टी-20 विश्वचषकात ‘या’ खेळाडूला संधी, आशिया चषकातील चुका टाळणार

भारतीय क्रिकेट संघ

Image Credit source: social

नवी दिल्ली : आशिया चषकातील (Asia Cup 2022) चूक पुन्हा T-20 विश्वचषकात (T20 world cup) होऊ नये, यासाठी भारतीय क्रिकेट संघ (Team India) खबरदारी घेताना दिसत आहे. यासाठी कोणत्या खेळाडूला संधी मिळणार, कोणत्या खेळाडूला गाळलं जाणार, याच्याही चर्चा सध्या रंगल्या आहेत. दरम्यान, जोपर्यंत बीसीसीआय (BCCI) अंतिम मोहर लावत नाही म्हणजे जोपर्यंत T20 विश्वचषकासाठी टीम इंडियाची घोषणा करत नाही, तोपर्यंत या सगळ्या गोष्टी जर-तरच्याच आहेत. दरम्यान, आशिया चषकात टीम इंडियाची निराशा झाल्यानं T20 विश्वचषकात टीम इंडिया कोणतीही कसर सोडणार नाही, असंच दिसतंय. भारतीय क्रिकेट संघानं आशिया चषकात काही खेळाडूंना संधी न देऊन मोठी चूक केली होती, ती चूक आता सुधारण्याची शक्यता व्यक्त केली जातेय.

16 सप्टेंबरला टीमची घोषणा?

16 सप्टेंबरला टी-20 विश्वचषकाची घोषणा होणार आहे. तर ही विश्वचषक 16 ऑक्टोबर ते 13 नोव्हेंबरदरम्यान ऑस्ट्रेलियात खेळवलं जाणार आहे. दरम्यान, या सगळ्यात आता टीम इंडियात कोणत्या खेळाडूंचा समावेश असणार याकडे सर्वाचं लक्ष लागून आहे.

ही चूक टाळली जाईल?

आशिया चषकातील एका चुकीबद्दल बोलायचं झाल्यास आशिया चषकासाठी निवडलेल्या संघात स्फोटक यष्टीरक्षक फलंदाज संजू सॅमसनला संधी न देऊन भारतीय संघानं मोठी चूक केली होती. संजू सॅमसन ज्या पद्धतीनं क्लीन सिक्स मारतो, तशी क्षमता फारच कमी टीम इंडियाच्या फलंदाजांमध्ये आहे. या वर्षी ऑक्टोबर-नोव्हेंबरमध्ये ऑस्ट्रेलियात टी-20 विश्वचषक खेळवला जाणार आहे आणि कर्णधार रोहित शर्मा आणि संघ व्यवस्थापन खेळाडूंची टीम अधिक चांगल्या पद्धतीनं तयार करण्याचा प्रयत्न करत आहेत. संजू सॅमसन मधल्या फळीत उतरतो आणि फलंदाजीत मोठे फटके मारतो संजू सॅमसन यष्टिरक्षणात माहिर आहे आणि बॅटने तो चांगलीच जादूही दाखवतो.

संजूला असं म्हटलं जातंय….

संजू सॅमसन टीम इंडियासाठी ट्रम्प कार्ड ठरू शकतो, असंही बोललं जातंय. संजू सॅमसन सुरुवातीला क्रीजवर राहून आपला डाव पुढे सरकवतो, नंतर धोकादायक फॉर्म घेतो आणि प्रतिस्पर्धी संघावर हल्ला करतो.

ऋषभ पंतचं काय?

भारताला यंदाचा टी-20 विश्वचषक जिंकायचा असेल तर ऋषभ पंतला वगळावं लागेल, असंही काही क्रीडा क्षेत्रातील तज्ज्ञ मंडळी मत व्यक्त करतायत. ऋषभ पंतबद्दल बोलायचं तर तो टी-20 फॉरमॅटमध्ये खेळण्यासाठी योग्य दिसत नाही. त्यामुळे टी-20 विश्वचषकात ऋषभ पंतला टीम इंडियातून वगळून संजू सॅमसनला संधी द्यावी लागणार आहे. ऋषभ पंतचा कसोटी आणि एकदिवसीय क्रिकेटमधील रेकॉर्ड उत्कृष्ट आहे. पण टी-20 क्रिकेटमध्ये तो संजू सॅमसनसारखा प्रभावी खेळाडू म्हणून दिसला नाही, त्यामुळे आता बीसीसीआय काय निर्णय घेणार, याकडे लक्ष लागून आहे.