयल्स आणि गुजरात टायटन्स या दोन फ्रँचायझींमध्ये बिडींग वॉर पाहायला मिळालं. अखेर गुजरातने 3 कोटी रुपयांच्या बोलीवर या खेळाडूला आपल्या ताफ्यात घेतलं.

राजस्थान रॉयल्सने 20 लाखांच्या बेस प्राईसमध्ये अरुणय सिंह हा युवा खेळाडू खरेदी केला.

कोलकाता नाईट रायडर्सने 55 लाख रुपयांमध्ये अशोक शर्मा हा युवा खेळाडू खरेदी केला.

पंजाब किंग्सने अंश पटेल हा युवा खेळाडू 20 लाखांच्या बेस प्राईसमध्ये खरेदी केला.

हृत्विक शौकी, निनाद रथ्वा, मुकेश कुमारसिंह, ब्लेसिंग मुजार्बानी, डेव्हिड, वाईली, अमित अली आणि ललित यादव हे युवा खेळाडू अनसोल्ड राहिले.

मुंबईने मोहम्मद अरशद, लखनौने करण शर्मा, हैदराबादने शशांक सिंह आणि सौरभ दुबे, पंजाब किंग्सने बलतेज ढांढा हे चार खेळाडू 20 लाखांच्या बेस प्राईसमध्ये खरेदी केले.

लखनौ सुपरजायंट्सने 50 लाख रुपयांच्या बेस प्राईसमध्ये काईल मेयर्स हा खेळाडू खरेदी केला.

किंग खानच्या कोलकाता नाईट रायडर्सने 20 लाखांच्या बेस प्राईसमध्ये प्रथम सिंह हा खेळाडू खरेदी केला.

ऋत्विक चॅटर्जी हा खेळाडू पंजाब किंग्सने 20 लाखांच्या बेस प्राईसमध्ये खरेदी केला.

कौशल तांबे या अनकॅप्ड भारतीय अष्टपैलू खेळाडूवर कोणत्याही फ्रँचायझीने बोली लावली नाही. हा खेळाडू अनसोल्ड राहिला.

गुजरात टायटन्सने 20 लाखांच्या बेस प्राईसमध्ये प्रदीप सांघवान हा खेळाडू खरेदी केला.

डेव्हिड वीसा, केन्नार लुईस, बीआर शरथ, अनकॅप्ड भारतीय गोलंदाज सुशांत मिश्रा, ब्लेसिंग मुजारबानी या खेळाडूंमध्ये कोणत्याही फ्रँचायझीने बोली लावली नाही. हे खेळाडू अनसोल्ड राहिले

आर. समर्थ या अनकॅप्ड भारतीय खेळाडूसाठी कोलकाता नाईट रायडर्स आणि राजस्थान रॉयल्समध्ये बिडींग वॉर झालं. हे बिडींग वॉर कोलकात्याने 40 लाखांची बोली लावत जिंकलं.

आर. समर्थ या खेळाडूला सनरायझर्स हैदराबादने 20 लाखांच्या बेस प्राईसमध्ये आपल्या ताफ्यात घेतलं.

श्रीलंकन खेळाडू चामिका करुणारत्नेला कोलकाता नाईट रायडर्सने 50 लाखांच्या बेस प्राईसमध्ये खरेदी केलं.

अनकॅप्ड विकेटकीपर बाबा इंद्रजीतला कोलकात्याने 20 लाखांच्या बेस प्राईसमध्ये आपल्या संघात घेतलं.

केन रिचर्डसन, राहुल बुद्धी, बेनी हॉवेल, हेडन कर, लॉरी इव्हन्स, सौरभ कुमार, शम्स मुलानी, ध्रुव पटेल, अतीत शेठ या खेळाडूंमध्ये कोणत्याही फ्रँचायझीने बोली लावली नाही. हे खेळाडू अनसोल्ड राहिले.

मुंबईचा जलदगती गोलंदाज धवल कुलकरणीसाठी कोणत्याही फ्रँचायझीने बोली लावली नाही. धवल याआधी मुंबई आणि राजस्थानसाठी खेळला आहे. या दोन्ही संघांनी धवलमध्ये रस दाखवला नाही.

मुबई इंडियन्सने रायली मेरिडिथ हा खेळाडू 1 कोटींच्या बेस प्राईसमध्ये खरेदी केला.

अल्झारी जोसेफसाठी आधी मुंबई इंडियन्स, पंजाब किंग्स आणि नंतर गुजरात टायटन्स या संघांमध्ये बिडिंग वॉर झालं. हे वॉर गुजरातने जिंकलं. गुजरातने 2.40 कोटींच्या बोलीवर हा खेळाडू आपल्या ताफ्यात घेतला.

जलदगती गोलंदाज शॉन अॅबटसाठी पंजाब आणि सनरायझर्स हैदराबाद फ्रँचायझींमध्ये बिडींग वॉर झालं. यात हैदराबादने बाजी मारली. एसआरएचने 2.40 कोटींच्या बोलीवर या खेळाडूला आपल्या ताफ्यात घेतलं.

न्यूझीलंडला आक्रमक फलंदाज मार्टिन गप्टील, श्रीलंकेचा भनुका राजपक्षे, रोस्टन चेस, बेन कटिंग आणि भारतीय खेळाडू पवन नेगीवर कोणत्याही फ्रँचायझीने बोली लावली नाही. हे खेळाडू अनसोल्ड राहिले.

मिधुन सुधेशन या युवा भारतीय खेळाडूसाठी कोणत्याही फ्रँचायझीने बोली लावली नाही. हा खेळाडू अनसोल्ड राहिला.

प्रशांत सोळंकी या युवा भारतीय खेळाडूसाठी बिडींग वॉर पाहायला मिळालं. अखेर चेन्नई सुपरकिंग्सने 1.20 कोटींच्या बोलीवर हा खेळाडू खरेदी केला.

चामा मिलिंद या भारतीय युवा खेळाडूसाठी रॉयल चॅलेंजर्स बँगलोरने 25 लाखांची बोली लावत त्याला आपल्या संघात घेतलं.

मोहसिन खान हा युवा भारतीय खेळाडू लखनौ सुपरजायंट्सने 20 लाखांच्या बेस प्राईसमध्ये खरेदी केला.

ऑस्ट्रेलियाचा बेन द्वारश्विस, भारताचे युवा खेळाडू पंकज जैसवाल, मयंक यादव, तेजस बरोका, युवराज चुडासामा अनसोल्ड राहिले.

रसिक धर हा युवा भारतीय खेळाडू कोलकाता नाईट रायडर्सने 20 लाखांच्या बेस प्राईसमध्ये खरेदी केला.

मुखेश चौधरी हा युवा भारतीय खेळाडू चेन्नईने 20 लाखांच्या बेस प्राईसमध्ये खरेदी केला.

वैभव अरोरा या अनकॅप्ड भारतीय खेळाडूसाठी पंजाब किंग्स आणि कोलकाता नाईट रायडर्स या दोन संघांमध्ये बिडींग वॉर झालं. अखेर हे वॉर पंजाबने जिंकलं. पंजाबने 2 कोटींच्या बोलीवर त्याला आपल्या संघात घेतलं.

अथर्व तायडे, रमणदीप सिंह, बी. साई. सुदर्शन, प्रशांत चोप्रा, यष्टीरक्षक ध्रुव जुरेल, आर्यन जुयाल हे युवा भारतीय खेळाडू अनसोल्ड राहिले.

सुयश प्रभुदेसाईसाठी रॉयल चॅलेंजर्स बँगलोरने 30 लाख रुपये मोजत त्याला आपल्या संघात घेतलं.

सिंगापूरचा अष्टपैलू खेळाडू टिम डेव्हिडसाठी मुंबई इंडियन्सने तब्बल 8.25 कोटी रुपये मोजले. मुंबईने हार्दिक पंड्याच्या जागेसाठी टीम डेव्हिड या अष्टपैलू खेळाडूची निवड केली आहे. टिम डेव्हिडसाटी कोलकाता नाईट रायडर्सने पर्समध्ये अवघे 10.90 कोटी असूनही तब्बल 8 कोटी रुपयांपर्यंत बोली लावली होती.

अपूर्व वानखडे, अथर्व अंकोलेकर हे दोन्ही खेळाडू अनसोल्ड राहिले.

शुभ्रांशू सेनापती या खेळाडूला चेन्नईने 20 लाखांच्या बेस प्राईसवर संघात घेतलं.

Ben Mcdermott, Glenn Phillips, ऑस्ट्रेलियन जलदगती गोलंदाज Nathan Ellis. भारताचा जलदगती गोलंदाज Siddharth Kaul, अफगाणिस्तानचा Fazalhaq Farooqi, ऑस्ट्रेलियाचा Andrew Tye, Reece Topley, भारताचा जलदगती गोलंदाज Sandeep Warrier, अनकॅप्ड भारतीय फलंदाज समीर रिझवी, तन्मय अग्रवाल, इंग्लंडचा Tom Kohler-Cadmore हे खेळाडू अनसोल्ड राहिले.

चेन्नई सुपरकिंग्सने अॅडम मिल्न हा पहिला परदेशी वेगवान गोलंदाज खरेदी केला आहे. चेन्नईने त्याच्यासाठी 1.90 कोटी रुपये मोजले.

जोफ्रा आर्चर पुढच्या वर्षी उपलब्ध असेल. त्यामुळे मुंबईला चांगले जलदगती गोलंदाज हवे आहेत. त्यामुळेच मुंबईने टायमल मिल्सला 1.50 कोटी रुपयांच्या बोलीवर आपल्या संघात घेतलं.

Jason Behrendor साठी राजस्थान रॉयल्सने 75 लाख रुपये मोजले.

रोमारियो शेफर्ड या कॅरेबियन खेळाडूसाठी सनरायझर्स हैदराबादने तब्बल 7.75 कोटी रुपये मोजले. रोमारियोसाठी मुंबई, राजस्थान, चेन्नई आणि हैदराबादमध्ये मोठं बिडींग वॉर पाहायला मिळालं.

मिचेल सँटनरसाठी चेन्नई सुपरकिंग्सने 1.90 कोटी रुपयांची सर्वात मोठी बोली लावत त्याला आपल्या संघात घेतलं. हैदराबादने त्याच्यासाठी 1.8 कोटींची बोली लावली होती.

ऑस्ट्रेलियन अष्टपैलून खेळाडू डॅनियल सॅम्ससाठी मुंबई इंडियन्सने 2.60 कोटींची बोली लावत त्याला आपल्या संघात घेतलं. सॅम्स जसप्रीत बुमराहसोबत मुंबईच्या गोलंदाजी आक्रमातला महत्त्वाचा खेळाडू असेल.

शरफेन रदरफोर्ड हा खेळाडू रॉयल चॅलेंजर्स बँगलोरने 1 कोटींच्या बेस प्राईसवर खरेदी केला.

पंजाब किंग्सने 55 लाख रुपये मोजत रिषी धवनला आपल्या ताफ्यात घेतलं.

इंग्लिश गोलंदाज जोफ्रा आर्चर दुखापतग्रस्त आहे. तो यंदाच्या आयपीएलमध्ये खेळू शकणार नाही. तरीदेखील मुंबईने त्याच्यासाठी 8 कोटी रुपये मोजले. मुंबई, राजस्थान आणि हैदराबादमध्ये त्याच्यासाठी मोठं बिडींग वॉर पाहायला मिळालं.

वेस्ट इंडिजचा पॉवर हिटर फलंदाज रोवमन पॉवेलसाठी मोठं बिडींग वॉर झालं. लखनौ, दिल्ली आणि चेन्नईने हे वॉर 2.8 कोटींपर्यंत नेलं. दिल्लीने 2.8 कोटींच्या बोलीवर या खेळाडूला आपल्या ताफ्यात घेतलं.

अॅलेक्स हेल्स, एव्हिन लुईस, करुण नायर या तीन खेळाडूंवर कोणत्याही फ्रँचायझीने बोली लावली नाही. अखेर हा खेळाडू अनसोल्ड राहिला.

डेवॉन कॉन्वे यंदा पिवळ्या जर्सीत दिसणार आहे. त्याच्यासाठी चेन्नई सुपरकिंग्सने 1 कोटी रुपये मोजले.

फिन एलनसाठी रॉयल चॅलेंजर्स बँगलोरने 80 लाखांची बोली लावत त्याला आपल्या ताफ्यात घेतलं.

अनकॅप्ड भारतीय जलदगती गोलंदाज मुज्तबा युसूफ, कुलदीप सेन, आकाश सिंह तूर्तास अनसोल्ड राहिले आहेत. या खेळाडूंसाठी कोणत्याही फ्रँचायझीने बोली लावली नाही.

चेन्नई सुपरकिंग्सने 20 लाखांच्या बेस प्राईसमध्ये समरजितसिंहला आपल्या ताफ्यात घेतलं.

अनकॅप्ड भारतीय जलदगती गोलंदाज यश दयालसाठी मोठं बिडींग वॉर पाहायला मिळालं. 20 लाखांपासून सुरु झालेलं हे बिडींग वॉर बँगलोर, गुजरात आणि लखनौने 3.20 कोटी रुपयांपर्यंत नेलं. अखेर गुजरातने 3.20 कोटींची सर्वात मोठी बोली लावून हा खेळाडू आपल्या ताफ्यात घेतला.

अनकॅप्ड भारतीय जलदगती गोलंदाज वासू वत्स, यश ठाकूर, अर्झान नागवसवाला तूर्तास अनसोल्ड राहिले आहेत. या खेळाडूंसाठी कोणत्याही फ्रँचायझीने बोली लावली नाही.

अंडर-19 वर्ल्डकपमधला स्टार खेळाडू राजवर्धन हंगरगेकरसाठी कोट्यवधींची बोली लागली. या खेळाडूसाठी मुंबई, लखनौ, चेन्नई, आणि पंजाबमध्ये बिडींग वॉर झालं. हे वॉर चेन्नई सुपरकिंग्सने जिंकलं. राजवर्धन आता पिवळ्या जर्सीत दिसणार आहे. त्याच्यासाठी चेन्नईने 1.50 कोटींची सर्वात मोठी बोली लावली.

अंडर-19 वर्ल्डकपमधला स्टार राज अंगद बावासाठी कोट्यवधींची बोली लागली. या खेळाडूसाठी मुंबई, हैदराबाद आणि पंजाबमध्ये बिडींग वॉर झालं. हे वॉर पंजाबने जिंकलं. पंजाबने 2 कोटींच्या बोलीवर या खेळाडूला आपल्या ताफ्यात घेतलं.

मुंबईने आपला 12 वा खेळाडू खरेदी केला आहे. पूर्वी कोलकात्याकडून खेळलेल्या संजयसाठी मुंबई आणि पंजाबने बोली लावली. अखेर मुंबईने 50 लाखांच्या बोलीवर हा खेळाडू आपल्याकडे घेतला.

पिंपरी-चिंचवडचा विकी ओस्तवाल हा खेळाडू नुकताच भारताच्या अंडर-19 संघासाठी खेळला आहे. भारताला अंडर-19 वर्ल्डकप जिंकून देण्यात त्याची महत्वाची भूमिका होती. मात्र आजच्या लिलावात त्याच्यात कोणत्याही फ्रँचायझीने रस दाखवला नाही. हा खेळाडू तुर्तास अनसोल्ड राहिला आहे.

अनुकूल रॉय हा खेळाडू कोलकात्याने 20 लाखांच्या बेस प्राईसमध्ये, तर दर्शन नालखंडे हा खेळाडू गुजरातने 20 लाखांच्या बेस प्राईसमध्ये खरेदी केला.

महिपाल लोमरोरसाठी रॉयल चॅलेंजर्स बँगलोरने 95 लाख रुपयांची सर्वात मोठी लावली. हा खेळाडू पूर्वी राजस्थानकडून खेळायचा. राजस्थानने या खेळाडूसाठी 90 लाखांची बोली लावली होती. परंतु बँगलोरने हे बिलींड वॉर जिंकलं.

हैदराबादचा खेळाडू एन. तिलक वर्मा निळ्या जर्सीत दिसणार आहे. मुंबई इंडियन्सने 1.70 कोटी रुपयांच्या बोलीवर त्याला संघात घेतलं.

भारताच्या अंडर-19 संघाचा कर्णधार यश धुलचा दिल्लीने आपल्या संघात समावेश केला आहे. दिल्लीने त्याच्यासाठी सर्वात मोठी 50 लाखांची बोली लावली.

लंचनंतर लिलाव प्रक्रिया पुन्हा सुरु झाली आहे. आणि दिल्लीने सलग तीन खेळाडू खरेदी केले आहेत. दिल्लीने अष्टपैलू ललित यादव, रिपल पटेल आणि पाठोपाठ भारताच्या अंडर-19 संघाचा कर्णधार यश धुलचा आपल्या संघात समावेश केला आहे.

रिपल पटेलला दिल्लीने 20 लाखांच्या बेस प्राईसवर खरेदी केलं.

अष्टपैलू क्रिकेटपटू ललित यादवसाठी दिल्ली कॅपिटल्स आणि सनरायझर्स हैदराबाद या दोन्ही संघांनी बोली लावली. दिल्लीने ललितसाठी 65 लाखांची बोली लावून त्याला आपल्या संघात घेतलं आहे.

लखनौ सुपरजायंट्सने 20 लाखांच्या बेस प्राईसवर मनन वोहरा हा युवा फलंदाज आपल्या संघात घेतला आहे.

युवा भारतीय फलंदाज रिंकू सिहं कोलकात्याच्या ताफ्यात गेला आहे. लखनौ सुपरजायँट्सने त्याच्यासाठी 50 लाखांपर्यंत बोली लावली होती अखेर कोलकात्याने 55 लाखांच्या बोलीवर हा खेळाडू खरेदी केला.

भारतीय युवा फलंदाज हिंमत सिंह, विराट सिंह, सचिन बेबी, हिमांशू राणा आणि हरनूर सिंह या खेळाडूंमध्ये कोणत्याही फ्रँचायझीने रस दाखवला नाही. पाचही खेळाडू अनसोल्ड राहिले.

भारताचा अनुभवी फिरकीपटू पियूष चावला, न्यूझीलंडचा फिरकीपटू इश सोढी आणि कर्ण शर्मा या खेळाडूंमध्ये कोणत्याही फ्रँचायझीने रस दाखवला नाही. तिन्ही खेळाडू अनसोल्ड राहिले.