KKR vs CSK, IPL 2021 Match 15 Result | पॅट कमिन्स आणि आंद्रे रसेलची झुंजार खेळी, चेन्नईचा 18 धावांनी विजय

रंगतदार झालेल्या सामन्यात चेन्नईने बाजी मारली आहे. चेन्नईने कोलकातावर 18 धावांनी विजय मिळवला आहे. चेन्नईने कोलकाताला विजयासाठी 221 धावांचे आव्हान दिले होते. मात्र कोलकाताला सर्वबाद 202 धावाच करता आल्या. या विजयासह चेन्नईचा हा सलग तिसरा विजय ठरला. तसेच चेन्नईने पॉइंट्स टेबलमध्ये पहिल्या क्रमांकावर झेप घेतली आहे.

कोलकाताला विजयासाठी 6 चेंडूत 20 धावांची आवश्यकता आहे. तर चेन्नईला विजयासाठी 1 विकेट्स हवी आहे.

कोलकाताला नववा झटका बसला आहे.  वरुण चक्रवर्ती रन आऊट झाला आहे.

कोलकाताला विजयासाठी 2 ओव्हरमध्ये 28 धावांची आवश्यकता आहे.  सामना रंगतदार स्थितीत पोहचला आहे.

शार्दुल ठाकूरने 18 व्या ओव्हरमध्ये सलग 3 वाईड बोल टाकले आहेत.

पॅट कमिन्सने 23 चेंडूत अफलातून अर्धशतक पूर्ण केलं आहे.

कोलकाताला आठवा झटका बसला आहे.  कमलेश नागरकोटी आऊट झाला आहे.

कोलकाताला विजयासाठी 24 चेंडूत 45 धावांची आवश्यकता आहे. कोलकाताने 16 ओव्हरनंतर 7 विकेट्स गमावून 176 धावा केल्या आहेत.

पॅट कमिन्सने सामन्यातील 16 व्या ओव्हरमध्ये सॅम करनच्या गोलंदाजीवर 30 धावा चोपल्या आहेत. पॅटने यामध्ये 4 सिक्स आणि 1 फोर लगावला.

पॅट कमिन्सने 16 व्या ओव्हरमध्ये सॅम करनच्या गोलंदाजीवर सलग 3 चेंडूत 3 सिक्स लगावले आहेत.

कोलकाताला सातवा झटका बसला आहे.  दिनेश कार्तिक एलबीडबल्यू आऊट झाला आहे. कार्तिकने 40 धावांची खेळी केली.

पॅट कमिन्सने 15 व्या ओव्हरमध्ये ड्वेन ब्राव्होच्या गोलंदाजीवर शानदार सिक्स लगावला आहे.

कोलकाताला सहावा धक्का बसला आहे. आंद्रे रसेल आऊट झाला आहे. रसेलने 22 चेंडूत 3 फोर आणि 6 सिक्ससह 54 धावांची खेळी केली.

आंद्रे रसेलने सिक्स खेचत 21 चेंडूत धमाकेदार अर्धशतक पूर्ण केलं आहे. यामध्ये रसेलने 3 चौकार आणि 6 सिक्स लगावले.

कोलकाताने 10 व्या ओव्हरमध्ये 3 सिक्स आणि 1 फोरसह 24 धावा कुटल्या. आंद्र रसेल आणि दिनेश कार्तिक जोरदार फटकेबाजी करत आहेत.

कोलकाताने 9 ओव्हरनंतर 5 विकेट्स गमावून 73 धावा केल्या आहेत. दिनेश कार्तिक 17 तर आंद्रे रसेल 25 धावांवर नाबाद खेळत आहे. कोलकाताला विजयासाठी 66 चेंडूत 148 धावांची आवश्यकता आहे.

कोलकाताने पावर प्लेच्या पहिल्या 6 ओव्हरनंतर 5 विकेट्स गमावून 45 धावा केल्या आहेत.

कोलकाताने पाचवी विकेट गमावली आहे. राहुल त्रिपाठी 8 धावा करुन आऊट झाला आहे.

कोलकाताने चौथी विकेट गमावली आहे. सुनील नारायण 4 धावा करुन माघारी परतला आहे. कोलकाताने 5 व्या ओव्हरमध्ये 2 विकेट्स गमावले आधी. दीपक चाहरने आधी कर्णधार इयोन मॉर्गन आणि त्यानंतर सुनील नारायणला आऊट केलं.

कोलकाताला तिसरा धक्का बसला आहे. कर्णधार इयोन मॉर्गन 7 धावा करुन तंबूत परतला आहे.

कोलकाताने दुसरी विकेट गमावली आहे. नितीश राणा आऊट झाला आहे.  नितीशने 9 धावा केल्या.

चेन्नईची शानदार सुरुवात झाली आहे. दीपक चाहरने सामन्यातील पहिल्या ओव्हरमध्येच कोलकाताला पहिला धक्का दिला आहे. शुबमन गिल कॅच आऊट झाला आहे. गिलला भोपळाही फोडता आला नाही.

कोलकाताच्या बॅटिंगला सुरुवात झाली आहे.  शुबमन गिल-नितीश राणा सलामी जोडी मैदानात खेळत आहे. कोलकाताला  विजयासाठी 221 धावांची आवश्यकता आहे.

चेन्नईने कोलकाताला विजयासाठी 221 धावांचे मजबूत आव्हान दिले आहे. चेन्नईने निर्धारित 20 ओव्हरमध्ये 3 विकेट्स गमावून 220 धावा के्लया. चेन्नईकडून फॅफ डु प्लेसीसने सर्वाधिक नाबाद 95 धावांची खेळी केली. तर ऋतुराज गायकवाडने 64 धावांची खेळी केली.

चेन्नईला तिसरा धक्का बसला आहे.  महेंद्रसिंह धोनी आऊट झाला आहे. धोनीने 17 धावांची खेळी केली.

चेन्नईच्या 200 धावा पूर्ण झाल्या आहेत. फॅफ ड्यु प्लेसिसने एक धावा घेतली. यासह चेन्नईने 200 धावांचा टप्पा पूर्ण केला आहे.

फॅफ डु प्लेसीसने आंद्रे रसेलच्या गोलंदाजीवर सामन्यातील 19 व्या ओव्हरमध्ये सलग 3 चौकार लगावले आहेत.

महेंद्रसिंह धोनीने सामन्यातील 18 व्या ओव्हरच्या शेवटच्या चेंडूवर प्रसिद्ध कृष्णाच्या गोलंदाजीवर सिक्स खेचला आहे. यासह चेन्नईचा स्कोअर 186 वर पोहचला आहे.

चेन्नईने 17 ओव्हरनंतर 2 विकेट्स गमावून 172 धावा केल्या आहेत. कर्णधार महेंद्रसिंह धोनी आणि फॅफ डु प्लेसिस मैदानात खेळत आहेत.

चेन्नईला दुसरा धक्का बसला आहे. मोईन अली आऊट स्टंपिंग आऊट झाला आहे. मोईन अलीने 25 धावा केल्या.

चेन्नईने 15 ओव्हरनंतर 1 विकेट्स गमावून 144 धावा केल्या आहेत. फॅफ डु प्लेसीस आणि मोईन अली मैदानात खेळत आहेत.

फॅफ डु प्लेसिसने अर्धशतक लगावलं आहे. फॅफने 35 चेंडूत अर्धशतक पूर्ण केलं.

चेन्नईला पहिला धक्का बसला आहे. शानदार खेळीनंतर ऋतुराज गायकवाड आऊट झाला आहे. गायकवाडने 42 चेंडूत 6 फोर आणि 4 सिक्ससह 64 धावांची खेळी केली.

ऋतुराज गायकवाड आणि फॅफ डु प्लेसिस या सलामी जोडीने शतकी भागीदारी केली आहे. चेन्नई मजबूत स्थितीत आहे.

ऋतुराज गायकवाडने शानदार अर्धशतक झळकावलं आहे. ऋतुराजने 33 चेंडूत अर्धशतक लगावलं.

चेन्नईच्या 10 ओव्हरनंतर बिनबाद 82 धावा झाल्या आहेत. फॅफ डु प्लेसीस आणि ऋतुराज गायकवाड सलामी जोडी मैदानात खेळत आहेत. चेन्नई मजबूत स्थितीत आहे.

ऋतुराज गायकवाडने 8 व्या ओव्हरच्या पहिल्या चेंडूवर आंद्रे रसेलच्या गोलंदाजीवर सिक्स  लगावला आहे.

चेन्नईने पावर प्लेच्या पहिल्या 6 ओव्हरमध्ये बिनबाद 54 धावा केल्या आहेत. फॅफ डु प्लेसिस 30 तर ऋतुराज गायकवाड 23 धावांवर नाबाद खेळत आहेत.

फॅफ डु प्लेसीसने चौथ्या ओव्हरच्या पाचव्या चेंडूवर वरुण चक्रवर्थीच्या गोलंदाजीवर 80 मीटर लांब सिक्स लगावला.

चेन्नईने दुसऱ्या ओव्हरमध्ये 15 धावा केल्या आहेत. या ओव्हरमध्ये चेन्नईने 2 फोर आणि 1 सिक्स लगावला आहे. फॅफ डु प्लेसीसने 1 चौकार तर ऋतुराज गायकवाडने 1 सिक्स आणि 1 फोर लगावला.

कोलकातामध्ये बदल करण्यात आले आहेत. पहिल्या 3 सामान्यात अपयशी ठरलेल्या हरभजन सिंहच्या जागी युवा वेगवान गोलंदाज कमलेशन नागरकोटीला संधी देण्यात आली आहे. तसेच सुनील नारायणचेही संघात पुनरागमन झाले आहे.

तसेच चेन्नईमध्ये 1 बदल करण्यात आला आहे. अष्टपैलू खेळाडू डवेन ब्राव्होऐवजी लुंगी एन्गिडीलाचा समावेश करण्यात आला आहे.

एमएस धोनी (कर्णधार आणि विकेटकीपर), फॅफ डु प्लेसीस, ऋतुराज गायकवाड, सुरेश रैना, अंबाती रायुडू, मोईन अली, सॅम करन, रवींद्र जाडेजा, शार्दुल ठाकूर, दीपक चाहर आणि लुंगी एनगिडी.

इयॉन मॉर्गन (कर्णधार), शुबमन गिल, राहुल त्रिपाठी, नितीश राणा, दिनेश कार्तिक, आंद्रे रसल, सुनील नरेन, कमलेश नागरकोटी, पॅट कमिन्स, वरुण चक्रवर्ती आणि प्रसिद्ध कृष्णा.

कोलकाताने टॉस जिंकला आहे. नाणेफेक जिंकून कर्णधार इयोन मॉर्गनने चेन्नईला फलंदाजीसाठी भाग पाडले आहे.

अवघ्या काही मिनिटांमध्ये टॉस उडवण्यात येणार आहे. यामुळे टॉस कोण जिंकणार याकडे सर्वांचेच लक्ष असणार आहे.

आयपीएलच्या 14 व्या मोसमातील 15 वा सामना कोलकाता विरुद्ध चेन्नई सुपर किंग्स यांच्यात खेळवण्यात येणार आहे. या सामन्याला अवघ्या काही मिनिटांमध्ये मुंबईतील वानखेडे स्टेडियममध्ये सुरुवात  होणार आहे.