IPL 2024 Points Table: पंजाब पराभवासह आऊट, आरसीबीच्या आशा कायम

pbks vs rcb virat kohli

Image Credit source: BCCI/IPL

आयपीएलच्या 17 व्या मोसमातील 58 व्या सामन्यात रॉयल चॅलेंजर्स बंगळुरुने पंजाब किंग्सवर 60 धावांच्या मोठ्या फरकाने विजय मिळवला. आरसीबीने पंजाबला विजयासाठी 242 धावांचं आव्हान दिलं होतं. मात्र आरसीबीसमोर पंजाबला 20 ओव्हरही नीट खेळता आलं नाही. आरसीबीच्या गोलंदाजांनी पंजाबला 17 ओव्हरमध्ये 181 धावांवर गुंडाळलं. आरसीबीचा हा सलग चौथा विजय ठरला. आरसीबीने या विजयासह प्लेऑफमधील जर तरचं आव्हान कायम राखलं. तर पंजाब या पराभवासह स्पर्धेतून बाहेर पडली. पंजाब मुंबईनंतर स्पर्धेतून बाहेर पडणारी दुसरी टीम ठरली आहे. तर आता 4 जागांसाठी 8 संघांमध्ये चुरस असणार आहे.

आरसीबी पाचव्या विजयासह पॉइंट्स टेबलमध्ये सातव्या स्थानी आहे. आरसीबीच्या नावावर आता 12 सामन्यातील 5 विजयासह 10 गुण आहेत. आरसीबीचा नेट रनरेट हा 0.217 इतका आहे. तर पहिल्या स्थानी कोलकाता नाईट रायडर्स विराजमान आहे. केकेआरने 11 पैकी 8 सामने जिंकलेत. केकेआर 16 पॉइंट्स आणि 1.453 नेट रनरेटसह नंबर 1 आहे. तर राजस्थान रॉयल्सनेही 11 पैकी 8 सामने जिंकलेत. मात्र नेट रनरेटमुळे राजस्थान दुसऱ्या स्थानी आहे. हैदराबाद 7 विजयांसह तिसऱ्या स्थानी आहे. तर चेन्नई 6 विजयांसह चौथ्या क्रमांकावर आहे.

शुक्रवारी गुजरात विरुद्ध चेन्नई आमनेसामने

दरम्यान शुक्रवारी 10 मे रोजी गुजरात टायटन्स विरुद्ध चेन्नई सुपर किंग्स असा सामना होणार आहे. चेन्नईच्या तुलनेत गुजरातला प्लेऑफची संधी कमी आहे, मात्र त्यानंतरही त्यांचं आव्हान कायम आहे. चेन्नईला प्लेऑफमध्ये सहज पोहचायचं असेल तर हा सामना जिंकावा लागणार आहे. तर दुसऱ्या बाजूला गुजरातकडे चेन्नईला पराभूत करत त्यांचा खेळ बिघडवण्याची संधी आहे.त्यामुळे शुक्रवारच्या सामन्यात आता काय होतं? याकडे क्रिकेट चाहत्यांचं लक्ष असणार आहे.

पॉइंट्स टेबलमध्ये कोण कुठे?

रॉयल चॅलेंजर्स बेंगळुरू प्लेइंग ईलेव्हन : फाफ डू प्लेसिस (कर्णधार), विराट कोहली, विल जॅक्स, रजत पाटीदार, महिपाल लोमरोर, कॅमेरॉन ग्रीन, दिनेश कार्तिक (विकेटीकपर), स्वप्नील सिंग, कर्ण शर्मा, मोहम्मद सिराज आणि लॉकी फर्ग्युसन.

पंजाब किंग्ज प्लेइंग ईलेव्हन : सॅम करन (कॅप्टन), जॉनी बेअरस्टो (विकेटकीपर), प्रभसिमरन सिंग, रायली रोसो, शशांक सिंग, लियाम लिव्हिंगस्टोन, आशुतोष शर्मा, हर्षल पटेल, राहुल चहर, अर्शदीप सिंग आणि विद्वत कवेरप्पा.