मुंबई : भारतीय क्रिकेटमध्ये असे अनेक खेळाडू आहेत जे क्रिकेटनंतर कलाविश्वामध्ये त्यांनी एँन्ट्री मारली. असाच एक खेळाडू आहे ज्याने कमीव वयात क्रिकेटमधून निवृत्ती जाहीर केली होती. त्यानंतर या खेळाडूने प्रसिद्ध अभिनेता संजय दत्तसोबत चित्रपटामध्ये काम केलं मात्र तिथेही त्याला काही म्हणावं असं यश आलं नाही. मात्र काही दिवसांनी त्याचे वाईट दिवस सुरू झाले. दारूच्या व्यसनामुळे त्याला परिवारातील सर्व लोक सोडून गेलेले.

संजय दत्तसोबत चित्रपटात काम

2000 मध्ये संजय दत्तसोबत कुरुक्षेत्र या चित्रपटात काम केलं होतं. यासोबतच सलील अंकोलाने सनी लिओन, श्रुती हासन, जॅकी श्रॉफ आणि झायेद खान यांसारख्या अनेक बॉलिवूड स्टार्स सोबत काम केलं आहे. सलील अंकोलाने 25 हून अधिक टीव्ही मालिकांमध्ये काम केले आहे, ज्यात CID, सावधान इंडियामध्येही काम केलं आहे.

सलील अंकोला महाराष्ट्राचा वेगवान गोलंदाज आहे. वयाच्या 20 वर्षी त्याने टीम इंडियामध्ये एन्ट्री केली आहे. क्रिकेटचा देव म्हणून ओळथला जाणाऱ्या सचिन तेंडुलकरसोबत त्याने पदार्पण केलं होतं. सलील अंकोलाने एक कसोटी आणि 20 वनडे खेळल्यावर वयाच्या 28 व्या वर्षी क्रिकेटमधून निवृत्ती जाहीर केली होती.

2010 साली सलील अंकोलाच्या आयुष्यामध्ये अनेक अडचणी आल्या होत्या. या काळात त्याला दारूचं व्यसन लागलं होतं त्यामुळे त्याची पहिली पत्नी आणि मुले सोडून गेली होतीत. हा खेळाडू दारूच्या इतका आहारी गेला होता की त्याला व्ससन मुक्ती केंद्रात दाखल व्हावं लागलं होतं. मात्र आता सर्व सुरळीत आहे.

दरम्यान, आता बीसीसीआयने भारतीय वरिष्ठ क्रिकेट संघाच्या निवडकर्त्यांमध्ये सलील अंकोला यांचा समावेश केला आहे.  तर 2020 साली त्याची मुंबई क्रिकेट संघाच्या निवडकर्ता म्हणून निवड झाली होती.