IPL 2022, MI vs LSG : मुंबई इंडियन्सचा लाजीरवाणा आठवा पराभव, लखनऊचा जोरदार विजय
लखनौने मुंबई इंडियन्सला 168 धावांचं लक्ष्य दिलं होतं. पण ते त्यांना पूर्ण करता आलं नाही. मुंबईने वीस ओवरमध्ये 8 बाद 132 धावा काढल्या. यामुळे मुंबई इंडियन्सचा संघ सलग आठव्यांदा पराभूत झाला आहे.
मुंबई : आज आयपीएलच्या (IPL 2022) पंधराव्या हंगामात लखनौने (LSG) मुंबई इंडियन्सला (MI) 168 धावांचं लक्ष्य दिलं होतं. पण ते त्यांना पूर्ण करता आलं नाही. मुंबईने वीस ओवरमध्ये 8 बाद 132 धावा काढल्या. यामुळे मुंबई इंडियन्सचा संघ सलग आठव्यांदा पराभूत झाला आहे. मुंबई इंडियन्सच्या संघात सर्वाधिक धावा रोहित शर्माने काढल्या. त्याने 31 चेंडूत 39 धावा काढल्या. तर यात पाच चौकार आणि एक षटकार त्याने मारला. टिळक वर्मा देखील चांगलं खेळला. त्याने 27 चेंडूत 38 धावा काढल्या. त्यात दोन चौकार आणि दोन षटकार त्याने मारले. किरॉन पोलार्ड याने 20 चेंडूत 19 धावा काढल्या. त्यात त्याने एक षटकार ठोकला. त्याननंतर इशान किशनने आठ धावा काढल्या. तर देवाल्ड ब्रेव्हिसने तीन, डॅनियल सॅम्सने तीनआणि जयदेव उनाडकट याने एक धावा काढली. यामुळे मुंबई इंडियन्सला 168 धावांचं लक्ष्य पूर्ण करता आलं नाही आणि लखनौचा विजय झाला.
तिलक शर्माच्या षटकारची चर्चा, VIDEO पाहण्यासाठी इथे क्लिक करा
लखनौने किती धावा काढल्या
लखनौला क्विंटन डी कॉकच्या रूपाने पहिला धक्का बसला. तो नऊ चेंडूत 10 धावा काढून बाद झाला. पहिल्या ओव्हरच्या शेवटच्या चेंडूवर जसप्रीत बुमराहने त्याला रोहित शर्माकरवी झेलबाद केलं. त्यानंतर किरॉन पोलार्डने लखनौची दुसऱ्या विकेटची मोठी भागीदारी तोडण्यात यश मिळवलं. त्याच्या पहिल्याच षटकाच्या पाचव्या चेंडूवर त्याने मनीषला मेरेडिथकरवी झेलबाद केले. मनीषने बाद होण्यापूर्वी 22 चेंडूत 22 धावा केल्या. तर दुसरीकडे मार्कस स्टॉइनिस पुन्हा एकदा अपयशी ठरला. तो खाते न उघडताच पॅव्हेलियनमध्ये परतला. चौथ्या षटकातील पाचव्या चेंडूवर तो डॅनियल सॅमने टिळक वर्माच्या हाती झेलबाद झाला. लखनौने तीन चेंडूंत त्यांचे दोन मोठे विकेट गमावले. कृणाल पांड्याही काही विशेष करू शकला नाही आणि एक धाव काढून पोलार्डच्या चेंडूवर शौकीनकडे झेलबाद झाला. अशा प्रकारे लखनौने 20 ओवरमध्ये 6 बाद 168 धावा काढल्या होत्या.
केएल राहुलचा षटकार, VIDEO पाहण्यासाठी इथे क्लिक करा
केएल राहुलचं शतक, अर्धशतक
लखनऊचा कर्णधार केएल राहुलने 61 चेंडूत आपले शतक पूर्ण केले. त्याने षटकारासह मोसमातील दुसरे शतक झळकावले. त्याने दोन्ही शतके मुंबईविरुद्धच झळकावली. एका हंगामात एकाच संघाविरुद्ध दोन शतके झळकावणारा तो कोहलीनंतरचा दुसरा खेळाडू आहे. तर त्याने आपला उत्कृष्ट फॉर्म कायम राखत आणखी एक अर्धशतक आपल्या नावावर केले आहे. यावेळी त्याने 37 चेंडूत आपले अर्धशतक पूर्ण केले.
केएल राहुलचं शतक, VIDEO पाहण्यासाठी इथे क्लिक करा
इतर बातम्या