Team India : वन-डे आणि टी-20 मध्ये टीमचा हुकमी एक्का, कसोटीमध्ये 8 वर्षे नाही टीम इंडियाकडून डेब्यू, पाहा कोण?
भारतामध्ये एकापेक्षा एका क्रिकेटर पाहायला मिळता. आंतरराष्ट्रीय संघात जागा मिळवल्यावर ती जागा टिकून ठेवणं गरजेचं आहे. काही खेळाडू असे आहेत की ते क्रिकेटच्या एका कोणत्याही एका फॉरमॅटमध्ये मास्टर आहेत. असाच एक खेळाडू आहे, जो वनडे आणि टी-20 मध्ये मास्टर आहे. पण त्याला कसोटी क्रिकेटमध्ये अजुनही खेळण्याची संधी मिळालेली नाही.
टीम इंडियाचा असा खेळाडू आहे ज्याने आतापर्यंत वन डे आणि टी-20 क्रिकेट मध्ये भारताकडून पदार्पण केलं आहे. मात्र त्याला अजुन कसोटीमध्ये पदार्पण करण्यासाठी संधी मिळालेली नाही.
तो खेळाडू आता काऊंटी क्रिकेट खेळत असून तिथे चमकदार कामगिरी करताना दिसत आहे. या कामगिरीच्या जोरावर टीम इंडियामध्ये त्याला कमबॅक करण्याची तो संधी शोधत आहे.
हा खेळाडू दुसरा तिसरा कोणी नसून स्पिनर युजवेंद्र चहल आहे. चहल आता नॉर्थम्प्टनशायर या संघाकडून खेळत आहे. डर्बीशायरविरूद्ध चहलने 45 धावा केल्या आणि 5 विकेट्स आपल्या नावावर केल्या.
टीम इंडिया आणि बांगलादेशमध्ये दोन कसोटी सामन्यांची मालिका होणार आहे. या मालिकेमधील पहिल्या कसोटीसाठी टीम इंडियाची घोषणा झाली आहे. मात्र अजुनही चहलसाठी कसोटीची दारे काही उघडली नाहीयेत.
दरम्यान, टीम इंडियाचा आणखी एक खेळाडू म्हणजे पृथ्वी शॉ हा काऊंटी क्रिकेट खेळत आहे. मात्र त्याला तिथेही काही यश येताना दिसत नाहीये.