KKR vs SRH Score, IPL 2024: केकेआरचा हैदराबाद विरुद्ध धमाकेदार विजय, फायनलमध्ये एन्ट्री

कोलकाता नाईट रायडर्सने आयपीएल 2024 च्या अंतिम फेरीत पोहचली आहे. केकेआरने हैदराबादवर 8 विकेट्सने विजय मिळवला आहे. हैदराबादने विजयासाठी दिलेल्या 160 धावांचं आव्हान हे 2 विकेट्सच्या मोबदल्यात पूर्ण केलं. तर दुसऱ्या बाजूला पराभवानंतरही हैदराबादला फायनलमध्ये जाण्यासाठी आणखी एक संधी मिळणार आहे.

कोलकाताने दुसरी आणि मोठी विकेट गमावली आहे. सुनील नरीन 21 धावा करुन माघारी परतला आहे.

कोलकाता नाईट रायडर्सच्या सुनील नरीन आणि रहमानुल्लाह गुरुबाज या सलामी जोडीने 160 धावांचा पाठलाग करताना 44 धावा जोडल्या. त्यानंतर रहमानुल्लाह 14 चेंडूत 23 धावांवर आऊट झाला. टी नटराजनने कोलकाताला पहिली विकेट मिळवून दिली.

सनरायजर्स हैदराबादने कोलकाता नाईट रायडर्ससमोर 160 धावांचं आव्हान ठेवलं आहे. हैदराबादने 19.3 ओव्हरमध्ये ऑलआऊट 159 धावा केल्या. हैदराबादकडून राहुल त्रिपाठी याने 55, एडन मारक्रम 32 आणि कॅप्टन पॅट कमिन्स याने अखेरच्या क्षणी नाबाद 30 धावांची खेळी केली. आता या विजयी धावांचा पाठलाग करण्यासाठी केकेआरकडून सुनील नरीन आणि गुरुबाज ही सलामी जोडी मैदानात आली आहे.

हैदराबादने पहिल्या 5 ओव्हरमध्ये 4 विकेट्स गमावल्या. त्यानंतर राहुल त्रिपाठी याने अर्धशतक ठोकत हैदराबादचा डाव सावरला. मात्र त्यानंतर राहुल त्रिपाठी रन आऊट झाला. त्यांनतर पुढील बॉलवर सुनील नरीन याने सनवीर सिंह याला क्लिन बोल्ड केला. त्यामुळे हैदराबादची 13.3 ओव्हरमध्ये 7 बाद 121 अशी स्थिती झालीय.

हैदराबादने पाचवी विकेट गमावली आहे. हेन्रिक क्लासेन रिंकू सिंह याच्या हाती कॅच आऊट झाला आहे. हेन्रिकने 21 बॉलमध्ये 32 रन्स केल्या.

मिचेल स्टार्क याने हैदराबादला 5 व्या ओव्हरमधील पाचव्या आणि सहाव्या बॉलवर सलग 2 झटके दिले. स्टार्कने आधी नितीश रेड्डी याला मैदानाबाहेरचा रस्ता दाखवला. तर त्यानंतर शाहबाज अहमद याला क्लिन बोल्ड करत गोल्डन डक केलं. आता मिचेल स्टार्कला त्याच्या कोट्यातील पुढील ओव्हरमध्ये हॅटट्रिक घेण्याची संधी आहे.

मिचेल स्टार्क याने नितीश रेड्डी याला आऊट करत हैदराबादला तिसरा झटका दिला आहे. मिचेलने यासह आपली दुसरी विकेट मिळवली. नितीशने 10 बॉलमध्ये  धावा केल्या.

केकेआरने हैदराबादच्या जोडीला मैदानाबाहेरचा रस्ता दाखवा आहे . मिचेल स्टार्क याने आधी ट्रेव्हिस हेड याला आऊट केलं. त्यांनतर दुसऱया ओव्हरमध्ये वैभव अरोरा याने 3 धावांवर सचिनला आऊट केलं.

मिचेल स्टार्क याने केकेआरला निर्णायक सामन्यात पहिलीच आणि मोठी विकेट मिळवून दिली आहे.  स्टार्कने ट्रेव्हिस हेड याला झिरोवर आऊट केलं.

केकेआरने हैदराबादला पहिल्याच ओव्हरमधील दुसऱ्या बॉलवर मोठा झटका दिला आहे. मिचेल स्टार्क याने ट्रेव्हिस हेड याला क्लिन बोल्ड केलं.

सनरायजर्स हैदराबादने कोलकाता नाईट रायडर्स विरुद्ध क्वालिफायर 1 सामन्यात टॉस जिंकला आहे. हैदराबादचा कॅप्टन पॅट कमिन्स याने बॅटिंग करण्याचा निर्णय घेतला आहे. दोन्ही संघांनी प्लेईंग ईलेव्हनमध्ये कोणताही बदल केलेला नाही.

आयपीएलच्या इतिहासात केकेआर विरुद्ध हैदराबाद यांच्यात एकूण 26 सामने झाले आहेत. या 26 पैकी सर्वाधिक सामन्यांमध्ये कोलकाता नाईट रायडर्स वरचढ राहिली आहे. कोलकाताने हैदराबादवर 17 सामन्यांमध्ये विजय मिळवला आहे. तर हैदराबादने केकेआरवर 9 वेळा मात केली आहे.

कोलकाताचा ऑलराउंडर सुनील नरेन आणि हैदराबादचा विस्फोटक ओपनर ट्रेव्हिस हेड या दोघांनी आयपीएलच्या 17 व्या हंगामातील साखळी फेरीत धमाकेदार कामगिरी केली आहे. त्यामुळे या क्वालिफायर 1 मध्ये या दोन्ही खेळाडूंच्या कामगिरीकडे क्रिकेट चाहत्यांचं लक्ष असणार आहे.

कोलकाता नाईट रायडर्स विरुद्ध सनरायजर्स हैदराबाद यांच्यात आयपीएल 17 व्या हंगामातील क्वालिफायर 1 सामना नरेंद्र मोदी स्टेडियममध्ये होणार आहे. हा सामना जिंकणारा संघ फायनलमध्ये पोहचेल. तर पराभूत संघाला फायनलमध्ये पोहचण्यासाठी आणखी एक संधी मिळेल. पराभूत संघ एलिमिनेटरमध्ये जिंकणाऱ्या टीम विरुद्ध भिडेल.