इंग्लंड आणि पाकिस्तान यांच्यात पहिला कसोटी सामना सुरु आहे. नाणेफेकीचा कौल जिंकल्यानंतर पाकिस्तानने प्रथम फलंदाजी करणं पसंत केलं. पण चौथ्या षटकात सईम अयुब स्वस्तात बाद झाला आणि संघावरील टेन्शन वाढलं. पण अब्दुल्ला शफीक आणि शान मसूद यांनी मोर्चा सांभाळला. दोघांनी दुसऱ्या गड्यासाठी 253 धावांची भागीदारी केली. अब्दुल्ला शफीक 184 चेंडूत 102 धावा करून बाद झाला. गस एटकिंनसनच्या गोलंदाजीवर ओली पोपने त्याचा झेल घेतला. त्यानंतर लगेचच कर्णधार शान मसूदची विकेट पडली. शान मसूदने 177 चेंडूत 13 चौकार आणि 2 षटकाराच्या मदतीने 151 धावा केल्या. पण जॅक लीचच्या गोलंदाजीवर फटका मारताना चुकला आणि बाद होत तंबूत परतला. त्यानंतर सर्वांचा नजरा या बाबर आझमकडे खिळल्या होत्या. कारण कर्णधारपदातून मोकळा झाल्यानंतर फक्त फलंदाजीवर लक्ष्य केंद्रीत करणार असल्याचं सांगितलं होतं. पण या सामन्यातही काही खास करू शकला नाही.
बाबर आझमने 71 चेंडूंचा सामना केला आणि 5 चौकारांच्या मदतीने 30 धावा केल्या. ख्रिस वोक्सच्या गोलंदाजीवर फटका मारताना चुकला आणि पायावर चेंडू आदळला. बाबर आझमने तात्काळ रिव्ह्यू घेण्याचा निर्णय घेतला. पण रिव्ह्यूतही बाबर आझम बाद असल्याचं निष्पन्न झालं आणि एक रिव्ह्यू वाया जाण्याची वेळ आहे. पाकिस्तानने पहिल्या दिवसअखेर 4 गडी गमवून 328 धावा केल्या आहेत. तर सउद शकील नाबाद 35 आणि नसीम शाह नाबाद 0 धावांवर खेळत आहे. आता दुसऱ्या पाकिस्तानचा संघ कशी कामगिरी करतो याकडे लक्ष लागून आहे. नुकतंच बांगलादेशने दोन सामन्यांच्या कसोटी मालिकेत पाकिस्तानला क्लिन स्वीप दिला होता. त्यामुळे पाकिस्तानची गाडी कधी रुळावरून घसरेल सांगता येत नाही.
.@shani_official goes big!
Highlights of his second 1️⃣5️⃣0️⃣+ score against England 👏#PAKvENG | #TestAtHome pic.twitter.com/lOJwrcIl2w
— Pakistan Cricket (@TheRealPCB) October 7, 2024
पाकिस्तान (प्लेइंग इलेव्हन): सइम अयुब, अब्दुल्ला शफीक, शान मसूद (कर्णधार), बाबर आझम, सौद शकील, मोहम्मद रिझवान (विकेटकीपर), आगा सलमान, आमेर जमाल, शाहीन आफ्रिदी, नसीम शाह, अबरार अहमद.
इंग्लंड (प्लेइंग इलेव्हन): झॅक क्रॉली, बेन डकेट, ऑली पोप (कर्णधार), जो रूट, हॅरी ब्रूक, जेमी स्मिथ (विकेटकीपर), ख्रिस वोक्स, गस ऍटकिन्सन, ब्रायडन कार्स, जॅक लीच, शोएब बशीर