MI vs PBKS IPL 2023 Highlights | मुंबई इंडियन्सचा रंगतदार सामन्यात पराभव, पंजाब किंग्सने विजयी घोडदौड रोखली

पंजाब किंग्सने मुंबई इंडियन्सची  विजयी घोडदौड रोखलीय. पंजाबने पहिले बॅटिंग करताना मुंबईला 215 धावांचं आव्हान दिलं होतं. मुंबईनेही या आव्हानाचा शानदार पाठलाग करण्याचा प्रयत्न केला.  मात्र मुंबईचे प्रयत्न थोडक्यासाठी अपुरे पडले. मुंबईने हा सामना अवघ्या 13 धावांनी गमावला. मुंबईने 20 ओव्हरमध्ये 6 विकेट्स 201 धावा केल्या.

मुंबई इंडियन्सने तिसरी विकेट गमावली आहे.  कॅमरुन ग्रीन शानदार अर्धशतकी खेळीनंतर आऊट झाला आहे.  ग्रीनने 43 बॉलमध्ये 6 चौकार आणि 3 खणखणीत सिक्स ठोकले.

मुंबई इंडियन्सला मोठा झटका लागला आहे. कॅप्टन रोहित शर्मा 44 धावा करुन आऊट झाला आहे.

मुंबई इंडियन्सने पहिली विकेट स्वसतात गमावल्यानंतर दुसऱ्या विकेटसाठी अर्धशतकी भागीदारी केली आहे.  रोहित शर्मा आणि कॅमरुन ग्रीन या दोघांनी दुसऱ्या विकेटसाठी नाबाद अर्धशतकी भागीदारी रचली आहे.

मुंबई इंडियन्सने पहिली विकेट गमावली आहे.  इशान किशन आऊट झालाय.  पंजाब किंग्सने मुंबईला विजयासाठी 215 धावांचे आव्हान दिले आहे.  या आव्हानाचा पाठलाग करताना मुंबईची निराशाजनक सुरुवात झालीय.

पंजाब किंग्सने मुंबई इंडियन्सच्या गोलंदाजांना तब्येतीचा फोडून काढला आहे. सामन्याच्या 12 ओव्हरपर्यंत बरोबरीत असलेला सामना पंजाबच्या बाजूने झुकला. त्यानंतर पंजाबने मुंबईच्या गोलंदाजांची सालटी सोलून काढली. पंजाबच्या प्रत्येक फलंदाजाने मिळालेल्या संधीचा मजबूत फायदा घेत तुफान फटकेबाजी केली. हरप्रीत ब्रार याचा अपवाद वगळता पहिल्या सात फलंदाजांनी धमाका केला. मॅथ्यू शॉर्ट याने 11, प्रभासिमरन सिंह 26, अथर्व तायडे 29, लियाम लिविंगस्टोन 10, भाटीया 41, सॅम करन 55 आणि जितेश याने 25 रन्स केल्या. तर हरप्रीत ब्रार 5 धावांवर रनआऊट झाला. तर शाहरुख खान शून्यावर नाबाद राहिला. मुंबईकडून पियूष चावला आणि कॅमरुन ग्रीन या दोघांनी प्रत्येकी सर्वाधिक 2 विकेट्स घेतल्या. तर अर्जुन तेंडुलकर, बेहरनडोर्फ आणि जोफ्रा आर्चर या तिकडीने प्रत्येकी 1 विकेट घेतली.

पंजाब किंग्सने चौथी विकेट गमावली आहे. अथर्व तायडे आऊट झाला आहे.  पियूष चावला याने अर्थवला क्लिन बोल्ड केलं.

पंजाब किंग्सने तिसरी विकेट गमावली आहे.  विकेटकीपर इशान किशन याने पियूष चावला याच्या बॉलिंगवर लियाम लिविंगस्टोन याला  स्टंपिंग आऊट केलं.

अर्जुन तेंडुलकर याने पंजाब किंग्सला दुसरा झटका देत पहिली विकेट मिळवली आहे.  अर्जुनने यॉर्कर बॉल टाकत  प्रभासिमरन सिंह याला एलबीडबल्यू आऊट केलं आहे.

मुंबई इंडियन्सने पंजाब किंग्सला पहिला धक्का दिला आहे. कॅमरुन ग्रीन याने मॅथ्यू शॉर्ट याला पियूष चावला याच्या हाती कॅचआऊट केलं आहे.

पंजाब किंग्सच्या बॅटिंगला सुरुवात झाली आहे. मुंबई इंडियन्सने पंजाबला टॉस जिंकून बॅटिंगसाठी आमंत्रित केलं आहे.  पंजाबकडून मॅथ्यू शॉट आणि प्रभासिमरन सिंह ही सलामी जोडी मैदानात खेळत आहे.

मुंबई इंडियन्स प्लेइंग इलेव्हन | रोहित शर्मा (कॅप्टन), इशान किशन (विकेटकीपर), कॅमेरॉन ग्रीन, सूर्यकुमार यादव, टिम डेव्हिड, टिळक वर्मा, अर्जुन तेंडुलकर, हृतिक शोकीन, जोफ्रा आर्चर, पीयूष चावला आणि जेसन बेहरेनडॉर्फ.

मुंबई इंडियन्सने पंजाब किंग्स विरुद्धच्या सामन्यात वानखेडे स्टेडियमवर टॉस जिंकला आहे. कॅप्टन रोहित शर्मा याने टॉस जिंकून पंजाब किंग्सला बॅटिंगसाठी भाग पाडलं आहे.

मुंबई इंडियन्स विरुद्ध पंजाब किंग्स हे दोन्ही संघ आयपीएलच्या इतिहासात आतापर्यंत एकूण 29 वेळा आमनेसामने राहिले आहेत. यामध्ये दोन्ही संघ जवळपास तुल्यबळ राहिले आहेत. मुंबईने पंजाबवर 15 सामन्यात विजय मिळवलाय. तर पंजाबनेही मुंबईला 14 वेळा पाणी पाजलंय.

शनिवारी 22 एप्रिल रोजी आयपीएल 16 व्या मोसमात डबल हेडरचं आयोजन करण्यात आलंय. या डबल हेडरमधील दुसरा सामना हा मुंबई इंडियन्स विरुद्ध पंजाब किंग्स यांच्यात खेळवण्यात येणार आहे.