आयसीसी टी 20 वर्ल्ड कप 2024 स्पर्धेतील 22 व्या सामन्यात कॅनडाच्या आरोन जॉनसन याने टीम अडचणीत असताना निर्णायक क्षणी पाकिस्तान विरुद्ध खणखणीत अर्धशतक ठोकलंय. ज्या खेळपट्टीवर आतापर्यंत इतर संघांना 120-130 धावांपर्यंत पोहचण्यात संघर्ष करावा लागलाय, तिथे आरोनने अर्धशतक ठोकलंय. आरोनने या अर्धशतकी खेळीसह कॅनडाचा डाव सावरला आणि समाधानकारक स्थितीत आणून ठेवलं.
आरोनने पाकिस्तानच्या गोलंदाजांची जोरदार धुलाई केली. इतर सहकारी फलंदाज विकेट टाकून माघारी परतले. मात्र आरोनने एक बाजू लावून धरली.आरोनने या दरम्यान एकेरी दुहेरी धावा घेतल्या. तसेच संधी मिळाली तेव्हा मोठे फटके मारले आणि अर्धशतक झळकावलं. आरोनने 13 व्या ओव्हरमधील चौथ्या बॉलवर खणखणीत सिक्स ठोकला आणि अर्धशतक पूर्ण केलं. cने 39 बॉलमध्ये 4 चौकार आणि 4 षटकारांच्या मदतीने 118.18 च्या स्ट्राईक रेटने अर्धशतक ठोकलं. आरोनच्या टी 20 आंतरराष्ट्रीय कारकीर्दीतील हे सहावं अर्धशतक ठरलं.
न्यूयॉर्कमधील नासाऊ काउंटी आंतरराष्ट्रीय स्टेडियममधील हा सातवा सामना आहे. याआधी या मैदानात टी 20 वर्ल्ड कपमधील 6 सामने पार पडले. या मैदानात खेळपट्टीमुळे धावांसाठी संघर्ष करावा लागतोय. मात्र आरोनने या पुढे जात दे देणादण बॅटिंग केली आणि अर्धशतक ठोकलं. आरोनला अर्धशतकानंतर मोठी खेळी करण्याची संधी होती. मात्र नसीम शाहने त्याला क्लिन बोल्ड करत कॅनडाला मोठा झटका दिला. आरोनने 44 बॉलमध्ये 52 धावांची खेळी केली.
आरोन जॉन्सची अर्धशतकी खेळी
Aaron John5️⃣0️⃣n spearheading our batting 🔥#PAKvCAN #weCANcricket #T20WorldCup
📷 ICC/Getty pic.twitter.com/eHD0zrBlFN
— Cricket Canada (@canadiancricket) June 11, 2024
कॅनडा प्लेइंग ईलेव्हन : साद बिन जफर (कॅप्टन), श्रेयस मोव्वा (विकेटकीपर), आरोन जॉन्सन, नवनीत धालीवाल, परगट सिंग, निकोलस किर्टन, रविंदरपाल सिंग, डिलन हेलिगर, कलीम सना, जुनैद सिद्दीकी आणि जेरेमी गॉर्डन.
पाकिस्तान प्लेइंग इलेव्हन: बाबर आझम (कर्णधार), मोहम्मद रिझवान (विकेटकीपर), सॅम अयुब, फखर जमान, उस्मान खान, शादाब खान, इमाद वसीम, शाहीन आफ्रिदी, नसीम शाह, हरिस रौफ आणि मोहम्मद अमीर.