IPL 2023 Points Table | आरसीबीच्या विजयामुळे राजस्थानही रेसमध्ये पण मुंबईलाच सर्वात मोठा धक्का, जाणून घ्या!
IPL 2023 Points Table Purple Cap and Orange Cap : आरसीबी आणि हैदराबाद यांच्यामधील सामना बंगळुरूने खिशात घातला असला तरी मुंबईला मोठा झटका बसला आहे. इतर सर्वांना संधी पण पलटणला फार कमी संधी आहे.
मुंबई : आरसीबी आणि हैदराबाद यांच्यामधील सामन्यात रॉयल चॅलेंजर्स बंगळुरूने 8 विकेट्स आणि चार चेंडू राखून विजय मिळवला आहे. विराट कोहलीने केलेली 100 धावांची शतकी खेळी आणि फाफ डू प्लेसिसच्या 72 धावांच्या अर्धशतकी खेळीने संघाने हैदराबादने दिलेल्या लक्ष्याचा सहजपणे पाठलाग केला. या विजयासह आता पॉइंट टेबलमध्ये मोठा फरक पाहायला मिळणार आहे.
| संघ | मॅच | विजय | पराभव | गुण | एनआरआर |
|---|---|---|---|---|---|
| गुजरात टायटन्स | 14 | 10 | 4 | 20 | +0.820 |
| चेन्नई सुपर किंग्स | 14 | 8 | 5 | 17 | +0.652 |
| लखनऊ सुपर जायंट्स | 14 | 8 | 5 | 17 | +0.284 |
| मुंबई इंडियन्स | 14 | 8 | 6 | 16 | -0.044 |
| राजस्थान रॉयल्स | 14 | 7 | 7 | 14 | +0.148 |
| आरसीबी | 13 | 7 | 6 | 14 | -0.128 |
| केकेआर | 14 | 6 | 8 | 12 | -0.229 |
| पंजाब किंग्स | 14 | 6 | 8 | 12 | -0.304 |
| दिल्ली कॅपिटल्स | 14 | 5 | 9 | 10 | -0.808 |
| सनरायजर्स हैदराबाद | 13 | 4 | 9 | 08 | -0.558 |
या विजयासह आरसीबी संघाने पॉइंट टेबलमध्ये चौथ्या स्थानी झेप घेतली आहे. आता आरसीबीचे आणि मुंबईचे 14 झाले आहेत. इथून पूढे सर्वच संघाच एक सामना राहिला आहे मात्र चेन्नई, लखनऊ, आरसीबी, मुंबई आणि राजस्थान या संघांना हे सामने अत्यंत महत्त्वाचे आहेत. प्ले-ऑफमध्ये स्थान मिळवायचं या संघांना फक्त विजयच मिळवून चालणार नाही. कारण सर्वांसाठी नेट रनरेट एक्स फॅक्टर ठरणार आहे.
या सर्व संघांच्या रन रनरेटनर नजर मारली तर लक्षात येईल की फक्त मुंबई संघाचा रनरेट हा मायनसमध्ये आहे. कारण चेन्नई, लखनऊ, आरसीबी आणि राजस्थान यांचे रनरेट प्लसमध्ये आहेत. त्यामुळे आता सर्वांसाठी जर तरच गणित असणार आहे. मुंबईचा शेवटचा सामना हैदराबादसोबत असून त्यांना त्यामध्ये मोठ्या फरकाने विजय मिळवावा लागणार आहे.
आजच्या सामन्याचा धावता आढावा
सनराइजर्स हैदराबाद संघाने प्रथम फलंदाजी करताना 187 धावांचं लक्ष्य आरसीबीला दिलं होतं. यामध्ये हेनरिक क्लासेन याने 104 धावांची सर्वाधिक शतकी खेळी केली. आरसीबीकडून ब्रेसवेलने सर्वाधिक 2 तर सिराज, शाहबाज आणि हर्षल यांनी प्रत्येकी एक विकेट घेतली.
आरसीबीकडून लक्ष्य़ाचा पाठलाग करण्यासाठी उतरलेल्या विराट कोहली आणि फाफ डू प्लेसिस यांनी 172 धावांची सलामी दिली. यामध्ये विराट कोहलीने 100 धावा तर फाफ ने 72 धावा केल्या. त्यानंतर मॅक्सवेल आणि ब्रेसवेल यांनी संघाच्या विजयावर शिक्कामोर्तब केलं.
सनरायझर्स हैदराबाद (प्लेइंग इलेव्हन): अभिषेक शर्मा, राहुल त्रिपाठी, एडन मार्कराम (C), हेनरिक क्लासेन (W), हॅरी ब्रूक, ग्लेन फिलिप्स, अब्दुल समद, कार्तिक त्यागी, मयंक डागर, भुवनेश्वर कुमार, नितीश रेड्डी
रॉयल चॅलेंजर्स बंगलोर (प्लेइंग इलेव्हन): विराट कोहली, फाफ डू प्लेसिस (C), ग्लेन मॅक्सवेल, महिपाल लोमरोर, अनुज रावत (W), शाहबाज अहमद, मायकेल ब्रेसवेल, वेन पारनेल, हर्षल पटेल, कर्ण शर्मा, मोहम्मद सिराज