India vs England 2021, 1st odi | गब्बरचं शतक हुकलं, शिखर धवन नर्व्हस नाईंटीचा शिकार
इंग्लंड विरुद्धच्या पहिल्या एकदिवसीय (india vs england 1st odi) सामन्यात शिखर धवनचे (shikhar dhawan) अवघ्या 2 धावांनी शतक हुकले.
पुणे : टीम इंडिया विरुद्ध इंग्लंड यांच्यात पुण्यात पहिला (India vs England 2021 1st odi) एकदिवसीय सामना खेळवण्यात येतोय. भारताचा सलामीवीर गब्बर शिखर धवन नर्व्हस नाईंटीचा शिकार झाला आहे. शिखर धवनचे अवघ्या 2 धावांनी शतक हुकलं आहे. धवन 98 धावांवर कॅच आऊट झाला. (india vs england 1st odi shikhar dhawan missed his hundred by 2 runs)
9⃣8⃣ runs
1⃣0⃣6⃣ balls
1⃣1⃣ fours
2⃣ sixes@SDhawan25 narrowly misses out on a fine hundred but he has played a fine knock in the @Paytm #INDvENG ODI series opener. ??#TeamIndiaFollow the match ? https://t.co/MiuL1livUt pic.twitter.com/FnLYxbkw0H
— BCCI (@BCCI) March 23, 2021
शिखरने 90 धावांचा टप्पा पार केला. त्यानंतर तो संथपणे खेळत होता. शिखर एक एक धाव काढत होता. त्याला धावांसाठी झगडावं लागत होतं. त्यामुळे शिखरवर दबाव निर्माण झाला होता.
बेन स्टोक्स सामन्यातील 39 वी ओव्हर टाकायला आला. शिखर 98 धावांवर खेळत होता. धवनला अवघ्या 2 धावांची गरज होती. लवकरात लवकर शतक लावायचं होतं. मात्र स्टोक्सच्या पहिल्याच चेंडूवर शिखरने कर्णधार इयोन मॉर्गनच्या दिशेने फटका मारला. मॉर्गनने कोणतीही चूक न करता कॅच घेतला. अशाप्रकारे धवन आऊट झाला. धवनने 106 चेंडूत 11 चौकार आणि 2 षटकारासंह 98 धावांची खेळी केली.
59 धावांवर जीवनदान
शिखरला अर्धशतकानंतर 59 धावांवर खेळताना जीवनदान मिळालं. आदिल रशीद सामन्यातील 28 वी ओव्हर टाकत होता. या ओव्हरमधील तिसऱ्या चेंडूवर धवनने डीप मीड विकेटच्या दिशेने फटका मारला. तिथे मोईन अली होता. धवन आऊट झालाच होता. पण मोईन अलीने सोपा कॅच सोडला. अशाप्रकारे शिखरला जीवनदान मिळाले. या जीवनदानाचं शिखरने पुरेपुर फायदा घेतला. मात्र शतक झळकावण्यात अपयशी ठरला.
विराटसोबत शतकी भागीदारी
शिखरने कर्णधार विराट कोहलीसोबत दुसऱ्या विकेटसाठी 105 धावांची शतकी भागीदारी केली. या भागीदारीदरम्यान दोघांनी शानदार फलंदाजी केली. दोघांनी इंग्लंडच्या गोलंदाजांचा चांगलाच समाचार घेतला. या दरम्यान दोघांनी वैयक्तिक अर्धशतक पूर्ण केलं.
प्रसिद्ध कृष्णा आणि कृणाल पांड्याचे पदार्पण
इंग्लंड विरुद्धच्या या पहिल्या एकदिवसीय सामन्यातून अष्टपैलू खेळाडू कृणाल पांड्या आणि प्रसिद्ध कृष्णा यांनी पदार्पण केलं आहे. कृणाल आणि प्रसिद्ध टीम इंडियाकडून एकदिवसीय पदार्पण करणारे 233 आणि 234 वे खेळाडू ठरले आहेत.
टीम इंडियाचे 11 शिलेदार
विराट कोहली (कर्णधार), रोहित शर्मा, शिखर धवन, केएल राहुल, श्रेयस अय्यर, हार्दिर पांड्या, कृणाल पांड्या, शार्दुल ठाकूर, भुवनेश्वर कुमार, कुलदीप यादव आणि प्रसिद्ध कृष्णा.
इंग्लंडची टीम
इयॉन मॉर्गन (कर्णधार), जेसन रॉय, जॉनी बेयरस्टो, बेन स्टोक्स, जॉस बटलर, सॅम बिलिंग्स, मोईन अली, सॅम करन, टॉम करन, आदिल रशीद आणि मार्क वुड.
संबंधित बातम्या :
PHOTO | इंग्लंड विरुद्ध वनडे क्रिकेटमध्ये सर्वाधिक धावा करणारे टीम इंडियाचे टॉप 5 फलंदाज
Ind Vs Eng : पुण्यात पहिला एकदिवसीय सामना, हे 4 धुरंधर टीम इंडियाची बाजी पलटवू शकतात!
(india vs england 1st odi shikhar dhawan missed his hundred by 2 runs)