वरुण चक्रवर्तीचा पंच, पण..! दक्षिण अफ्रिकेने 3 गडी राखून केलं पराभूत

भारत आणि दक्षिण मालिकेतील दुसरा टी20 सामना भारताने नावावर केला आहे. दुसऱ्या टी20 सामन्यात दक्षिण अफ्रिकेने नाणेफेकीचा कौल जिंकून प्रथम गोलंदाजी करण्याचा निर्णय घेतला. खरं तर दक्षिण अफ्रिकेच्या गोलंदाजांपुढे भारतीय फलंदाजांचं फार काही चाललं नाही. संजू सॅमसन, अभिषेक शर्मा, सूर्यकुमार यादव सर्वच फेल गेले. त्यामुळे या सामन्यात मोठी धावसंख्या करणं कठीण झालं होतं. भारताची धावसंख्या 100 च्या पुढे जाते की नाही असा प्रश्न होता. पण हार्दिक पांड्याने चांगली फलंदाजी केली आणि भारताला कसं बसं 124 धावांवर पोहोचवलं. दक्षिण अफ्रिकेसमोर विजयासठी 125 धावांचं आव्हान होतं. हे आव्हान दक्षिण अफ्रिका सहज गाठेल असं वाटत होतं. पण तसं झालं नाही. सर्वकाही व्यवस्थित सुरु असताना मिस्ट्री गोलंदाज वरुण चक्रवर्तीचा दणका दक्षिण अफ्रिकन फलंदाजांना बसला. त्याचा गोलंदाजीचा सामना करताना एक एक करत विकेट पडत गेल्या. रीझा हेन्ड्रीक, एडन मार्करम, मार्को यानसेन, हेनरिक क्लासेन आणि डेविड मिलर हे वरुणच्या जाळ्यात अडकले. त्यामुळे दक्षिण अफ्रिकेवरील दबाव वाढला. एकीकडे ट्रिस्टन स्टब्स झुंज देत होता. त्यामुळे विजय कोणाच्या पारड्यात पडेल याबाबत शंका होती. अखेर ट्रिस्टन स्टब्सने भारतीय गोलंदाजीचा सामना करत विजय मिळवून दिला. दक्षिण अफ्रिकेने भारतावर 3 गडी राखून विजय मिळवला.

वरुण चक्रवर्तीने 4 षचटकात 17 धावा देत 5 गडी बाद केले. त्याच्या भेदक गोलंदाजीमुळे दक्षिण अफ्रिका संघ अडचणी आला. ट्रिस्टन स्टब्सने 41 चेंडूत 7 चौकारांच्या मदतीने नाबाद 47 धावा केल्या आणि विजय मिळवून दिला. त्याला गेराल्ड कोएत्झीची उत्तम साथ लाभली. त्याने 9 चेंडूत 2 चौकार आणि एक षटकार मारत 19 धावा केल्या. या पराभवामुळे भारताचं सलग 12 सामने जिंकण्याचं स्वप्न भंगलं आहे. झिम्बाब्वेविरुद्ध 4, श्रीलंकेविरुद्ध 3, बांगलादेशविरुद्ध 3 आणि दक्षिण अफ्रिकेविरुद्ध 1 सामना जिंकला होता.

दक्षिण आफ्रिका प्लेइंग इलेव्हन : एडन मार्करम (कर्णधार), रायन रिकेल्टन, रीझा हेंड्रिक्स, ट्रिस्टन स्टब्स, हेनरिक क्लासेन (विकेटकीपर), डेव्हिड मिलर, मार्को जॅनसेन, अँडीले सिमेलेन, जेराल्ड कोएत्झी, केशव महाराज आणि न्काबायोमझी पीटर

टीम इंडिया प्लेइंग इलेव्हन : सूर्यकुमार यादव (कर्णधार), संजू सॅमसन (विकेटकीपर), अभिषेक शर्मा, तिलक वर्मा, हार्दिक पांड्या, रिंकू सिंग, अक्षर पटेल, अर्शदीप सिंग, रवी बिश्नोई, वरुण चक्रवर्ती आणि आवेश खान.