टी 20 वर्ल्ड कप 2024 स्पर्धेतील 11 व्या सामन्यात पाकिस्तानने यूएसएला विजयासाठी 160 धावांचं आव्हान दिलं आहे. पाकिस्तानने 20 ओव्हरमध्ये 7 विकेट्स गमावून 159 धावा केल्या आहेत. पाकिस्तानकडून कॅप्टन बाबर आझम याने सर्वाधिक 44 धावा केल्या. तर शादाब खान याने 40 धावांचं योगदान दिलं. तर अखेरच्या क्षणी इफ्तिखार अहमद आणि शाहिन आफ्रिदी या दोघांनी छोटेखानी पण निर्णायक खेळी केली. यूएसएकडून नॉथुश केंजिगे याने सर्वाधिक 3 विकेट्स घेतल्या. तर मु्ंबईकर सौरभ नेत्रवाळकर याने दोघांना मैदानाबाहेरचा रस्ता दाखवला.
यूएसएने टॉस जिंकून पाकिस्तानला बॅटिंगसाठी भाग पाडलं. यूएसच्या गोलंदाजांनी पाकिस्तानला पावरप्लेमध्ये चांगलंच बांधून ठेवलं. यूएसएच्या गोलंदाजांनी पाकिस्तानला पहिल्या 6 ओव्हरमध्ये 30 धावांच्या मोबदल्यात 3 धक्के दिले. त्यानंतर
कॅप्टन बाबर आझम आणि शादाब खान या दोघांनी चौथ्या विकेटसाठी 50 बॉलमध्ये 72 धावांची भागीदारी करत डाव सावरण्याचा प्रयत्न केला. मात्र त्यानंतर यूएसएने पुन्हा सामन्यात कमबॅक करत पाकिस्तानच्या अडचणी वाढवल्या.
शादाब खान याने 25 बॉलमध्ये 1 चौकार आणि 3 सिक्सच्या मदतीने 40 धावांची निर्णायक खेळी केली. कॅप्टन बाबर आझम याने 43 बॉलमध्ये 3 फोर आणि 2 सिक्सच्या मदतीने 102.33 च्या स्ट्राईक रेटने 44 धावांची खेळी केली. इफ्तिखार अहमद याने 18 धावांचं योगदान दिलं. तर अखेरच्या आणि निर्णायक क्षणी शाहिन शाह अफ्रिदी याने 16 चेंडूत 2 षटकारांच्या मदतीने नॉट आऊट 23 रन्स केल्या. तर हरीस रौफ 3 धावांवर नाबाद परतला.
पाकिस्तानच्या एकूण दोघांना दुहेरी आकडा गाठता आला नाही. तर एक आला तसाच गेला. विकेटकीपर बॅट्समन मोहम्मद रिझवान याने सिक्ससह पाकिस्तान आणि स्वत:चं खातं उघडलं. मात्र रिझवान 9 धावा करुन आऊट झाला.तर उस्मान खान याने 3 धावा केल्या. आझम खान याला भोपळाही फोडता आला नाही. आझम गोल्डन डक ठरला. तर फखर झमान याने 11 रन्स केल्या. तर यूएसएकडून अली खान आणि जसदीप सिंग या दोघांनी 1-1 विकेट घेतली.
यूएसएच्या गोलंदाजांची उल्लेखनीय कामगिरी
Bowling Statistics for #TeamUSA after the innings:
N. Kenjige: 3/30 (4.0)
S. Netravalkar: 2/18 (4.0)
Ali Khan: 1/30 (4.0)
J. Singh: 1/37 (3.0)📸: ICC/Getty#T20WorldCup | #USAvPK pic.twitter.com/eOYPM1ujbX
— USA Cricket (@usacricket) June 6, 2024
पाकिस्तान प्लेइंग ईलेव्हन: बाबर आझम (कॅप्टन), मोहम्मद रिझवान (विकेटकीपर), उस्मान खान, फखर जमान, आझम खान, इफ्तिखार अहमद, शादाब खान, शाहीन आफ्रिदी, नसीम शाह, मोहम्मद अमीर आणि हरिस रौफ.
युनायटेड स्टेट्स प्लेइंग ईलेव्हन: मोनांक पटेल (कॅप्टन आणि विकेटकीपर), स्टीव्हन टेलर, अँड्रिज गॉस, ॲरॉन जोन्स, नितीश कुमार, कोरी अँडरसन, हरमीत सिंग, जसदीप सिंग, नॉथुश केंजिगे, सौरभ नेत्रवाळकर आणि अली खान.