PBKS vs RR IPL 2023 Highlights | राजस्थान रॉयल्सचा 4 विकेट्सने विजय, आता पुढे काय?

राजस्थान रॉयल्सने पंजाब किंग्सवर 4 विकेट्सने विजय मिळवला आहे. पंजाबने राजस्थानला विजयासाठी 188 धावांचं आव्हान दिलं होतं. राजस्थानने हे आव्हान 19.4 ओव्हरमध्ये 6 विकेट्सच्या मोबदल्यात पूर्ण केलं.  राजस्थानला  हे आव्हान नेट रन रेटच्या हिशोबाने 18. 3 ओव्हरमध्ये पूर्ण करायचं होतं. मात्र त्याआधी राजस्थानला हे आव्हान पूर्ण करण्यात अपयश आलं. मात्र  राजस्थानच्या या विजयानंतरही  प्लेऑफच्या आशा या जरतरच्या समीकरणारवर कायम आहे.

राजस्थान रॉयल्सला विजयासाठी आता 20 व्या ओव्हरमध्ये 9 धावांची गरज आहे. ध्रुव जुरेल आणि ट्रेन्ट बोल्ट ही जोडी मैदानात आहे.

राजस्थानने सहावी विकेट गमावली आहे. शिखर धवनने कडक कॅच घेत शिमरॉन हेटमायरल याला मैदानाबाहेरचा रस्ता दाखवला आहे. हेटमायरने 28 बॉलमध्ये 46 धावांची खेळी केली.

राजस्थानने पाचवी विकेट गमावली आहे. रियान पराग 20 धावा करुन माघारी परतला आहे.

रियान पराग याने 18 व्या ओव्हरच्या सुरुवातीला सलग 2 सिक्स खेचले आहेत. कगिसो रबाडा याने नो बॉलने सुरुवात केली. त्यामुळे फ्री हिट  मिळाला.  रियानने फ्रि हिटवर सिक्स ठोकला. त्यानंतर परत रियानने सिक्स ठोकला. यामुळे सामन्यात रंगत आली.

पंजाब विरुद्ध राजस्थान सामना रंगतदार स्थितीत पोहचला आहे. राजस्थान विजयासाठी 3 ओव्हरमध्ये 33 धावांची गरज आहे.  शिमरॉन हेटमायर आणि रियान पराग ही जोडी मैदानात आहे.

यशस्वी जयस्वाल आऊट झाला आहे. ऋषी धवनने यशस्वीचा शानदार कॅच घेतला. यशस्वी 36 बॉलमध्ये 50 धावा करुन आऊट झाला.

यशस्वी जयस्वाल याने 35 बॉलमध्ये अर्धशतक पूर्ण केलं आहे. यशस्वीचं या मोसमातील हे 5 वं शतक ठरलं. राजस्थान यासह विजयाच्या दिशेने जवळ पोहचली आहे.

राजस्थान रॉयल्सला मोठा झटका लागला आहे. कॅप्टन संजू सॅमसन 2 धावा करुन आऊट झाला आहे.

देवदत्त पडिक्कल अर्धशतक ठोकल्यानंतर आऊट झाला आहे.  पडीक्कलने 30 बॉलमध्ये 51 धावांची खेळी केली.

जॉस बटलर शून्यावर आऊट झाल्यानंतर यशस्वी जयस्वाल आणि देवदत्त पडीक्कल या दोघांनी दुसऱ्या विकेटसाठी अर्धशतकी भागीदारी केली आहे. यशस्वीने चौकार ठोकला यासह ही अर्धशतकी भागीदारी पूर्ण झाली.

राजस्थानची निराशाजनक सुरुवात झाली आहे. कगिसो रबाडा याने बटलरला झिरोवर आऊट केलं आहे.

राजस्थानच्या बॅटिंगला सुरुवात झाली आहे. यशस्वी जयस्वाल आणि जॉस बटलर ही सलामी जोडी मैदानात खेळत आहे. पंजाबने राजस्थानसमोर विजयासाठी 188 धावाचं आव्हान ठेवलं आहे.

सॅम करन आणि शाहरुख खान या जोडीने केलेल्या विस्फोटक खेळीच्या जोरावर पंजाब किंग्सने राजस्थान रॉयल्सला विजयासाठी 188 धावांचं आव्हान दिलं आहे. पंजाबने 20 ओव्हरमध्ये 5 विकेट्स गमावून 187 धावा केल्या. टॉस गमावून बॅटिंगसाठी आलेल्या पंजाबची फारशी चांगली सुरुवात राहिली नाही. प्रभसिमरन सिंह, अथर्व तायडे, कॅप्टन शिखर धवन आणि लियाम लिविंगस्टोन आऊट झाल्याने पंजाबची 6.3 ओव्हरमध्ये 4 बाद 50 अशी स्थिती झाली. मात्र त्यानंतर जितेश शर्मा, सॅम करन आणि शाहरुख खान या तिकडीने तडाखेदार खेळी केली.

सॅम करन आणि जितेश शर्मा या दोघांनी पाचव्या विकेटसाठी 47 बॉलमध्ये 64 धावांची भागीदारी केली. मात्र त्यानंतर जितेशला नवदीप सैनीने आऊट केलं. जितेशने 28 बॉलमध्ये 3 चौकार आणि 3 सिक्सच्या मदतीने 44 धावांची खेळी केली. त्यानंतर मैदानात आलेल्या शाहरुखने सॅम करनला चांगली साथ दिली या दोघांनी सहाव्या विकेटसाठी 38 बॉलमध्ये नाबाद 73 धावांची भागीदारी केली. या दरम्यान शाहरुख आणि सॅम या दोघांनी दे दणादण बॅटिंग केली.

पंजाबसाठी सॅम करन याने 31 बॉलमध्ये 4 फोर आणि 2 सिक्स ठोकत सर्वाधिक नाबाद 49 धावा केल्या. तर शाहरुखने 23 बॉलमध्ये 4 चौकार आणि 2 षटकारांसह नॉट आऊट 41 रन्स केल्या. राजस्थानकडून नवदीप सैनी याने सर्वाधिक 3 विकेट्स घेतल्या. तर ट्रेन्ट बोल्ट आणि एडम झॅम्पा या दोघांनी प्रत्येकी 1-1 विकेट घेतली.

सॅम करन आणि शाहरुख खान या जोडीने सहाव्या विकेटसाठी 31 बॉलमध्ये अर्धशतकी भागीदारी केली आहे. तसेच युझवेंद्र चहल याने सामन्यातील 19 व्या ओव्हरमध्ये तब्बल 28 धावा दिल्या.  आता या धावा किती निर्णायक ठरतात, हे पाहणं उत्सुकतेचं ठरणार आहे.

पंजाबनने पाचवी विकेट गमावली आहे.  नवदीप सैनीने दजितेश शर्मा याला 44 धावांवर कॅच आऊट केलं.

सॅम करन आणि जितेश शर्मा या जोडीने पंजाबसाठी पाचव्या विकेसाठी नाबाद अर्धशतकी भागीदारी केली आहे. त्यामुळे पंजाबचा स्कोअर 13 ओव्हरमध्ये 4 बादर 100 असा झाला आहे.  या दोघांनी 43 बॉलमध्ये अर्धशतकी भागीदारी केली.

लियाम लिविंगस्टोन आऊट झाल्याने पंजाब किंग्स बॅकफुटवर गेली आहे.  नवदीप सैनी याने लिविंगस्टोन याला क्लिन बोल्ड केलंय. त्यामुळे पंजाबची 6.3 ओव्हरमध्ये 4 बाद 50 अशी स्थिती झाली आहे.

एडम झॅम्पा याने  पंजाब किंग्स कॅप्टन शिखर धवन याला 17 धावांवर एलबीडबल्यू आऊट केलं आहे.

पंजाब किंग्सने दुसरी विकेट गमावली आहे.  अथर्व तायडे याला नवदीप सैनी याने आऊट केलं आहे.  तायडेने 19 धावा केल्या. तायडेचं हे या मोसमातील पहिलीच विकेट ठरली.

ट्रेन्ट बोल्टने पंजाब किंग्सला सामन्यातील पहिल्याच ओव्हरमध्ये पहिला झटका दिला आहे.  बोल्टने आपल्या बॉलिंगवर प्रभसिमरन सिंह याला 2 धावांवर कॅच आऊट केलं.

राजस्थान रॉयल्स प्लेइंग इलेव्हन | संजू सॅमसन (कॅप्टन आणि विकेटकीपर), यशस्वी जयस्वाल, जॉस बटलर, देवदत्त पडिक्कल, रियान पराग, शिमरॉन हेटमायर, जेसन होल्डर, एडम झॅम्पा, ट्रेन्ट बोल्ट, केएम आसिफ आणि युझवेंद्र चहल

पंजाब किंग्स प्लेइंग इलेव्हन | शिखर धवन (कॅप्टन) प्रभसिमरन सिंग, अथर्व तायडे, लियाम लिव्हिंगस्टोन, सॅम कुरन, जितेश शर्मा (विकेटकीपर), शाहरुख खान, हरप्रीत ब्रार, राहुल चहर, कागिसो रबाडा, अर्शदीप सिंग

राजस्थान रॉयल्सने टॉस जिंकला आहे.  कॅप्टन संजू सॅमसन याने पंजाब किंग्सला बॅटिंगसाठी भाग पाडलं आहे. त्यामुळे पंजाब आपल्या घरच्या मैदानात राजस्थानला विजयासाठी किती धावांचं आव्हान देणार याकडे क्रिकेट चाहत्यांचं लक्ष असणार आहे.

पंजाब किंग्स विरुद्ध राजस्थान रॉयल्स हे दोन्ही संघ आयपीएल इतिहासात एकूण 25 वेळा आमनेसामने आले आहेत. यामध्ये आकड्यांच्या हिशोबाने राजस्थान रॉयल्स वरचढ आहे. राजस्थानने 14 सामने जिंकले आहेत. तर पंजाबने राजस्थानवर 11 वेळा मात केलीय.

ताज्या आकडेवारीनुसार राजस्थान रॉयल्स आणि पंजाब किंग्स पॉइंट्स टेबलमध्ये अनुक्रमे 6 व्या आणि 8 व्या क्रमांकावर विराजमान आहे. दोन्ही संघांची स्थिती सारखीच आहे. दोन्ही संघांनी खेळलेल्या 13 पैकी 6 सामन्यात विजय मिळवलाय. मात्र राजस्थानचा नेट रनरेट हा प्लसमध्ये असल्याने ते सहाव्या क्रमांकावर आहेत. तर पंजाबचा नेट रनरेट हा मायन्समध्ये आहे.

आयपीएल 16 व्या मोसमात पंजाब किंग्स आणि राजस्थान रॉयल्स हे दोन्ही संघ दुसऱ्यांदा आमनेसामने आले आहेत. याआधी 5 एप्रिल रोजी झालेल्या सामन्यात पंजाबने राजस्थानवर 5 धावांनी विजय मिळवला होता.  प्लेऑफमधील आव्हान कायम राखण्यासाठी दोन्ही संघांना हा सामना जिंकायचा आहे. त्यामुळे आता या सामन्यात राजस्थान मागील पराभवाचा वचपा घेत प्लेऑफच्या दिशेने पुढचं पाऊल टाकणार की पंजाब किंग्स बाजी मारणार, याकडे क्रिकेट चाहत्यांचं लक्ष असणार आहे.