India vs England 2021, 2nd T20 | विराटचा दणका, इशानचा झंझावात, इंग्लंडवर 7 विकेट्सने मात, मालिकेत 1-1 ने बरोबरी

कर्णधार विराट कोहलीने सिक्स खेचत टीम इंडियाला विजय मिळवून दिला आहे. यासह टीम इंडियाने 5 सामन्यांच्या मालिकेत 1-1 ने बरोबरी केली आहे. इंग्लंडने टीम इंडियाला विजयासाठी 165 धावांचे आव्हान दिले होते. हे विजयी आव्हान टीम इंडियाने 3 विकेट्सच्या मोबदल्यात पूर्ण केलं. विराटने नाबाद  73 तर पदार्पणवीर इशान किशनने 56 धावांची खेळी केली.

कर्णधार विराट कोहलीने सिक्स खेचत 35 चेंडूत अर्धशतक पूर्ण केलं आहे. विराटच्या टी 20 कारकिर्दीतील 26 वं अर्धशतक ठरलं आहे. दरम्यान टीम इंडिया मजबूत स्थितीत आहे.

टीम इंडियाला तिसरा धक्का बसला आहे. रिषभ पंत आऊट झाला आहे. पंतने 13 चेंडूत प्रत्येकी 2 चौकार आणि षटकारांसह 26 धावांची खेळी केली.

पंतने ख्रिस जॉर्डनच्या बोलिंगवर भन्नाट सिक्स मारला आहे. यासह पंत 26 धावांवर पोहचला आहे.

रिषभ पंतने सामन्यातील 12 व्या ओव्हरमधील दुसऱ्या चेंडूवर आदिल राशिदच्या बोलिंगवर 90 मीटर लांब षटकार मारला आहे.

टीम इंडियाने दुसरी विकेट गमावली आहे.  सलामीवीर इशान किशन आऊट झाला आहे. इशानने 32 चेंडूत 5 चौकार आणि 4 षटकारांसह 56 धावांची खेळी केली.

इशान किशनने सलग 2 चेंडूत सिक्सर खेचत पदार्पणातील सामन्यात अर्धशतक झळकावलं आहे. आदिल राशिद सामन्यातील 10 वी ओव्हर टाकायला आला. या ओव्हरमधील पहिल्या 2 चेंडूवर सिक्स खेचत इशानने अर्धशतक झळकावलं. इशानने 28 चेंडूत 5 फोर आणि 4 सिक्सच्या मदतीने पहिलंवहिलं अर्धशतक पूर्ण केलं.

विराटनंतर इशान किशनला 41 धावांवर जीवनदान मिळालं आहे. सामन्यातील 8 वी ओव्हर आदिल रशीद टाकत होता. या ओव्हरमधील चौथ्या चेंडूवर इशानने फटका लगावला. इशानने मारलेला फटका थेट बेन स्टोक्सच्या हातात जाऊन बसला. पण स्टोक्सला झेल नीट टिपता आला नाही. त्यामुळे चेंडू हातातून सटकला. यासह इशानला जीवनदान मिळालं.

इशान किशनने सातव्या ओव्हरमधील पाचव्या चेंडूवर शानदार सिक्स चोपला.

सामन्यातील 7 व्या ओव्हरमधील दुसरा चेंडू बेन स्टोक्सने नो बॉल टाकला. त्यामुळे फ्री हीट मिळाला. या फ्री हीटचा कर्णधार विराटने चांगला फायदा घेतला. विराटने या फ्री हीटवर सिक्स खेचला.

इशान किशन आणि विराट कोहलीने पावर प्लेच्या पहिल्या 6 ओव्हरमध्ये अर्धशतकी भागीदारी केली आहे. टीम इंडियाने पहिली विकेट शून्यावर गमावली. मात्र त्यानंतर इशानने विराटसह फटकेबाजी करत टीम इंडियाला चांगल्या स्थितीत आणून ठेवले.

इशान किशनने सामन्यातील सहाव्या ओव्हरमधील पहिल्या चेंडूवर अफलातून सिक्स खेचला आहे. इशानने टॉम करनच्या बोलिंगवर सिक्स मारला. यासह इशान 18 धावांवर पोहचला.

कर्णधार विराट कोहलीला जीवनदान मिळालं आहे. पाचव्या ओव्हरच्या पहिल्या चेंडूवर ख्रिस जॉर्डनच्या गोलंदाजीवर  विराटला  जीवनदान मिळालं.  विकेटकीपर जोस बटलरने विराट 10 धावांवर खेळत असताना कॅच सोडला.

इशानने आपल्या टी 20 कारकिर्दीतील पहिली धाव चौकार लगावत मिळवली आहे.  इशानने जोफ्रा आर्चरच्या बोलिंगवर चौकार लगावला.

टीम इंडियाची वाईट सुरुवात झाली आहे. भारताने शून्यावर पहिली विकेट गमावली आहे. सलामीवीर केएल राहुल भोपळा न फोडता माघारी परतला आहे. केएल बाद झाल्यानंतर कर्णधार विराट कोहली मैदानात आला आहे.

टीम इंडियाच्या बॅटिंगला सुरुवात झाली आहे. इशान किशन आणि के एल राहुल सलामी जोडी मैदानात खेळत आहेत. इंग्लंडने टीम इंडियाला विजयासाठी 165 धावांचे आव्हान दिले आहे.

इंग्लंडने टीम इंडियाला विजयासाठी 165 धावांचे आव्हान दिले आहे. इंग्लंडने निर्धारित 20 ओव्हरमध्ये 6 विकेट्स गमावून 164 धावा केल्या. इंग्लंडकडून सलामीवीर जेसन रॉयने सर्वाधिक 46 धावा केल्या. तर कर्णधार इयॉन मॉर्गनने 28 धावा केल्या. टीम इंडियाकडून वॉशिंग्टन सुंदर आणि शार्दुल ठाकूरने प्रत्येकी 2 विकेट्स घेतल्या. तर भुवनेश्वर कुमार आणि युझवेंद्र चहलने प्रत्येकी 1 विकेट मिळवली.

शार्दुल ठाकूरने  इंग्लंडला पाचवा धक्का दिला आहे. शार्दुलने  कर्णधार इयॉन मॉर्गनला आऊट केलं आहे. मॉर्गनने 28 धावा केल्या.

इंग्लंडला चौथा धक्का बसला आहे. वॉशिंग्टन सुंदरने जॉनी बेयरस्टोला सूर्यकुमारच्या हाती कॅच आऊट केलं. जॉनीने 20 धावा केल्या.

इंग्लंडने 100 धावांचा टप्पा ओलांडला आहे.

भुवनेश्वर कुमारने इंग्लंडला तिसरा धक्का दिला आहे. भुवनेश्वरने सलामीवीर जेसन रॉयला 46 धावांवर वॉशिंग्टन सुंदरच्या हाती कॅच आऊट केलं आहे.

इंग्लंडला दुसरा धक्का बसला आहे.  डेव्हीड मलान आऊट झाला आहे. फिरकीपटू युजवेंद्र चहलने मलानला आऊट केलं आहे. मलानने 24 धावांची खेळी केली.

इंग्लंडने पावर प्लेच्या पहिल्या 6 ओव्हरमध्ये 1 विकेट गमावून  44 धावा केल्या आहेत. दरम्यान मैदानात जेसन रॉय आणि डेव्हिड मलान खेळत आहेत.

जेसन रॉयने सामन्यातील दुसऱ्या ओव्हरमधील पहिल्या चेंडूवर वॉशिंग्टन सुंदरच्या बोलिंगवर जोरदार सिक्स खेचला.

इंग्लंडला पहिला धक्का बसला आहे. भुवनेश्वर कुमारने जोस बटलरला शून्यावर एलबीडबल्यू आऊट केलं आहे.

इयन मॉर्गन (कॅप्टन), जेसन रॉय, जोस बटलर, डेव्हीड मलान, जॉनी बेयरस्टो, बेन स्टोक्स, सॅम करन, टॉम करन, जोफ्रा आर्चर, ख्रिस जॉर्डन आणि आदिल राशिद

विराट कोहली (कर्णधार), इशान किशन, केएल राहुल, रिषभ पंत(यष्टीरक्षक), श्रेयस अय्यर, सूर्यकुमार यादव हार्दिक पांड्या, वॉशिंग्टन सुंदर, शार्दुल ठाकूर , भुवनेश्वर कुमार, आणि युझवेंद्र चहल.

दुसऱ्या सामन्यासाठी टीम इंडियामध्ये 2 बदल करण्यात आले आहेत.  शिखर धवनच्या जागी युवा इशान किशनला संधी देण्यात आली आहे. तर अक्षर पटेलऐवजी सूर्यकुमार यादवला संधी मिळाली आहे. या निमित्ताने इशान आणि सूर्यकुमार यादवचे टी 20 पदार्पण झाले आहे.

टीम इंडियाने टॉस जिंकून फिल्डिंग करण्याचा निर्णय घेतला आहे. त्यामुळे इंग्लंड प्रथम बॅटिंग करणार आहे. तर विराटसेना विजयी धावांचं पाठलाग करेल.

सामन्यात टॉस महत्वाची भूमिका बजावणार आहे. त्यामुळे टॉसचा किंग कोण ठरणार, याकडे सर्वांचेच लक्ष असेल.

आतापर्यंत उभय संघात एकूण 15 टी 20 सामने खेळवण्यात आले आहेत. यापैकी 8 सामन्यात इंग्लंडने टीम इंडियाला पराभूत केलं आहे. तर 7 सामन्यात भारताने इंग्लंडवर विजय मिळवला आहे.

इंग्लंड विरुद्धच्या दुसऱ्या टी 20 सामन्यात टीम इंडियामध्ये बदल होण्याची शक्यता आहे. पहिल्या सामन्यात टीम इंडियाच्या टॉप ऑर्डरच्या फलंदाजांनी निराशाजनक कामगिरी केली होती. त्यामुळे संघात बदल अपेक्षित आहेत. त्यामुळे कोणाला संधी मिळणार आणि कोणाला डच्चू हे थोड्याच वेळात स्पष्ट होईल.