PHOTO | शानदार जबरदस्त ! किशनची ‘इशान’दार खेळी, केला सचिन-धोनीसारख्या दिग्गजांना न जमलेला कारनामा
इशान किशनने (Ishan Kishan) इंग्लंड विरुद्धच्या दुसऱ्या टी 20 सामन्यातून पदार्पण केलं. त्याने या सामन्यात 32 चेंडूत 5 चौकार आणि 4 षटकारांसह 56 धावांची खेळी केली. यासाठी त्याला मॅन ऑफ द मॅच (Man Of The Match) पुरस्काराने गौरवण्यात आले.
टीम इंडियाने इंग्लंडवर दुसऱ्या टी 20 मध्ये 7 विकेट्सने विजय मिळवला. यासह मालिकेत 1-1 ने बरोबरी केली. कर्णधार विराट कोहली आणि पदार्पणवीर इशान किशन या सामन्याच्या विजयाचे हिरो ठरले.
इशानने आपल्या पदार्पणात शानदार कामगिरी केली. त्याने अवघ्या 32 चेंडूत 5 चौकार आणि 4 षटकारांसह 56 धावांची खेळी केली. या अफलातून कामगिरीसाठी त्याला मॅन ऑफ द मॅच पुरस्काराने गौरवण्यात आले. इशान पदार्पणात सामनावीर ठरणारा चौथा भारतीय ठरला.
इशानसाठी हा पुरस्कार महत्वाचा ठरला. कारण इशानसारखी कामगिरी सचिन तेंडुलकर आणि महेंद्रसिंह धोनीलाही आपल्या पदार्पणात करता आली नव्हती.
इशानच्या आधी 3 भारतीयांना पदार्पणात मॅन ऑफ द मॅच पुरस्कार मिळाला आहे. वेगवाग गोलंदाज मोहित शर्माने 2013 मध्ये झिंबाब्वे विरुद्ध एकदिवसीय पदार्पण केलं. या सामन्यात त्याने 10 षटकात 2.60 च्या इकॉनॉमी रेटने 26 धावा देत 2 विकेट्स पटकावल्या होत्या.
पृथ्वी शॉने 2018 मध्ये वेस्टइंडिज विरुद्ध टेस्ट डेब्यू केलं होतं. त्याने या सामन्यात 154 चेंडूत 134 धावांची शतकी खेळी साकारली होती. त्यामुळे पृथ्वीला सामनावीर पुरस्कार देण्यात आला होता.
फास्टर बोलर नवदीप सैनीने 2019 मध्ये वेस्टइंडिज विरुद्ध टी 20 डेब्यू केलं. टी 20 कारकिर्दीतील पहिल्या सामन्यात त्याने 4 ओव्हर गोलंदाजी केली. यात त्याने 17 धावांच्या मोबदल्यात 3 फलंदाजांना माघारी धाडलं होतं. त्याच्या या कामगिरीसाठी सामनावीर पुरस्काराने सन्मानित करण्यात आले होते.