भारताचं प्रेम पाहून इंग्लंडचा खेळाडू हरखून गेला, म्हणतो, ‘भारत असा देश….’
इंग्लंडचा धडाकेबाज खेळाडू जॉस बटलरने (Jos Buttler) भारताविषयी, इथल्या लोकांविषयी एक खास पोस्ट लिहून त्यांचे आभार मानले आहेत. तसंच सद्यस्थितीतून भारत लवकर पूर्वपदावर यावा, अशी अपेक्षा व्यक्त केली आहे. (England Player Jos Buttler Tweet Over India After IPL 2021 Postponed)
मुंबई : भारतात कोरोना व्हायरसचा प्रकोप सुरु आहे. गेले कित्येक दिवस दरदिवशी 3 ते 4 लाख कोरोनाबाधित रुग्ण मिळत आहेत. कोरोनाने क्रिकेटच्या मैदानातही एन्ट्री घेतल्याने आयपीएलचं 14 वं पर्व (IPL 2021) स्थगित करण्यात आलं. पर्व जरी स्थगित करण्यात आलेलं असलं तरी खेळाडू प्रेक्षकांना आयपीएलची वारंवार आठवण येत आहे. इंग्लंडचा धडाकेबाज खेळाडू जॉस बटलरने (Jos Buttler) भारताविषयी, इथल्या लोकांविषयी एक खास पोस्ट लिहून त्यांचे आभार मानले आहेत. तसंच सद्यस्थितीतून भारत लवकर पूर्वपदावर यावा, अशी अपेक्षा व्यक्त केली आहे. (England Player Jos Buttler Tweet Over India After IPL 2021 Postponed)
जॉस बटलरसाठी आयपीएलचं 14 वं पर्व खास
राजस्थान रॉयल्सकडून खेळणाऱ्या जॉस बटलरसाठी आयपीएलचं 14 वं पर्व खूप खास राहिलं. त्याने आपल्या कुटुंबासह आयपीएलचे दिवस खूप इन्जॉय केले. जॉसच्या लेकीचा वाढदिवसही राजस्थानच्या सर्व संघ सहकाऱ्यांनी मोठ्या दिमाखात साजरा केला. या सगळ्या आठवणीने जॉस भावूक झाला. म्हणूनच लेकीच्या वाढदिवसाचे सुंदर फोटो शेअर करत भारत देश खूप खास असल्याचं जॉस म्हणाला.
जॉस बटलरने केलेल्या ट्विटमध्ये काय म्हटलंय…?
आयपीएलचं 14 वं पर्व स्थगित झाल्यानंतर जॉस बटलरने एक ट्विट केलंय. या ट्विटमध्ये त्याने भारताविषयी आपल्या मनातील भावना व्यक्त केल्या आहेत. “भारत हा खूप खास देश जो सध्या कठीण परिस्थितीतून जातोय. माझं आणि माझ्या कुटुंबाचं स्वागत करण्यासाठी मी तुमचा आभारी आहे, जसं स्वागत तुम्ही नेहमी करता. सुरक्षित रहा, आपली काळजी घ्या”, असं आपल्या ट्विटमध्ये जॉस बटलरने म्हटलंय.
India is a special country going through a very difficult time. Thank you for welcoming me and my family like you always do. Please stay safe and look after yourselves ?? pic.twitter.com/DnNdFKkuO2
— Jos Buttler (@josbuttler) May 5, 2021
हैदराबादविरुद्ध जॉस बटलरचं धडाकेबाज शतक
राजस्थान रॉयल्सकडून खेळणाऱ्या जॉस बटलरसाठी आयपीएलचं 14 वं पर्व खूप खास राहिलं. त्याने हैदराबादविरुद्ध खेळताना धडाकेबाज शतक ठोकलं. या हंगामातील त्याचं हे पहिलंच शतक ठरलं. राजस्थासाठी या हंगामात तो ओपनिंग करत होता तसंच त्याची बॅटही चांगली बोलत होती. पण दुर्दैवाने 14 वा हंगाम स्थगित झाला.
(England Player Jos Buttler Tweet Over India After IPL 2021 Postponed)
हे ही वाचा :
‘ओ हसीना बडी सुंदर सुंदर’, बायकोच्या वाढदिवशी जसप्रीतकडून रोमँटिक फोटो शेअर करत खास मेसेज!
IPL 2021 | ‘We Are Famly’, खेळाडू घरी पोहचत नाहीत तोवर आम्ही दिल्लीतच, मुंबई इंडियन्सनचा निर्धार