WTC Final 2023 | टीम इंडिया-ऑस्ट्रेलिया यांच्यात कोण वरचढ? पाहा Head To Head Record

लंडन | वर्ल्ड टेस्ट चॅम्पियनशीप 2023 महाअंतिम सामन्याला आता मोजून 24 तासांपेक्षा कमी अवधी शिल्लक राहिला आहे. या महामुकाबल्यात चांदीच्या गदेसाठी ऑस्ट्रेलिया विरुद्ध टीम इंडिया यांच्यात कडवी झुंज पाहायला मिळणार आहे. रोहित शर्मा टीम इंडियाचं तर पॅट कमिन्स ऑस्ट्रेलियाचं नेतृत्व करणार आहे. हा सामना 7 ते 11 जून दरम्यान लंडनमधील केनिंग्टन ओव्हलमध्ये खेळवण्यात येणार आहे. सामन्याला दुपारी 3 वाजून 30 मिनिटांनी सुरुवात होणार आहे. ऑस्ट्रेलिया आणि टीम इंडिया या दोन्ही संघांनी गेल्या 2 वर्षात दिग्गज संघांना पछाडत फायनलमध्ये धडक मारली. मात्र या दोन्ही संघांचे एकमेकांसमोरची कामगिरी कशी आहे, हे आपण हेड टु हेड रेकॉर्ड्सच्या माध्यमातून जाणून घेऊयात.

आकडे काय सांगतात? ind vs aus head to head test stats

टीम इंडिया विरुद्ध ऑस्ट्रेलिया यांच्यात आतापर्यंत एकूण 106 कसोटी सामने खेळवण्यात आले आहेत. ऑस्ट्रेलियाने या 106 सामन्यांपैकी 44 सामन्यांमध्ये विजय मिळवला आहे. तर टीम इंडियाने 32 सामन्यात कांगारुंचा धुव्वा उडवला आहे. दोन्ही संघांना 29 सामने ड्रॉ करण्यात यश आले आहे. तर 1 सामना हा टाय झालाय.

ऑस्ट्रेलियाने या 44 पैकी 30 सामने घरच्या मैदानात जिंकले आहेत. तर 14 सामने ऑस्ट्रेलियाबाहेर जिंकले आहेत. तर भारताने 23 देशात आणि 9 परदेशात सामने जिंकले आहेत. त्यामुळे आकडेवारीच्या हिशोबाने ऑस्ट्रेलिया भारतावर वरचढ आहे.

WTC Final साठी टीम इंडिया

रोहित शर्मा (कर्णधार), शुबमन गिल, विराट कोहली, चेतेश्वर पुजारा, अजिंक्य रहाणे, इशान किशन (विकेटकीपर), आर. अश्विन, रविंद्र जडेजा, अक्षर पटेल, केएस भरत, शार्दुल ठाकुर, मोहम्मद शमी, मोहम्मद सिराज, उमेश यादव आणि जयदेव उनाडकट.

राखीव खेळाडू | सूर्यकुमार यादव, यशस्वी जयस्वाल आणि मुकेश कुमार

WTC Final साठी टीम ऑस्ट्रेलिया

पॅट कमिन्स (कॅप्टन), स्टीव्ह स्मिथ, डेव्हिड वॉर्नर, स्कॉट बोलँड, ॲलेक्स कॅरी, कॅमेरॉन ग्रीन, मार्कस हॅरिस, जोश हेझलवूड, ट्रॅव्हिस हेड, जोश इंग्लिस, उस्मान ख्वाजा, मार्नस लॅबुशेन, नॅथन लायन , मिचेल मार्श, टॉड मर्फी, मिचेल स्टार्क आणि मॅथ्यू रेनशॉ.

राखीव खेळाडू | मिचल मार्श आणि मॅथ्यू रेनशॉ.