WPL 2024, RCB vs DC : रॉयल चॅलेंजर्स बंगळुरुने जिंकला नाणेफेकीचा कौल, अशी असेल दोन्ही संघांची प्लेइंग इलेव्हन
वुमन्स प्रीमियर लीग स्पर्धेत सातवा सामना दिल्ली कॅपिटल्स आणि रॉयल चॅलेजर्स बंगळुरु यांच्यात होत आहे. नाणेफेकीचा कौल रॉयल चॅलेंजर्स बंगळुरुच्या बाजूने लागला असून प्रथम गोलंदाजी स्वीकारली आहे. तसेच दोन्ही संघांनी प्लेइंग इलेव्हन अशी असणार आहे.
मुंबई : रॉयल चॅलेंजर्स बंगळुरु आणि दिल्ली कॅपिटल्स यांच्यात वुमन्स प्रीमियर लीगचा सातवा सामना होत आहे. दोन्ही संघांनी आतापर्यंत स्पर्धेत प्रत्येकी दोन सामने खेळले आहेत. रॉयल चॅलेंजर्स बंगळुरुने दोन्ही सामन्यात विजय मिळवला आहे. दिल्ली कॅपिटल्सने एका सामन्यात विजय, तर एका सामन्यात पराभवाचं तोंड पाहिलं आहे. त्यामुळे आजच्या सामन्यात कोण बाजी मारतं याकडे लक्ष लागून आहे. दरम्यान नाणेफेकीचा कौल जिंकत रॉयल चॅलेंजर्स बंगळुरु संघाने प्रथम गोलंदाजीचा निर्णय घेतला. रात्री उशिरा पडत असलेलं दव पाहता हा निर्णय घेतला आहे. कारण दुसऱ्या सत्रात गोलंदाजी करणं कठीण होतं. वुमन्स प्रीमियर लीग स्पर्धेत हे दोन्ही दोन वेळा आमनेसामने आले आहेत. दोन्ही सामन्यात दिल्ली कॅपिटल्सने रॉयल चॅलेंजर्स बंगळुरुला पराभवाचं पाणी पाजलं आहे. त्यामुळे बंगळुरु स्पर्धेतील विजयी घोडदौड कायम ठेवण्यासाठी, तर दिल्ली कॅपिटल्स स्पर्धेतील रेकॉर्ड कामय ठेवण्यासाठी मैदानात उतरतील.
स्मृती मंधाना म्हणाली की, ” आम्हाला प्रथम क्षेत्ररक्षण करायचे आहे. पहिल्या 5-6 षटकांमध्ये गोलंदाजांसाठी काहीतरी असते असा ट्रेंड आपण पाहिला आहे.तसेच ठराविक खेळाडूंवर अवलंबून राहू नये. सर्व इलेव्हन स्वत:च्या बळावर एक सामना जिंकण्यासाठी पुरेशी आहेत. पेरी आजारपणामुळे बाहेर असून नदीनला संघात स्थान मिळालं आहे.” दुसरीकडे दिल्ली कॅपिटल्सची कर्णधार मेग लॅनिंगनेही गोलंदाजी घेणार होतं असं सांगितलं आहे. “आम्ही गोलंदाजी घेणार होतो पण तोच ट्रेंड आहे असे दिसते. परंतु गेमद्वारे ट्रॅक फारसा बदलणार नाही. काहीवेळा गोष्टी तुमच्या मनाप्रमाणे होतात तर कधी टी20 क्रिकेटमध्ये तसे होत नाही. ॲनाबेल सदरलँडऐवजी संघात जेस जोनासेनला घेतलं आहे.”
दोन्ही संघांची प्लेइंग इलेव्हन
दिल्ली कॅपिटल्स महिला (प्लेइंग इलेव्हन): मेग लॅनिंग (कर्णधार), शफाली वर्मा, जेमिमाह रॉड्रिग्स, ॲलिस कॅप्सी, मारिझान कॅप, जेस जोनासेन, अरुंधती रेड्डी, मिन्नू मणी, तानिया भाटिया (विकेटकीपर), राधा यादव, शिखा पांडे.
रॉयल चॅलेंजर्स बंगळुरू महिला (प्लेइंग इलेव्हन): स्मृती मानधना (कर्णधार), सोफी डेव्हाईन, सभिनेनी मेघना, नदिन डी क्लर्क, रिचा घोष (विकेटकीपर), जॉर्जिया वेरेहम, सोफी मोलिनक्स, श्रेयंका पाटील, सिमरन बहादूर, आशा शोभना, रेणुका ठाकूर सिंग.