वुमन्स टी20 वर्ल्डकप स्पर्धेचं सुधारित वेळापत्रक जाहीर, या दिवशी होणार भारत पाकिस्तान सामना

आयसीसी वुमन्स टी20 वर्ल्डकप स्पर्धेच्या थरार 3 ऑक्टोबरपासून अनुभवता येणार आहे. बांगलादेशमध्ये यापूर्वी ही स्पर्धा होणार होती. पण बांगलादेशमध्ये राजकीय उलथापालथ झाली आणि सर्वच चित्र बदललं. हिंसाचाराच्या वाढत्या घटना पाहून तिथे स्पर्धा भरवणं कठीण होतं. त्यामुळे आयसीसीने ही स्पर्धा यूएईत भरवण्याचा निर्णय घेतला. आता ही स्पर्धा शारजाह क्रिकेट स्टेडियम आणि दुबई इंटरनॅशनल क्रिकेट स्टेडियममध्ये खेोळवली जाईल. या स्पर्धेतील पहिला सामना 3 ऑक्टोबरला बांग्लादेश आणि स्कॉटलँड यांच्यात होणार आहे. भारतीय महिला संघाचा पहिला सामना 4 ऑक्टोबरला न्यूझीलंडशी होईल. तर भारत आणि पाकिस्तान संघ 6 ऑक्टोबरला आमनेसामने येतील. या स्पर्धेत एकूण 23 सामने होणार असून अंतिम सामना 20 ऑक्टोबरला होणार आहे.

स्पर्धेचं पूर्ण वेळापत्रक

उपांत्य आणि अंतिम फेरीसाठी राखीव दिवस ठेवला आहे. या स्पर्धेत एकूण दहा संघ सहभागी असून संघ दोन गटात विभागले आहेत. अ गटात ऑस्ट्रेलिया, भारत, न्यूजीलंड, पाकिस्तान आणि श्रीलंका हे संघ आहेत. तर ब गटात बांग्लादेश, इंग्लंड, दक्षिण अफ्रिका, वेस्ट इंडिज आणि स्कॉटलँड संघ आहेत.