World Cup 2023 ची फायनल ‘या’ दोन संघांमध्ये होणार, वीरूच्या भविष्यवाणीने खळबळ!
आयसीसीने 2023 वर्ल्ड कपचं वेळापत्रक जाहीर केलं आहे. भारतातील 12 शहरांमध्ये वर्ल्ड कपचे सामने खेळवले जातील. अशातच विरेंद्र सेहवागने (Virender sehwag) वर्ल्ड कप आधी मोठी भविष्यवाणी केली आहे.
मुंबई : आयसीसी वनडे मेन्स वर्ल्ड कप 2023 चा श्रीगणेशा 5 ऑक्टोबर पासून होणार आहे. यासोबतच क्रिकेट चाहत्यांच्या प्रतिक्षेला अखेर पूर्णविराम मिळाला. आयसीसीने 2023 वर्ल्ड कपचं वेळापत्रक जाहीर केलं आहे. भारतातील 10 शहरांमध्ये वर्ल्ड कपचे सामने खेळवले जातील. एकूण 46 दिवस चाहत्यांना सामन्यांचा आनंद घेता येणार आहे. यावेळी हे वर्ल्ड कप राउंड रॉबिन फॉरमॅटने खेळले जाणार आहे, म्हणजेच यावेळी 10 संघाचे 2 गट न करता प्रत्येक संघाचा प्रत्येक संघाशी सामना होणार आहे. अशातच विरेंद्र सेहवागने (Virender sehwag) वर्ल्ड कप आधी मोठी भविष्यवाणी केली आहे.
या वर्ल्ड कपमध्ये सर्वात जास्त रन विराट कोहली, रोहित शर्मा आणि डेविड वॉर्नर बनवू शकतात. एका कार्यक्रमात विरेंद्र सेहवाग बोलत होता, या कार्यक्रमात एका व्यक्तीने सेहवागला वर्ल्ड कप संदर्भात प्रश्न विचारला, विराट कोहली सचिन तेंडुलकरच्या वर्ल्डकप मधील सर्वाधिक शतकांचा रेकॉर्ड तोडू शकतो का? असा प्रश्न विचारण्यात आला. यावर उत्तर देताना सेहवाग म्हणाला, मला विराट कडून खूप आशा आहे, तो हा रेकॉर्ड तोडू शकतो, असं विरेंद्र सेहवागने भविष्यवाणीत म्हटलं आहे.
वर्ल्ड कप फायनलमध्ये भारत आणि ऑस्ट्रेलिया पोहचू शकतात. या दोन्ही टीममध्ये फायनल सामन होवू शकते. यासोबतच, श्रीलंकेचा जादूगार माझी फिरकीपटू मुरलीधरन यानेही अशीच भविष्यवाणी केली आहे. भारत आणि ऑस्ट्रेलिया संघाला वर्ल्ड कप जिंकण्याची संधी आहे.
टीम इंडियाने मागच्या दहा वर्षात आयसीसी चषक जिंकलेला नाही. 2013 मध्ये भारताने महेंद्रसिंह धोनी याच्या नेतृत्वात आयसीसी ट्रॉफी जिंकली होती. त्यानंतर भारत दोनदा वर्ल्डकपच्या सेमीफायनलमधये पोहोचला होता. 2015 मध्ये ऑस्ट्रेलियाने उपांत्य फेरीत हरवलं होतं. त्यानंत 2019 मध्ये न्यूझीलंडने पराभूत केलं होतं.